Antonio Ghiringhelli vs PeterGh

[Capuzi garbi]

Ciao Peter,

Una domanda forse un poco personale, percio` se questo fosse il caso, non c'e` obbligo di risposta.

Sono da sempre stato un amante della lirica ed il nome Antonio Ghiringhelli e` uno da leggenda per quanto riguarda il mitico personaggio varesino ( magari Callas non la pensava cosi`) ex sovraintendente della Scala.

E stato forse un tuo parente, anche se fosse stato alla lontana?

L

[Capuzi garbi]

[url=http://img216.imLo conosci?

[nanaia]

Sabato 21, alle 9 de matina, oviamente, quando scolta TV solo povere diavole che stira e se consola con quela , i ga dado una programa STU PEN DO su Franco Corelli (1921-2003). Che meraviglia!!!
I lo ga definido el più grande dei tenori dela sua epoca: no vojo giudicar (anche Del Monaco...no mal, no ), però me sono incantada.
Go rivisto brani interpretadi come me piasi a mi, con costumi e scene clasiche; una vose indiscutibilmente bellisima e lui......meraviglioso.
Lo go anche visto al Verdi nei primi anni Sessanta nell'Andrea Chenier: trooopo bel! Voi cossa pensè de lui?
Nanaia

[Nona Picia]

Mi lo go visto nel seconda metà dei anni 50 nell'Aida e dopo nella Fanciulla del West, devo dir che el me ga piasso tantissimo, pecà che dopo no go più avù ocasion de vederlo.

[Nona Picia]

Devo agiunger che qualche anno fa me go comprà un cd del Trovatore con lui e che nonostante la registrazion sia de quel'epoca el ghe dà dei punti ai migliori cantanti de ogi.

[babatriestina]

Stupendo! Ma no gavevimo za un thread su Corelli?
Nanaia, Chénier al Verdi doveva esser prima dei anni 60 ( doveria controllar sul libro del verdi) perchè nel 63 mi iero al Chénier con Cappuccilli esordiente, ma el tenor iera un altro.. mi no go arivado a vederlo al Verdi.

[Capuzi garbi]

Devo agiunger che qualche anno fa me go comprà un cd del Trovatore con lui e che nonostante la registrazion sia de quel'epoca el ghe dà dei punti ai migliori cantanti de ogi.

Imagino che sia quel dove che'l tenor marchegian canta con Merrill, Tucci,
Simionato et al, no? Domando perche` che xe diverse registrazioni fate dal vivo.

Corelli ai sui tempi xe stado un dei piu` grandi tenori lirici, el gaveva piu` potenza vocal in un dito mignolo che gente come Pavarotti, gaveva in tuto el suo corpo. Uno dei grandi indimenticabili, e averlo visto nela Chenier, probabilmente la mia opera favorida, devi eser sta una grande ocasion. Sfortunatamente per mi, no lo go mai visto dal vivo, ma de quei pochi video che go dove che'l canta, el jera magnifico (anche se personalmente preferivo del Monaco).

A proposito, mi go 'ssai poche registrazioni in CD: el 99% se su disco.

[Nona Picia]

El mio Trovatore xe con Corelli, Price, Simionato e Bastianini, dirigi von Karajan (che no me piasi tanto).Nianche mi no go visto l'Andrea Chenier con lui, ma lo go sentido diverse volte.

[babatriestina]

me sa che el thead su Corelli iera ancora in triestemia...
el disco che disi NonaPicia lo gavevo anca mi, e dovessi esser una registrazion live de alquanto scarsa qualità tecnica de una recita dal vivo, credo a Vienna.
A differenza de Capuzzi, mi me piaseva più Corelli che Del Monaco, che gaveva una vose magnifica ma cantava tuto sul mezzo forte o forte, modulava assai poco. e inveze Corelli, che in origina gaveva una vose un poco troppo vibrante e lo ciamavino pe-Corelli , ga avudo l'umiltà de meterse a studiar con Lauri Volpi ( quel per mi iera fantastico!!!) e el ga migliorado la sua tecnica in modo impressionante.
Per mi, le sue più bele interpretazioni xe Calaf in Turandot ( cola Nilsson), Don Josè ( ed Karajan ,ma anche una precedente no xe mal) dela Carmen, e come che ricordavo quela volta , l'unico che, co cantava ( in disco, almeno) Aida, in celeste Aida el finiva con un acuto che ala fin se smorzava.. no lo go mai sentido far de nissun altro, gnanca Bergonzi, e me par che Verdi gaveva scritto propio cussì.
In Chénier el iera bravo e sopratutto bel, ma go sentido altri Chénier altrettanto bravi: gavè mai sentido el Sì fui soldato e Come un bel dì di maggio con Gigli?
Anche el Trovatore, el iera bravo, ma ghe xe una Pira de Lauri Volpi ( e anche una de Pavarotti in principio de carriera) anche meo de lu, e el Ah sì ben mio de Bergonzi no lo go mai sentido altrettanto bel- e lo go anche sentido dal vivo al Verdi e me go inc*** a morte co la mattina dopo el vecio critico del piccolo Vittorio Tranquilli lo ga criticado perchè la Pira no ghe pareva alquanto squillante

