Son rivado a trovar su internet el DVD del film "Nora", lo go ordinado e ieri me lo son visto. No iera mal, anzi....
El film, per la regia de Pat Murphy, con Susan Lynch (Intervista Col Vampiro, Svegliati Ned, La Vera Storia Di Jack Lo Squartatore), Andrew Scott (Band of Brothers, Salvate Il Soldato Ryan), Vinnie McCabe (Into the West), Veronica Duffy, Ewan McGregor (Moulin Rouge, Young Adam e primi episodi de Star Wars) e Aedin Moloney, xe trato dala biografia de Brenda Maddox.
El film vedi per protagonista Nora Barnacle (Susan Lynch) che sarà la compagna (poi moglie) de James Joyce (Ewan McGregor), al quale ghe darà anche do fioi. La pelicola xe ambientada quasi totalmente tra Dublino e Trieste, forsi più a Trieste, dove el insegnava ala Berlitz School, anche se dela cità no se vedi gran che : el molo Audace, uno scorcio dele rive, piaza Unità, Ponterosso, una breve imagine parziale del Castello de Miramar.
Ricordo che James Joyce xe visudo tra el 1882 e el 1941.
Sebbene la sua vita sulo schermo la sia forsi un poco romanzada (e a tinte sesuali un poco forti), credo rendi ben la figura del scritor e dela sua famiglia, con i sui lati positivi e negativi, tanto ricordada dale nostre parti, ma forsi poco realmente conosuda.
Una curiosità. Zercando su internet la biografia dela vita de Joyce (per confrontarla con la version cinematografica), go visto che la statua a lui dedicatd a Dublino la xe molto simile (ma non uguale) a quela de Trieste.
Consiglio la visione del film a tuti i triestini, fa parte dela nostra storia.
"Nora" (e James Joyce)
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.