Meto sta cesa qua perchè parlando de San Pasquale Baylon, babaTS ga scrito :
ma a mi sta cesa no me disi propio gnente, ve spiegherò perchè
e volevo meterle a confronto. A sto punto mi domando: sta cesa qua, dedicada ala Madonna del Carmelo, che xè in Gretta, te disi forsi qualcossa de più? Sinceramente mi trovo che xè de gran longa meio la cesa de San Pasquale.
Go scelto aposta sta cesa qua proprio per la stridente diferenza.
Xè una costruzion moderna in cemento che no ga gnanche l'aspeto de logo de culto.
Eco le foto
Questo xè l'esterno, el ga quasi de più de magazin che de cesa. El teto i lo ga sfrutà per far un campo de giogo.
Xè possibile che l'intenzion originale fussi stà de costruir sora sta base la cesa vera e propria, ma, come al solito ga moncà le fliche.
Anche l'interno no xè, a mio parer, tanto de bon gusto
L'unica roba che forsi se salva xè la decorazion del'abside drio l'altar
sum culex ha scritto:M A sto punto mi domando: sta cesa qua, dedicada ala Madonna del Carmelo, che xè in Gretta, te disi forsi qualcossa de più? Sinceramente mi trovo che xè de gran longa meio la cesa de San Pasquale.
molto brevemente, fin che no go tempo de scriver più in longo: no, gnanca questa me entusiasma, parlo sempre del punto de vista artistico.
sum culex ha scritto:