Toponomastica

[macondo]

[...]Interesante anca come certe strade le xe stade modificade....

te sa che no rivo a veder cuale? ... va ben che son ciapa' de le strighe, ma proprio no ghe rivo ... te me conti cuale che te ga visto ti?
ciau
Franco

Cominciemo con la zona Barriera, che za gavevimo discusso:

No xe piu la via Arcata le case che la costegiava (includendo la famosa casa Bizantina) le xe stade demolide e al suo posto ghe xe Largo Barriera.
Ghe xe anca cambi e modifiche anteriori. Via del Moro, oggi via Antonio Caccia la iera a fondo cieco e cussi pur via del Olmo, oggi via Vasari che terminava in una specie de slargo.Te vederá che nela vecia foto no le sbocava in via Massimo D'Azelio che in que anni iera ancora via Solitario (!!!!) Te notará anca che a un certo punto i slonga via Vasari che adesso atraversa la via d'Azelio e la finisi in quela via che unisi via della Pietá con via Ugo Foscolo.

Anca de la zona de Viale D'Annunzio gavevimo za discuso. Vedi anca qua come che l'apertura del Viale ga creado diferenti cambi.

[ffdt]

[...]Barriera[...]D'Annunzio [...]

si, de cuel me ricordavo ma no pensavo che te se riferisi a cuela parte la` ... ... iero come sicuro che fusi altre strade cambiade

[...]Via del Moro[...]via del Olmo[...]

eco ... de cuele no me gavevo inacorto anca se go de dir che solo vardando la piantina no me sento sicuro de dir che le iera proprio cusi` come che le xe segnade ... anca la piantina nova la me par fata un poco per circa ... pero` vado a memoria e ghe volesi andar la` a controlar ... e magari far un per de foto ma` mi de sti giorni no rivo de sicuro

comuncue grazie de i spunti ... xe interesante fr sti confronti

[refolo]

Non posso confermar quel che disi Macondo in fatto della via del Moro-via Caccia...
i mii noi xe piu' ma nella mia carta de residenza, d'indentita' ecc. abitavo in Via A. Caccia dal 1938.

Quel che iera prima xe solo per i veci che noi esisti.

Maria aka refolo

[babatriestina]

Non posso confermar quel che disi Macondo in fatto della via del Moro-via Caccia...
i mii noi xe piu' ma nella mia carta de residenza, d'identita' ecc. abitavo in Via A. Caccia dal 1938.

Quel che iera prima xe solo per i veci che noi esisti.

difatti, Maria, la carta che go postado xe del 1911. Trieste iera za prima che te nassi . E a volte pol interessar propio anche quel che iera prima che fussimo nati.

[ffdt]

son pasado per bariera proprio ogi e go visto che via pondares e via vidali no le xe exatamente vis-a-vis ... a memoria me pareva che no le lo fusi, ma no iero sicuro e ogi go verificado: le ga i asi sfaxadi de groso modo un 4 o 5 metri (a ocio) ... fusi de mixurar

el problema de ste cartine xe che le xe per circa ... bele xe cuele de la region, la xe precixe tipo cuele de i militari, solo che le costa 5 euro l'una e no me par che se pol publicarle ... i vendi una version libera in formato eletronico ma tempo indrio vignva 95 euro per cartina ... e xe de tignir conto che la prvincia de Trieste la xe divixa fra tante cartine ...

cuele de 5 euro le ga un prezo acetabile ... e anca se no xe poco (se un el vol tuta la provincia) almeno le xe fate ben ... se rivo a ricordarme ghe ne meto una cua ... ma no adeso che no go tempo

ciau

Franco

[refolo]

Grazie Franco....almeno con quel te me ga' messo in sfasa!
Mi' personalmente, che fazevo spesa sul canton della via Vidali, e spettavo
mamma che la vegni fora della via Pondares con la mastella dell'acqua?

te posso assicurar che quel che te disi xe vero'.......
Gavevimo (anche adesso credo) una contursion........(parola del nostro amato Cacchelin) de vie e viuzze, che nessun le ga' precise.

quel che xe stado fatto dopo, me riferisso, sempre dopo la prima guerra mondial, le vie, androne, vialetti ecc, xe stade modificade, ma senza eliminar le case, specialmente quelle che vegniva star sui cantoni.

