Una canzon sul dialeto

[cenerentola82]

http://rikimalva.altervista.org/el-dialetto.mp3

Parole che condivido in piena.

[Nona Picia]

http://rikimalva.altervista.org/el-dialetto.mp3

Parole che condivido in piena.

Scusa cenerentola, quali parole? Io vedo solo pubblicità.

[cenerentola82]

http://rikimalva.altervista.org/el-dialetto.mp3

Parole che condivido in piena.

Scusa cenerentola, quali parole? Io vedo solo pubblicità.

Xe vero. No funziona.Ma no xe solo parole, xe un mp3.
Prova a copiar e incolar el link e lanciarlo
Opur tasto destro sul link e "salva oggetto con nome" e dopo verzilo dal tuo PC
Opur http://rikimalva.altervista.org/index.html

[ffdt]

'l ultimo link el funziona ... cio, ma sto mato el fa politica ... ghe ne volesi cualchedun de piu` che la pensi in sta maniera

[rikimalva]

'l ultimo link el funziona ... cio, ma sto mato el fa politica ... ghe ne volesi cualchedun de piu` che la pensi in sta maniera

Ciao son Riki, autor del brano in question, volevo dir che no xe politica la mia.....anzi evito felicemente de farla, ma una mia sana convinzion, el dialeto xe importante qua come a genova opur a milan , per mi ogni cità dovesi gaver el suo bel dialeto, po studiar italian che servi sempre, ma a casa propria xe bel parlar dialeto.....quindi niente politica per favor...no ghe tegno!

[ffdt]

capiso el tuo punto de vista pero` in te 'l momento che te dixi la tua su come che se pol viver in publico eco che te esprimi un pensier politico

no stago dixendo che te gabi per forza de parlar de partiti o de elezioni, pero` i orientamenti coletivi (e la sielta de la lingua xe un) i fa parte de la gestion de la roba publica e 'l fato de sperar che a scola vegni insegnado el triestin xe politica ... politica in senso nobile, se volemo, ma pur sempre politica

[...] anzi evito felicemente de farla [...]

par che sto giro te sia scampado de farghene un bic' anca a ti ;-D

[rikimalva]

capiso el tuo punto de vista pero` in te 'l momento che te dixi la tua su come che se pol viver in publico eco che te esprimi un pensier politico

no stago dixendo che te gabi per forza de parlar de partiti o de elezioni, pero` i orientamenti coletivi (e la sielta de la lingua xe un) i fa parte de la gestion de la roba publica e 'l fato de sperar che a scola vegni insegnado el triestin xe politica ... politica in senso nobile, se volemo, ma pur sempre politica

[...] anzi evito felicemente de farla [...]

par che sto giro te sia scampado de farghene un bic' anca a ti ;-D

No me xe scampa, se trata de come uno interpreta una canzon, te vedi, dopo che te me ga dito sta roba me son procupà de far la stesa domanda a altre persone che la ga sentida e nisun...ma propio nisun....la ga leta come una roba politica.
El nostro dialeto xe de tuti, sinistra destra o centro tuti ga a cuor el dialeto, dopo inveze sucedi che per ciapar voti una fazion de queste se dixi a favor de una roba o l'altra, fazendola diventar come una roba sua....come se solo lori i podaria aiutarne, alora la gente dixi....e ma dir che el dialeto xe de insegnar a scola xe de destra....opur de sinistra...opur de zentro...ma in verità xe una scelta che dovesi eser libera, chi dixi si e chi dixi no.....senza partiti e monade varie che ghe magna intorno....questa xe la verità purtropo !!
Quindi torno a dir che la mia xe solo un opinion, e dopo se uno vol meterla sula politica perchè senti questo dentro, come nel tuo caso, libero de farlo, ma xe anca giusto saver che l'autor del testo (cioè mi) no gaveva questo in testa co la scriveva.....!
Ciao a tuti da Riki Malva!!

[babatriestina]

Mi penso che insegnar el dialetto local a scola, o meo più che insegnarlo, disemo farlo doprar insieme col italian, e magari una o do lingue straniere, no sia politica, semprechè no tegnimo per bon el vecio slogan del '68 "tutto è politica".
Però xe anca vero che ghe xe o podessi esser dele correnti politiche italiane che se appropriassi facilmente de ste proposte, perchè congruenti ala loro vision e ale loro intenzioni.

[Tirabaralla]

Mi diria che xè quantomeno "politica" in senso letterale.

