Piazza Unità d'Italia

[sum culex]

[sum culex]

[sum culex]

[sum culex]

E questo è quanto. Co ve gavè stufà de guardar, no steme mandar accidenti, perchè no ghe ne go bisogno.

Bon divertimento (lavoro) cara baba(TS) ausiliatrice se te credi oportuno zontar comenti o pupoli.


Questa la go vinta mi (o no?)

Ve saludo perchè go i oci in crose che me boi!

e quela in rosso xè nonapicia che me tira longhi per tute le ore che son sta qua davanti inveze de portarla a spasso.

ciao
zoom culex

[Nona Picia]

A M E N !!

Ciao ciao

[babatriestina]

Bellissime! mi me ga ssai piasso quela de l'anno scorso dela Fontana dei continenti col angelo coi do colombi sule ale!
qualche comento:

el sior sula colonna "nosochi" xe Carlo VI, el pare de Maria Teresa, che se ga danado per otegnir che la fia femina arivi a succederghe nei domini asburgici ( la xe deventada imperatrice perchè i ga fato imperator el marì), xe lu che ga proclamado el portofranco e prima la libera navigazion in Adriatico ( ala faccia de Venezia) e xe quel che el dovessi mostrar col man verso el mar , la man la ga restaurada me par el solito Spagnoli! ( e xe un punto particolar dela piazza de dove che vardando la statua contro el Municipio, el manigo dela spada xe in una posizion particolar, che xe noto come El mistero de Carlo VI: xe stado un periodo che dei bontemponi gaveva piturado sul asfalto dele orme de pie che portava al punto bon )

Nela fontana dei Continenti ( che gavemo za un post) nele tue foto che xe del anno scorso, l'Asia ga ancora el papagal intiero in man, che adesso el xe rotto.

Per i pili, là xe la statua che i ghe ga rubado l'asta e una ga anche un buso sul brazzo de qualche sparatoria che no so.

Resta el dubio po sule crosi bianche in campo rosso sula Prefettura: xe i Savoia che se ga messo o xe el stema de Vienna, che xe preciso??

le do statue alla base del Palazzo del Lloyd/Prefettura xe nate come fontane e dovessi rapresentar l'acqua dolce e l'acqua salada

El Palazzo Modello xe soprannominato anche palazzo "terque quaterque" de un'espression latina de scongiuro, vista la posizion dele man dei telamoni, che saria le statue dei siori in alto



Adesso che vardo meo: te ga fotografado in longo e in largo i palazzoni dela fin Ottocento- primi dei Novecento con tuti i loro arzigogoli, stucchi, mosaici, decorazioni, e gnente del Hotel Duchi d'Aosta ( che no xe granchè, ma insomma, se no altro del lato drio la piazza el ga un gran bel panduro su una porta), ma soprattutto no una foto de Palazzo Pitteri!
Perchè el xe importante? perchè xe el solo elemento, oltre la fontana e ala colonna de Carlo VI, dela piazza original del Settecento .
La piazza del Settecento iera un rettangolo col lato longo parallelo al mar, e el solo lato restado xe apunto Palazzo Pitteri, neoclassico!
Dove che xe palazzo Modello iera la cesa e el teatro San Pietro, tutti demolidi appunto ala fin del Ottocento.
Se te gavessi una vista da Palazzo Modello verso Palazzo Pitteri, podessimo imaginar la piazza settecentesca

[Coce]

Grazie Infinite!!!!!!!!

Sum Culex,MAGNIFICO!!

EL piu' PROFONDO RINGRAZIAMENTO dalla lontana AUSTRALIA da parte de un vecio Mulon. Ciao Coce

[AdlerTS]

Resta el dubio po sule crosi bianche in campo rosso sula Prefettura: xe i Savoia che se ga messo o xe el stema de Vienna, che xe preciso??

le do statue alla base del Palazzo del Lloyd/Prefettura xe nate come fontane e dovessi rapresentar l'acqua dolce e l'acqua salada

Per le crosi, so per certo che i savoia gaveva modificado i mosaici sul palazzo della Luogotenenza.

Dalle do statue, effetivamente sgorgava acqua dolce in una e salada nell'altra.

[babatriestina]

Resta el dubio po sule crosi bianche in campo rosso sula Prefettura: xe i Savoia che se ga messo o xe el stema de Vienna, che xe preciso??

Per le crosi, so per certo che i Savoia gaveva modificado i mosaici sul palazzo della Luogotenenza.

.

Giusto ogi ghe son passada vizin e sul fianco del palazzo, verso el Verdi, nei mosaici xe un'aquila nera, con una testa sola, una corona in testa e in mezzo al posto del cuor sto stemma cola crose... per cui me fa pensar ssai a Vienna..
ecove un chiosco de un parco viennese , xe questo che me ga messo el pulise in orecia

[giuli]

Sum,6 un mitooooooo!!!

Le foto sono stupende,splendide,magnifiche..wow!

GRAZIE!!!!!!!!!!

[sum culex]

Mancava, e me xè stà rimarcà, sempre dala Signora baba(TS), el Palazzo Pitteri e quel de l'albergo. Ieri li go fati anche se i gaveva el sol contrario.












ciao
zoom culex

[macondo]

Sul sito del albergo ghe xe delle bele foto d'epoca...

http://www.grandhotelduchidaosta.com/it ... storia.php

[AdlerTS]

I ga anche modificado el sito, in grafica e testi, rispetto ad un anno fa.
Dalla precedente version se capiva che lori e la Locanda Grande iera la stessa roba, adesso xe scritto in maniera esplicita che questa xe stada demolida.

[babatriestina]

Eco, se guardè la terza foto, quela cola colonna, podè imaginar come che iera la piazza nel setecento

( la locanda grande iera più o meno de taio de traverso nel mezzo dela piazza)

[AdlerTS]

Da un'intervista al sindaco de ieri sera su Tele4:

"abbiamo già speso 160.000 euro per le lampadine a pavimento in piazza unità: quando sale l'alta marea fanno condensa e si guastano"

Bravi ! in effeti non podevi saver che soto la piaza xe el mar

[babatriestina]

Bravi ! in effeti non podevi saver che soto la piaza xe el mar

ormai no più, el xe imbunido ancora dei tempi dela Defonta: no te volerà miga insinuar che a quei tempi no i saveva imbunir ben?
a dir la verità, el progetto original, come che lo gavevo visto esposto, prevedeva al posto dele lucette , tante cassettine con alberetti, una specie de ricostruzion del giardin: me lo imagino cola bora!! e gavessi cavado la vista sul mar, riproponendo la prospettiva settecentesca dela piazza, ridotta a metà.
Ma forsi la batuda iera politica: no gaveva fato el lavor una precedente aministrazion?

[sum culex]

I ga forsi cambià (o completà) i ferai de piazza Unità zontandoghe in zima l'alabarda?



ciao zoomy

[babatriestina]

[babatriestina]

qualche dettaglio in Piazza:
sul ingresso del atual palazzo dele region, ma che per tuti noi xe el palazzo del Lloyd, un bel stemma del Lloyd, ma za lloyd Triestino

questa xe la mia prospettiva preferita della piazza, che xe quasi come se la vedessi nel Settecento

i Duchi illuminai al tramonto

( mi istintivamente lo ciamo ancora Hotel Vanoli..)

[sum culex]

La più grande e bela piazza verta sul mar! Verta sul mar un tubo!!!!
Guai far aiole ecc., ma distrugerghe la belezza tirando su piloni e impalcadure anche se saltuariamente, sì che se pol. De sta foto ve rendè ben conto de che bel che xè: per conto mio disastroso!



ciao
sum culex