siti scolastici

[AdlerTS]

zia Oda ? No. Mi de geografia, al biennio, gavevo una piemontese. Al triennio inveze go fato elettrotecnica e geografia non jera più.

Personaggi strani jera el bidel (al biennio) fissado con l'invasion dei cinesi (e jera apena i anni 80 !) e dopo iera la famosa Lilly (che non se pol commentar).

Una che go amado inveze jera quela de italian, una senese.

Coi anni go rivalutado un assistente de officina che valeva più de un prof., el sior Eligio: in quei anni lo detestavo, ma se ogi me ricordo ancora qualcossa de elettrotecnica penso sia merito suo

Per la cronaca adesso go sentido che visto el ridotto numero de iscritti, i vol serar la sede del biennio e trasferir tutti in sede grande

[refolo]

anche mi gavevo un senese, ma professor de disegno, bravissimo, per matematica- invece el Prof. Calligaris, un personaggio assai conossudo a Trieste. Combinazion el ga' comincia' l'insegnamento con mio mari' per altro ,semo 11 anni de differenza, e co ghe go' dito che me sposavo con lui, adirittura el pianzeva, disendome, che i bulli lo cioleva in giro perche' el iera orfano de mamma. Certe robe se ripeti da pertutto, le gavemo avude anche a Trieste, chi iera educato, chi iera contadin ignorante. Non se pol far differenze. Non se doveria cior pel fioco un/a che ghe mori la mamma.
Quelle xe imprevisioni della vita. Chi va' prima e chi va' dopo.
Sto professor ga' perso el fio in guerra, in circostanze brutte, credo chel iera Ebreo, ma mai constata'. Comunque, nel agosto del 1945, iera un funeralon zo per via Giulia, come quel che un per de anni dopo xe sta' per Grezar!

Maria aka refolo