[ffdt]

[...]Quindi torno a dir che la mia xe solo un opinion[...]

no volevo meterte in boca parole o conceti che no i fusi tui e se go dado sta impresion cua me scuxo subito

in efeti no volevo gnanca butarla su 'l discorso de le fazioni, che no le me piaxi gnanca a mi pe' 'l semplice fato che de solito se trova i stesi scalmanadi de tute do le parti (o tre o cuatro) che no i xe boni de far gnente altro se no dani ... dir destra, sinistra, centro, rosi, neri verdolini o gialeti xe un exercizio che no me interesa e che, anzi, me urta bastanza c'o cualchedun vien a spiegarme de perche` che ocori de eser de una parte o de un'altra

pero` ghe xe 'l conceto (per mi piu` nobile) de "politike", cioe` de cualcosa "che ga cosa far co' la cita`" e in sto senso dixevo che la tua xe una canzon politica ... se no te piaxi la parola no lo digo piu`, ma me dispiaxi perche` penso inveze che fusi utile cavarghe via de le man de i xbarufanti cul'anda che par che solo che lori i pol parlar de robe publiche

in te la mia intenzion definir "politica" la tua canzon intendendo la parola in senso etimologico (e cuindi per cuel che la vol dir per bon e no pre cuel che la dopra cuei che i la tien in ostagio) iera un complimento ... ... se pero` ti te se senti a dixagio per via de 'l spetacolo che cuei che i se dixi politici i da de se stesi alora te domando de novo scuxa

isteso me ga piaso el conceto che te ga espreso in te 'l tuo testo

Franco

[rikimalva]

[...]Quindi torno a dir che la mia xe solo un opinion[...]

no volevo meterte in boca parole o conceti che no i fusi tui e se go dado sta impresion cua me scuxo subito

in efeti no volevo gnanca butarla su 'l discorso de le fazioni, che no le me piaxi gnanca a mi pe' 'l semplice fato che de solito se trova i stesi scalmanadi de tute do le parti (o tre o cuatro) che no i xe boni de far gnente altro se no dani ... dir destra, sinistra, centro, rosi, neri verdolini o gialeti xe un exercizio che no me interesa e che, anzi, me urta bastanza c'o cualchedun vien a spiegarme de perche` che ocori de eser de una parte o de un'altra

pero` ghe xe 'l conceto (per mi piu` nobile) de "politike", cioe` de cualcosa "che ga cosa far co' la cita`" e in sto senso dixevo che la tua xe una canzon politica ... se no te piaxi la parola no lo digo piu`, ma me dispiaxi perche` penso inveze che fusi utile cavarghe via de le man de i xbarufanti cul'anda che par che solo che lori i pol parlar de robe publiche

in te la mia intenzion definir "politica" la tua canzon intendendo la parola in senso etimologico (e cuindi per cuel che la vol dir per bon e no pre cuel che la dopra cuei che i la tien in ostagio) iera un complimento ... ... se pero` ti te se senti a dixagio per via de 'l spetacolo che cuei che i se dixi politici i da de se stesi alora te domando de novo scuxa

isteso me ga piaso el conceto che te ga espreso in te 'l tuo testo

Franco

No te me devi scuse Franco, come dixevo ognun senti la canzon a modo suo, iera solo una mia precisazion riguardo l'argomento.
E poi gavevo capi che iera dito come complimento, me fa piazer che piasi sta canzon e no iera polemica la mia....ripeto....solo una precisazion !

CIAO A TUTI E GRAZIEEEEEEEEEEEE!!

[ffdt]

ben, son solevado de 'l fato che no te se la gabi ciapada

ciau ciau

Franco

[rikimalva]

CIAO VOLEVO DIRVE CHE TROVE ON-LINE TUTO L'ALBUM. DOVEVA ESER PER I PRIMI DE GIUGNO, MA SON STA PIU' BRAVO DE QUEL CHE PENSAVO (chi se loda se imbroda... )

BUON ASCOLTO A VOI.....E ME RACOMANDO DIXEME SE VE PIASI O NO !!

CIAO!

[ffdt]

doprando 'l link de l'altra volta torno su "el dialeto" ... come se riva su 'l album?

[rikimalva]

doprando 'l link de l'altra volta torno su "el dialeto" ... come se riva su 'l album?

ande qua http://rikimalva.altervista.org/TUTTO_ALBUM/index.html
ciao e bon ascolto

[ffdt]

un per no le conoso, ma pe' 'l resto sto disco xe un "amarcord" ... ... el truco de cambiarghe i testi a le canzoni ghe da` un zucon ancora piu` forte a la memoria che la xe obligada a far i conti co' 'l tempo che, pasando, el ga sconto chi sa indove i testi e i titoli originai ma che 'l ga lasado a portata de man i ricordi e le sensazioni de cuela volta

orzowei/"I CAVEI" me ga zucado indrio in te i ani c'o iero muleto e vardavo cuel telefilm ... iera i ani de kabir bedi che fazeva 'l corsaro nero e sandokan ... ... lu e carole andre` ... go ciolto de recente el dvd de 'l corsaro nero ... che muleta che la iera ... ... ... ani che no torna ... e anca de "MISCIO DE TUTO" me ricordo senza rivar a darghe un altro nome ... iera un pochi de ani dopo ... domeniche dopopranzo a 'l paradixo a vardar altre mulete e no piu` carole andre` ...