[Capuzi garbi]

Per mi, le sue più bele interpretazioni xe Calaf in Turandot ( cola Nilsson), Don Josè ( ed Karajan ,ma anche una precedente no xe mal) dela Carmen....

....ma go sentido altri Chénier altrettanto bravi: gavè mai sentido el Sì fui soldato e Come un bel dì di maggio con Gigli?

Anche el Trovatore, el iera bravo, ma ghe xe una Pira de Lauri Volpi ( e anche una de Pavarotti in principio de carriera) anche meo de lu, e el Ah sì ben mio de Bergonzi no lo go mai sentido altrettanto bel- e lo go anche sentido dal vivo al Verdi.....

Come tenor eroico, senza dubbio, Corelli xe stado uno dei piu` grandi. El se sta` anche fortuna nel senso che la natura ghe gaveva da un bel aspeto fisico, e questo aiuta tanto.

....E anche Un di all'azzurro spazio . La Chenier, con Gigli, Bechi, Caniglia e i giovanissimi Taddei e Simionato in parti secondarie dovesi eser ancora otenibile. Gigli con i sui singhiozi e tuti i sui manerismi, resta sempre Gigli: Un gigante dela lirica. Co ste monade dei "tre tenori" sara completamente dimenticade, el nome del tenor de Recanati sara` ancora vivo.

Digo la verita`, no son mai stado tropo entusiasta de Lauri Volpi, e ancora de meno del Pavarotti, mentre inveze el tenor parmense, Bergonzi, per conto mio, el xe stado un artista completo che se ga specializza nel repertorio verdian e el ga esegui` con grande stile.

Ma un giorno cominceremo a parlar dei cantanti de ogigiorno, anche se pareria che quei che va per la magior, per momento almeno no i xe italiani, ma russi, argentini, rumeni, statunitensi.... el mondo cambia!

[refolo]

Ancora non go' capi' el motivo che semo sotto la domanda a Peter G? ma non importa, solo se saria stada mi a parlar? saria za amonida da qualched'un sul fatto de parlar de quel che non xe topic ?????????

Mi go' ( se capissi iero parona de do' negozi?) almeno 3-4 versioni de differenti opere. Tutte una meio dell'altra, Von Karajan el iera un Dio, almeno le opere o concerti iera incisi sul DeuscheGrammophon, una delle migliore case Tedesche. Paron de se stesso teutonico ecc. ma grande.

Quei tenori o soprani prima dei anni 60 iera la culmine della gloria. Go' letto un'articolo su Del Monaco, che se voi non save' el iera in viaggio in America col Andrea Doria prima de andar a picco.

Si' ghe iera a bordo un mucio de triestini, coghi, infermiere, anzi la mia inquilina la ga' assisti al parto della moglie de Del Monaco!
Tutti iera bravi, tutti i xe stadi congratuladi dai Triestini, non dimenticar che semo assai critici con le opere, pezo che la Scala.

Mi non go' mai visto Bergonzi, sentido' si', ma me ricordo de Pavarotti col iera qua' nel lontan 1965, chel ga' dito (forsi monetariamente) che un giorno el diventera' meio de lu' e difatti xe stado vero.

Non podemo lamentarse ne dei nostri triestini, ne nianche dei altri. la Turandot cher nomina Betta, mi go' visto e go' l'opera con la Callas grassa come un toro, insulsa la go' trovada, assai chis-mo-mi' ma forsi che la sua presenza de donna alquanto grossa la ga' portada a farse odiar dai triestini.

Nessun articolo che go' del Piccolo i parla ben de ela, altezzosa, e contro sto povero tenor chel cercava solo de far la sua parte. Solo la version della Lucia de Lammermour nel 1953 cond. da Tullio Serafin con Giuseppe de Stefano e Tito Gobbi la se ga' ripreso le consuete battude de man.