E dove' ametter, che se cambiando nomi i doveva taiar le vie e piazze come una fetta de torta? addio belezza cittadina.
le imperfezioni xe sempre quelle che attraia de piu'.

Comunque: per mi' personalmente!
via Pondares, fontana e rifugio durante i bombardamenti, piu' el bagno mensile

barriera Vecia per le paste creme de Pirona-Cine Massimo el Regina (in barba a quei che non ghe comoda) Donda-Bosutti- El Diavolo Rosso (negozio de scarpe) Cavaliero vestiti de omo e tessuti-Borsalino capei per omo, ........El mercato coperto!

da non dimenticar la caserma in Via Vasari della mie guardie
de radicio ecc.......poeti-commedianti-scrittori? chi piu' de mi' se ga'
diverti'? Osterie-panifici-casa del dolce- piccolo Bradaschia........una sc'hiera de robe che nessun se pol confonder, e mai dimenticar.

Maria aka refolo

[babatriestina]

La piaza xe stada finida durante una dele ocupazioni francesi, e sti francesi che ga dà el nome de un logo dove che i austriaci gaveva perso una bataglia.
Quando che xe tornada l'Austria, per sprezo ai francesi i ghe ga meso nome Lipsia.

.

la go trovada: xe la battaglia de Luetzen! ( u cola dieresi, go messo ue come che se pol far..)
Luetzen e Bautzen xe le do ultime battaglie che ga vinto Napoleon, prima de ciaparle a Lipsia!!!

[MisterKappa]

la go trovada.....

Ahi, ahi, una prof che no sta attenta!!
Varda cossa che gavemo scrito el 22 de novembre

[babatriestina]

e son anca arteriosclerotica, perchè la gavevo scritta anca mi, e cola data! coss te vol con un post de 8 pagine...

[babatriestina]

Ogi go trovado in prestito un libretto molto interessante: Il luogo e la storia La toponomastica storica di Trieste Parte I Il Borgo teresiano Comune di Trieste- Biblioteca Civica 1990
( solita biblioteca del Carli)
Un bel lavor, che prevedeva anche la continuazion... moltisime informazioni e dati.. ve li zonterò man man che lo leggio.

[babatriestina]

piazza della Borsa: dal 1939 al 1944 piazza Costanzo Ciano (non Galeazzo )

La comincia come Piazza della Dogana, che iera dove che i costruirà el tergesteo,e Piazza del canal Piccolo, ma no corrispondi a tutta la piazza ( no la esisteva ancora 9. Po la deventa ( 1791) Piazza della dogana Vecchia. La deventa Piazza della Borsa nel 1802, piazza Costanzo Ciano nel 1939 e Piazza della Borsa nel 1943

[babatriestina]

via del teatro: dal 1922 al 1943 via D'Annunzio;

Contrada del Teatro; Via del teatro, via D?Annunzio dal 1922
Via degli Squadristi ( 28.9.1940)- che no sarà su nissuna pianta..e torna via del Teatro nel 1946

[babatriestina]

via Genova: via del Campanile fino al 1919

Fra via canal Piccolo al Ponte Rosso la comincia come Contrada della Cassa ( Cassa Camerale, Fondo di religione ex gesuitico e Cedole di banco). deventa via del Campanile dal Pnterosso a s Antonio, el campanil xe uno dei do dela vecia Cesa dei Serbo Illirici del 1782, po tutta la via deventa del campanile e via Genova dal 1919

[babatriestina]

