opicina, terra straniera

[nanaia]

no son diventada mata, tranquilli son solo rabiada come una iena, sempre con sto maledeto tram de opcina. Ieri mattina fermo sulle sine 20 minuti e noi sora a spetar. Orari che no esisti e, ciliegina sulla panna, ieri sera alle 18.31 (ora in cui de solito un comincia a esser stanchetto...) el tram no parti e l'infelice manovrador ne averti che se parti ai 51, dopodichè el ne disi, sempre più infelice che proprio nol parti più perchè xe una vettura ferma NO GO CAPIDO DOVE e noi riva a spostarla
Per de più, per chi che no savessi, quando sto bigoncio camina, funziona cussì: corriereta n.2 da opcina fin circa i campi de Colonia, là se smonta e se monta sul tram (che non xe quasi mai puntuale all'incontro)e finalmente se va in città. Tempo medio di viaggio 40 minuti.
Ciapa la 4, dirè: giusto, solo che per dove stago mi (e tanti altri) bisogna smontar al quadrivio e farse un bel toco de camional, che col scuro non xe niente nè bel nè sicuro.
Mi domando e digo: perchè noi lassa la corriera 2 fina che sto povero tram giustado cussì ben funzionerà (sarà mai quel giorno?)
Star a Opcina xe pezo che star a Monfalcon

[babatriestina]

Al de là dele polemiche sul tram, che xe de pianzer, ormai, de come che i ga fato i lavori coi pie, devo dir che per mi Opcina, per chi che no va su e zo cola propia macchina, xe terra straniera.
Mi go un ricordo del lontan 1960: per motivi familiari, mi e mama semo stade un mese a Opcina, motivazion no soffrir el caldo. Mi no go mai sofferto e provado la sensazion de esilio come quela volta! lontana de casa mia, de papà e nona restai a casa, dela mia cameretta coi zogattoli. Lontana del mar, perchè un colegamento coi bagni no ghe iera e credo che no ghe sia tuttora: una muletta triestina che in luglio no pol andar al bagno!. E per el tram, le rare volte che lo ciolevimo, fra spetar la partenza e el tragitto iera de calcolar un'ora. Perchè, se ve ricordè, co el arivava ai punti de scambio, el se fermava un bon mucetto de minuti a spetar che passi el tram del senso opposto, e questo una o do volte per corsa. La sola roba bona, xe stado che go scoperto che una mia compagna de scola stava in una villa quasi di fronte de mi, e se trovavimo ogni giorno, qualche volta anche sua mama che guidava ne ga portado al bagno!!!! ma mi me pareva de viver anni luce de Trieste.

[Bilbo]

no son diventada mata

che te lo diventi xe sicurmente una roba sai dificile

[nanaia]

go letto solo oggi, lazzaron , speta che te beco, co riverò a Trieste col tram
sarò anche tropo vecia per correrte drio!!!

[Nona Picia]

Te riverà prima andando a pìe!