In attesa de veder un reportage fotografico (
), ve conto qualcossa: xe fin lunedì 25, quindi se sempre in tempo.Xe sempre de magnar, e i stand de luganighe e birra no manca, anca tanti formaggi, fin un stand russo che vendi cavial russo ( no ghe xe el prezzo).
Xe un poche de strazze, strafanici, ma xe chi che ghe piasi, colane etniche, borse de cuoio, e po alcuni stand che ve segnalo o per i prezzi o per la qualità: le piante al Canal ga molta scelta e prezzi boni, gavevo ciolto l'anno scorso bulbi olandesi de amarillis a prezzi molto inferiori che nei soliti negozi e i ga tutti fiorido ben, stavolta con 10 euro me go portado a casa 7 sacchetti de bulbi olandesi! 9.90 euro una cassetta con 5 ciclamini grandi!
po diversi stand de roba de legno, molto bel quel del artigianato clautan, de farghe concorrenza ai altoatesini ( i clautani vendeva cuciari de legno per secoli).
E mi me go svodado el tacuin al stand dele ceramiche-porcellane inglesi del Staffordshire, no bon prezzo, ma ssai bei ( anche per far alcuni regali nei prossimi giorni).
Per NonaPicia, che domandava nele rizette i biscotti de mandorla, in Piazza s Antonio di fronte ala cesa xe un stand sicilian con sti biscotti in quantità, e no xe marzipan! xe anca i arancini de riso che magna Montalbano nei romanzi de Camilleri.
[/i]