La ga' adirittura' lassa' el pubblico senza fia', la xe stada paragonada alla vera eroina de Gluck's.
De qua' se vedi, che in una maniera o nell'altra tutti ga' fatto el meio per esser grandi cantanti.

Maria ak refolo

[babatriestina]

Ancora non go' capi' el motivo che semo sotto la domanda a Peter G? ma non importa, solo se saria stada mi a parlar? saria za amonida da qualched'un sul fatto de parlar de quel che non xe topic ?????????

[MOD] te ga ragion, spetavimo de saver qualcossa su Ghiringhelli e po cola musica se gavemo lassado ciapar la man e semo finidi sui tenori
se trovo de dove taiar per capir de dove che cambiemo argomento, poderia meter un novo topic sui tenori... me par che gavemo cominiciado con Corelli [MOD]

[Capuzi garbi]

.... la Turandot cher nomina Betta, mi go' visto e go' l'opera con la Callas grassa come un toro, insulsa la go' trovada, assai chis-mo-mi' ma forsi che la sua presenza de donna alquanto grossa la ga' portada a farse odiar dai triestini.

Nessun articolo che go' del Piccolo i parla ben de ela, altezzosa, e contro sto povero tenor chel cercava solo de far la sua parte. Solo la version della Lucia de Lammermour nel 1953 cond. da Tullio Serafin con Giuseppe de Stefano e Tito Gobbi la se ga' ripreso le consuete battude de man.

La ga' adirittura' lassa' el pubblico senza fia', la xe stada paragonada alla vera eroina de Gluck's....

Maria ak refolo

Questa mia risposta no vol per niente eser ne furba ne sarcastica, ma xe un per de roba nel tuo intervento che no capisso.

Te disi de aver visto la Turandot nominada de Elisabetta, ma ela parlava de una magnifica registrazion dala RCA con Nillson, Corelli, Scotto e Gaiotti: Come te pol averla vista?

Callas ga canta` la parte de Turandot poche volte, solo 24 per eser precisi. La gaveva abandona` el ruolo nel 49 per concentrarse sule parti de Bel Canto ma eventualmente la gaveva registra` el capolavor pucinian nel 1957 co la memoria dela grassota Callas jera solo una memoria.

Come te pol dir che la jera grassa come un toro, e anche se la fussi stada, sicuramente no se rivava a veder el suo fisico atraverso un disco, specialmente co Trieste no la gaveva mai vista come Turandot.

E per ultimo te disi che'l Piccolo no parla ben dela Callas ecc.ecc.

Mi no son mai sta fortuna` de vederla sul palcoscenico, anche se go tute le su registrazioni "uficiali" fate dala EMI.

Mia cugina Licia ga visto la Callas nela seconda opera che la cantante statunitense ga fato a Trieste: La famosa Norma del 53 vista al Verdi con Corelli, Christoff e Nicolai. Parte del spetacolo se otenibile su CD. Mia cugina parla ancora de quela sera come una dele robe piu` magnifiche che la ga mai visto.

L'unica altra opera che la ga fa a Trieste xe sta una Forza cantada al Politeama nel 48. La ga fato anche parte de un concerto nel 51, al Verdi, direto de Armando la Rosa-Parodi.

Percio` no son tropo sorpreso che'l picolo ga poco de riportar: Maria Callas jera partida per lidi 'ssai piu` importanti del nostro picio Verdi.

Ad ogni modo me piaseria saver chi che jera sto povero tenor contro cui la jera stada tanto altezosa.

Ultima roba: Cossa vol dir paragonada alla vera eroina de Gluck's....? No capisso el significato.

Go anche una domanda per tuti quei che ga interesse nel sogeto: El mezzosoprano Irma Colasanti: A suo tempo la jera ben conossuda. Xe qualchidun che me pol dir qualcossa dela sua vita o cariera?

[refolo]

Finissila d' esser una pittima? te vol che te metto la foto dela copertina? o te dubiti ancora...te sa' che te son una peste insulso? al limite oltre limite.

mi andavo ancora a veder le opere nel 1953, son partida da Trieste nel 1955, non me interessa de tua cugina....ne go' intese sufficienti della tua famiglia per farme una cognizion.

Doprite el GOOGLE che xe lunica roba che te sa'........te ga' missia' tutto per saver de quel che gavemo visto mi e Ron...ma nianche se te mori de
curiosita' non te disemo niente de niente.

