Le bale de Mozart

[AdlerTS]

Tuti conossemo le bale de marzapan de Mozart, con la sua carta rossa e oro. Bon, butele in scovaze !
Quel xe solo un "circa" fato da una multinazionale che ga avudo la forza commerciale de imporse per el mondo (Vienna stessa xe piena de queste kugeln).

L'originale xe de Paul Fürst, che le ga inventade nel 1890, e che nel 1905 ga ricevudo per queste una medaglia d'oro all'Esposizion de Parigi.
Queste bale ga la particolarità de aver un buso, riempido de cioccolata, sul lato. La carta xe blu e argento. Se le assaggé, non magne più quele altre. El sito ufficiale (solo in tedesco) xe http://www.original-mozartkugel.com/ges ... hichte.htm

[Nona Picia]

Te ga almeno la cartina dela confezion de farne veder?
Ciao ciao

[granzo]

E meno mal che el titolo de 'sto topic xe soto "ricete" .....ma te ga fato aposta?

[AdlerTS]

La foto xe dal web, perché non trovo la carta che go salvado.

Per el witz, me par che se lo senti spesso in giro

[Nona Picia]

Se li trova solo a Salzburg?
Ciao ciao

[AdlerTS]

Qua non le go mai viste, ma me par che se pol ordinarle via internet al sito che ve disevo

[AdlerTS]

La carta del Mozart continuo a non trovarla, però go trovado questa: xe dedicada al fisico Doppler, anche lui nato a Salisburgo, celebre per gli studi del così detto effetto Doppler. In pasticceria i ga pasticciado tra effetto e confetto e el risultato xe questo. Bon.

[nanaia]

Adler, te son grande! me go perfin stampado la storia delle kugeln originali: troppo bel! te sa che me vien un poco de nostalgia per el viver de una volta, quando ghe iera el tempo de far le robe ben e senza tanta furia.... mi go presto 59 anni, che no xe proprio tanti - in asoluto- però da quando iero picia xe cambià talmente tanto che me par de averne 500.
Se te trovi altre bele robe.......noi semo qua!
baseto
Nanaia

[AdlerTS]

Kannst du Deutsch ? Opur te se ga acorto prima de mi che xe anche in inglese ?

[nanaia]

ciò, canaja! sicuro che so tedesco, magari ruzine, ma per leger va ben:-)))
fate contar de nonapicia della nostra mitica Tante Olga che ne ga roto i bisi con le lezioni de tedesco a tutti noi cugini (meno che nonapicia, che gaveva adiritura la mama de Graz, e che mama!!!).
ciao coccolo
nanaia

[Nona Picia]

(meno che nonapicia, che gaveva adiritura la mama de Graz, e che mama!!!).
ciao coccolo
nanaia

.......E la nona che ne parlava solo in austriaco-stirian tuto el giorno! Mitica la Tante Olga! Gavevo una paura de ela! Chissà perchè, infondo no la iera tanto mal!
Ciao ciao

[Bilbo]

ma vara ti, ieri giravo in cità e te me son vignù in mente....

[AdlerTS]

Le xe blu, ma me par che xe un'altra marca ancora

[Nona Picia]

Le ga un altro ritratto de Mozart, diverso de quel de Adler.
Ciao ciao


PS: dove tele ga viste?

[serlilian]

Quele che go magnà a Salisburgo iera ecezionali. I diseva che le iera fate a man, e difati le iera iregolari. Le go trovade in un bar-pasticeria. Xe passà tanti anni, ma me par che le gaveva la carta argento.

Ma ancora meio xe le Schlossbergkugeln. Le xe assai più grande perchè le rapresenta le bale de canon del castel de Graz. I le fa de Strehly, una pasticeria, che se trova a destra su per una strada che dela Hauptplatz la porta al castel.

http://www.wcities.com/en/record/,19147 ... ecord.html

[AdlerTS]

Varde cossa go assagiado

[serlilian]

Orpo! Dove te li ga trovai?

[sono piccolo ma crescero]

Una curiosità de un povero ignorante: da noi i wafer, che penso sia un biscotto austriaco, se ciamava napoletani e me par de aver visto sto nome in tedesco (neapolitaner). Savè dirme perché? Son sicuro che ghe sarà de mezo qualche toco de storia ...

[McFriend]

Ho controllato su il sito austriaco dei biscotti. Si chiamano Neapolitaner perchè le nocciole arrivavano dalla zona di Napoli. Vedi anche
http://www.manner.com/index.php?idp=60&hxpage

[AdlerTS]

Orpo! Dove te li ga trovai?

Nella pasticceria sotto el ricreatorio Padovan.