Via Benvenuto Cellini, sembra che nassi da un originale Via benvenuto fin al 1907, riferito a chi che arrivava alla Stazion

Corso Italia: el comincia nel vecio borgo teresian come Contrada di Porta Nuova o della Porta di Vienna o Grande, poi ( el primo tratto) Contrada di Vienna ( dalla Porta di Vienna a Porta Riborgo)
Contrada di s lazzaro da porta Riborgo alla Stranga ( P Goldoni)
Nel 1783 el governator Pompeo de Brigido permetti che nei ultimi 3gg de carneval i carri sfilassi in quella strada e la deventa Contrada del Corso., po Via del Corso, dal 1918 Corso Vittorio Emanuele III, dal 1944 de novo Contrada dal Corso ( V.E . III no iera più benvisto politicamente nel 44 ) dal 1955 Corso Italia.
Fra el 43 e el 45 xe anche Corso ettore Muti e Corso Tito, ma senza delibere ufficiali.
Via della Geppa: nel 1350 ghe iera una fonte dela signora Geppa ( domine Yeppe) Androna dello Squero Nuovo, Contrada della Jeppa o della Geppa, Via della geppa, fra el 43 e el 46 via Luigi Casciana ( e chi era costui?) torna via della Geppa 1946

Piazza San lazzaro xe el primo nome de Piazza goldoni, e nel 1886 da Della Legna deventa Delle Legna . I legni che arrivava via terra, del Cragno o Carniola, vegniva scarigai qua, quei che arivava del mar de l'Istria, vegniva scarigai sulle rive.
No xe ciaro quando che la diventa Goldoni, qualchedun disi za nel 1902.

Via Mazzini: Contrada nuova, Via nuova, fra el 1915 e el 18 via Maria teresa ( a volte anche Contrada lunga)

Piazza Ponterosso nasi come Piazza delle due fontane (1764, ma la seconda no xe mai arrivada) e Piazza san giuseppe. El Ponte xe de dopo el 1756 e la deventa Ponterosso

Via Roma:
Contrada del Ponte Rosso e Contrada della Dogana, Contrada del Wauxhall ( un local del 1780), via dele Poste, ( i diversi tratti ga nomi diversi) diventa via Roma nel 1919

[babatriestina]

gavemo za dito che el attual foro Ulpiano xe nato come piazza del fien o dei foraggi ma che durante la guerra iera Piazza principe Eugenio?

[refolo]

Fazo una richiesta, perche' proprio non so'......
come se ciamava el Ponte Verde?

(oggi 18 marzo) mio mari' se imbarcava per venir in Australia e lo go' in fotografia senta' sulla balustrada......ma purtroppo la foto xe b/n ma verde el iera per sicuro).



Maria aka refolo

[babatriestina]

Fazo una richiesta, perche' proprio non so'......
come se ciamava el Ponte Verde?

te disi el ultimo ponte del Canal, quel che xe stado cementado nel Novecento? cossa te fa pensar che el gavessi avudo altri nomi? mi credevo sempre ponte verde e basta.. o son ignorante anca mi..

[refolo]

Non me permetto de ciamarte ignorante? mi pensavo che forsi nel 1790-e dopo o prima el se ciamava diversamente.

Tutto xe cambia' anche ai tempi dei mii nonni! So' che come ditto nel lontan 1955, nessun ga' mai menziona' de sto ponte, anzi i me ga' dito el iera cussi' ruzine chei spettava chei lo ripituri!.....

Maria aka refolo

[AdlerTS]

Contrada del Teatro; Via del teatro, via D?Annunzio dal 1922 Via degli Squadristi ( 28.9.1940)- che no sarà su nissuna pianta..e torna via del Teatro nel 1946

Questa xe da parte dell'amico Mario

[refolo]

WELL!!!!!!
col tuo amico Mario non gavemo bisogno de nessun altro!
perche' domandar?

Maria aka Refolo