El monumento alla foiba de Basovizza

[AdlerTS]

ATTENZIONE: semo nella sezion architettura e parlemo de monumenti.
Chiarido questo, combinazion son passado davanti alla foiba e go visto questo.

[AdlerTS]

I sta tirando su muri tuto intorno e non se capissi se sarà edifici o solo recinzioni.

[

[AdlerTS]

Quel che xe pezo xe che i ga messo man anche al monumento sul buso vero e proprio: i ga cavado la piera per meter sta tonelata de feraza ruzine.



I me ga dito che quel trespolo dove xe messa la crose xe la per ricordar i argani coi quali i ga ripescado i corpi

Sarà .... visto che al Comun ghe manca soldi, mi non li gavessi spesi cussì

[babatriestina]

xe quel che stavo per dir mi.. i fazeva meo prima a meter a posto i servizi dei giardini pubblici. Po se ghe restava i pol far e rifar sto monumento . I spera de ciapar turismo? efetivamente, nei viaggi turistici in Germania e dintorni i te porta a veder i campi de concentramento.. mi personalmente no arivo a aprezar le visite turistiche in posti dove che la gente ga soferto.

[babatriestina]

ecove i lavori che procedi


i ga tirado un muretto a secco tuto intorno, po xe un vialetto con pici cipressi e drio per mi xe qualche edificio, magari sarà per un bar o un posto per vender opuscoli, ormai tute le scuse xe bone..

[Nona Picia]

dirìa che xe un "poco" orrendo!

[refolo]

Anche quel che rappresenta la Crose, ga' sofferto per l'umanita'.
e xe questa la ragion per ricordarse dei altri.

solo spero che qualche mio lontan parente, cugin, secondo cugin, che sia chi che se vol, gabbi la delicatezza de metter i nomi dei mii due zii....sempre se sul muro ghe sara' nomi e date.

Maria aka Refolo

[AdlerTS]

Sarà .... visto che al Comun ghe manca soldi, mi non li gavessi spesi cussì

Do giorni fa i ga ribadido che i soldi per sto lavor jera soldi vanzadi dalle celebrazioni del 50° del 1954, quindi "a costo zero" per i contribuenti triestini

[Nona Picia]

ieri semo andai ala foiba de Basoviza e gavemo fato un giro. Ve meto un per de foto. Questa xe una foto ovvia....

[Nona Picia]

Dopo semo andai a scoprir la primavera....

[Nona Picia]

Me ga parso de veder un fior e lo go fotografà....

[Nona Picia]

E per finir, el genio al lavoro....

[Nona Picia]

E adesso elgenio me zigherà perchè no go doprà imageshack!!!

[babatriestina]

no xe un obbligo: solo che se te posti cussì te dopri el spazio che te ga ti a tua disposizion nel forum, una volta consumado ( come che ga fato "el genio") se se ferma, xe un'esperienza in Triestemia dove che iera tante foto che s egaveva finido el spazio disponibile. Imageshack ga i sui pro e i sui contro.

[Nona Picia]

OT: Fra qualche tempo gaverò ripreso pratica con imageshack e no doprerò più altri spazi! Cussì no me ciaperò rimproveri.

[sum culex]

E per finir, el genio al lavoro....

Co'l tenta de fotografar el crocus: per el risultato vedi 'flora/croco

ciao
sum culex

[sum culex]

A lavori finidi eco come che se presenta sto monumento.

L'ingresso






Un altro passagio nel muro che circonda el sito

[sum culex]

La strutura che rapresenta, stilizà, l'argano (o la grua) che ga servì per tirar fora dala foiba i detriti e i corpi dele vitime. In zima la crose.

[sum culex]

Sta sequenza xè un poco ossessiva, come che del resto xè tuto l'insieme del sto monumento e come che xè, a mio parer, giusto che sia, proprio per quel che el vol rapresentar.

[sum culex]

La strutura par de legno impregnà (de carbonileum come che se usava una volta) anche guardandola bastanza de vizin, inveze la xè de aciaio brunido.
Eco la targheta del costrutor.



La costruzion ancora serada che dovessi diventar un picio museo.



Un bloco de rocia cola sezion stilizada dela foiba co'l indicazion de quel che xè sta trovà ale varie profondità.