Solo perche' te ga' un carattere alquanto prepotente bisognoso solo che de criticar e far del mal. Assumite una vita de persona seria invece de finir sempre in Memele.

O addirittura metti un'altra e-mail nel Territorio Libero di Trieste, percio' che tutti savera' de che parte che te picchi! o trovite un sempio de ZORRO! amico tuo! le offese non te le cancelli..vergognite!!!!!!

Non go' parole per descriver tutte le umiliazioni che me gave' dado, Trieste-Mia iera un schifez solo perche' se stadi voi dentro.
me dispiasi per Franco o Betta, niente da far con voi Ma tutto ga' un limite.

Son Triestina e me vanto, ma de voi non go' bisogno!

Maria aka Refolo

Sorry Folks....you can cut me out....but everything is still writen in the INTERNET!!!!

[babatriestina]

credo de poder risponder in parte mi: Maria devi gaver visto la Callas , grassa, al principio de carriera co la cantava o all'Arena de Verona o a Venezia. E che la gaveva un caratterin xe anche risavudo, me confermava la mia maestra de balletto che quela volta iera ballerina ala Scala e che la la ga incontrada sul palcoscenico e drio le quinte.
Per la Norma del 53- e con Corelli-, mi no la go vista, ma ghe iera mia mama che me ga dito letteralmente "Casta Diva dela Callas me ga lassado fredda, ma come che l'opera andava avanti la me ga coinvolto che ala fin iero entusiasta". No un comento su Corelli. E voio sperar che no sia stada la volta che mio papà se ga indormenzado durante una Norma .
O Triestini no la ga nè amada nè odiada direttamente, perchè me par che la ga cantado al Verdi solo quelle Norma, 4 sere.
Vedo però su una biografia dela Callas che go ( Callas, une vie) che la ga cantado un' altra volta a Trieste, imagino al Politeama, e Maria podessi gaverla vista in queste occasion:
aprile 1948 4 repliche dela Forza del destino e nel marzo del 1948 la ga cantado do repliche de Turandot a Udine! ( e nel stesso anno 5 volte a Venezia e 4 a Verona). Vero xe che in Italia la Callas xe stada osananda ma anche contestada , se no altro per la Norma del Opera de Roma con Gronchi in sala, che la xe stada interrotta per malesser e ghe ga creado cattiva fama, e anche al Met ghe xe stade contestazioni per motivi burocratici, se ben ricordo.

[refolo]

Sorry Betta......Una roba che me dimentico, prima chei disi che go' bisogno de un dottor mentale....Chi ga' scritto a storia della Lucia de Lammermoor seno GLUCKS?

te son un conossitor de opere come i AUSTRALIANI, da quando chei ga' scoperto l'internet. O se non altro da quando che la famosa Southerland ga' vinto el concorso altrimenti noi se ricordava nianche della Melba!

E nessun ga' segui' le opere prima che rivi qua' i famosi Italiani compresa sta grande soprano Australiana, che non la saveva nianche pronunciar le parole per Talian.

Maria aka Refolo

[Nona Picia]

Scusa Maria,ma la storia dela Lucia de Lamermoor no la ga scrita Walter Scott?

[babatriestina]

Sorry Betta......Una roba che me dimentico, prima chei disi che go' bisogno de un dottor mentale....Chi ga' scritto a storia della Lucia de Lammermoor seno GLUCKS?

La Lucia de Lammermoor vien de un romanzo de Walter Scott , La sposa di Lammermoor ( The Bride of Lammermoor) , che go leto in italian e che no xe propio precisa de l'opera, tanto per dir el marì de Lucia vien acortelado ma salva la pelle e Edgardo mori nele sabbie mobili e no suicida. La musica de l'opera xe de Donizetti e el libretto xe de Salvatore Cammarano.
Gluck ( senza la s finale) xe l'autor de opere metà settecento, Orfeo ed Euridice ( Che farò senza Euridice?), Alceste e Ifigenia in Tauride che la Callas ga cantado alla Scala nel 57.

[refolo]

Si'...nonna picia,

Lui ga' scritto la novella ""LA SPOSA DI LAMMERMOUR come chel ga' fatto anche i PURITANI, ma Goethe ga' classifica' tutte le eroine della storia dell'opere.

Maria aka refolo

[refolo]

Dove xe scritto che go' visto la Callas al Verdi?........
nessun sa' niente della mia vita, dove che iero e quante volte che iero fora de Trieste.

Maria aka refolo