Stocktown

[AdlerTS]

Un par de anni fa se fazeva sai parlar del progetto Stocktown per la sede de Rojan della storica azienda Stock, che ormai parte del gruppo tedesco Eckes AG, non produci più qua.
Sto Stocktown o Stock town, (come volè) prevedeva el riutilizzo del edificio del 1929 come centro commerciale.

Questo xe l'ingresso più bel

[AdlerTS]

Da questo ingresso se raggiungi subito alcuni uffici dell' ASL (ex USL), della Sissa e della Genertel.

[AdlerTS]

Lassando perder el baretto, sulla sinistra xe el vecio camin dell'azienda

[AdlerTS]

I la ciama archeologia industriale.... gaun suo fascino veder ste vecie strutture.

[AdlerTS]

Un vecio orologio fermo...chissà da che anno.



Lionello Stock e Carlo Camis, decidi nel 1884 de verzer una picia distilleria a vapor a Trieste. Nel 1906, dopo el ritiro dagli affari de Carlo Camis, Lionello Stock resta da solo alla guida dell’azienda. All’inizio della prima guerra la Stock xe za una casa affermada in tutto l’Impero per la qualità del suo cognac e della sua grappa.

[AdlerTS]

Nel 1915 i gaveva stabilimenti in Austria,Cecoslovacchia, Ungheria, Polonia, Jugoslavia, anche in Egitto, Palestina, negli Stati Uniti e in Brasil.



In questo scorcio se vedi un bel porton e una vecia balanza.

[AdlerTS]

Un dettaglio della bilancia

[AdlerTS]

E sul porton, sior Stock che xe stado anche un filantropo e un benefattor, gaveva sto bel grappolo de ua (se scrivi cussì ?)

[AdlerTS]

Alla fine, oltre ai uffici e al baretto de prima, dentro xe un secondo baretto, un supermercato Pam ed una profumeria.

Credo de aver capì che el progetto de aver un vero e proprio centro commerciale non xe mai decollado definitivamente, e dentro xe diversi spazi commerciali liberi.

[granzo]

Me ga sempre afascinado quele costruzioni...anzi per mi xe una bela caxa ...me piaxi i edifici in matoni...grazie de le bele foto

[Nona Picia]

Le case delam Stock ga fato parte dela mia infanzia, le vedevo ogni giorno co andavo a scola o a far la spesa per mia mama. Belle foto!
Ciao ciao

[babatriestina]

..me piaxi i edifici in matoni...

efetivemante, xe curioso che a Trieste i edifici in matoni xe rari, o se i xe in matoni i xe ben coverti de malta, ma ogni cità fazeva una volta le case ( prima del arivo del cemento armato) con el material che iera più disponibile, e qua la piera no mancava cussì la più parte dele vece case xe fate de piera. Arenaria, per lo più.
Colpissi la diferenza co se va in cità in pianura, lontane dei monti, dove che, gavendo meno piere, i fazeva in mattoni. Ferrara, Bologna, Padova.. Venezia se ga fato in piera, ma se la ga tuta importada del Istria.