pero` per mi le do perle xe "el dialeto" e "l'operaio" ... do testi che va ben oltra de la remenada fata per rider e che xe do eventi che me auguro che segni una xvolta in te la muxica de 'l nostro

la prima la vien a dir con garbo (ma ben in ciaro) che anca Trieste ga una sua lingua che ne piaxesi che la sia riconosuda e tutelada e la seconda ... ben ... adeso no steme dir che cua no semo a parlar de temi ben piu` alti ... sto giro li ciamo "sociali" per no urtar la sensibilita` de nisun

la scelta de doprar parole che se pol scoltar anca in publico rinforza ancora de piu` el testo che 'l xbrisa via co' una semplicita` tale che 'l te rendi imposibile scazar via un tema che altrimenti fusi facile de serar fora de la porta per no volerlo veder

no so se xe fato a posta, ma meter una denuncia come cuela sora de la muxica de "l'italiano" me par el masimo de 'l ossimoro ... la muxica brutalmente propagandistica de cutugno come veicolo de un lamento che ogi el xe sempre piu` difuxo e che 'l raprexenta la docia freda dopo de l'imbriagadura de bandiere e de otimixmo bipartisan de i ani pasadi indove che tute le parti politiche dixeva de eser lori i piu` bravi de gestir el paexe e i prometeva prosperita` e lavor ... tuti bravisimi fin che i xe a l'opoxizion ma tuti compagni c'o i riva a 'l governo ...

el zigo de "laseme lavorar" fato cuaxi soto voxe e meso a 'l posto de indove che cuel altro 'l dixeva "lasciatemi cantare" e 'l dir "'deso lavoro in nero" inveze che "e ne sono fiero" dovesi far pensar i nostri "omini forti" e no parlo solo de i triestini, che in fin de i conti i xe calcoladi muli de provincia come tuti noi, ma cuei che i vol decider de 'l futuro de tuti e che prima i te prometi mari e monti e dopo i te regala chebe salariali, pati sociali e lavor precario

in ultimo, pero`, laseme far una critica ... in te i testi manca de meter 'l ano c'o i xe stadi scriti e manca de citar i autori de la muxica ... tanto per dir, "l'operaio" dovesi gaver scrito "Riki Malva/Toto Cutugno" e dovesi anca pagarghe i diriti de autor a sior cutugno ... un tanto per poder pasar in radio, perche` cuel xe el logo indove che cuela canzon la gavesi de andar per renderghe giustizia

xe vero che finir in man de la siae no xe la meio roba de 'l mondo, ma l'alternativa xe cuela de far anca le melodie originai ... se 'l bon giorno se lo vedi de matina le do canzoni importanti de sto lavor (e anca 'l fato che l'operaio sia l'ulltima de 'l disco) le me fa sperar che 'l prosimo el sia tuto cusi` e che, magari, cuel dopo el sia adiritura tuto original ...

eco che alora se podesi tazarghe l'anima a le radio triestine che le lo mandi in onda ... peche` xe la` che tochi come cuesti se merita de finir: scoltadi de tuti e no solo de cuei pochi che i ga voia de andarseli a zercar


scarighevele ... dele in giro ... scoltele e fele scoltar: val al pena


ciau


Franco

[rikimalva]

Intanto grazie per le bele parole, xe bel veder che le due canzoni su cui mi go più punta, sia stade subito ciapade nela maniera giusta, infati sul fato dela politica savevo che quela del'operaio saria stada sai più forte, per quel la volta prima go voludo precisar, dixemo che punto sul sociale, che sfioro argomenti pesanti in modo da no dar punti de riferimento politici, perchè no xe i miei intenti.
El fato dela Radio sapi che el mio cd, dovesi comunque girar per radio punto zero,mentre nei testi go meso solo el mio nome perchè apunto i testi xe miei.
Mi stago puntando a far un qualcosa de tuto mio, ma come te dixi ti el fato de sentir canzoni conosude zuca sai de più, far un cd intiero con canzoni un fià più impegnade come quela del' operaio su basi tute mie, riscieria de far un flop mai visto, anche perchè el mio xe far parodie, e là xe la mia forza, come po nei scoverciai, far rider e nel contempo far pensar xe un bel mix, quindi penso che continuerò con questo sistema come Riki Malva, far canzoni de rider e un per più impegnade.
Ancora grazie dele bele parole spese sul mio lavor !

[ffdt]

[...] sentir canzoni conosude zuca sai de più [...]

si, pero` fa ricordar sensazioni e emozioni ligade a cuele canzoni la` e se i testi i xe meno impegnadi i fa un poco de comprimari, come i supporter de i grupi famoxi ... isteso una strada artistica la xe fata de tape de xvolte e de esperimenti e son curioxo de veder come che se evolvera` la tua

cio, magari se te diventi famoxo come i beatles la gente vignera` a far pelegrinagi anca in sto forum ;-D ;-D ;-D ;-D ;-D ;-D ;-D

ciau

Franco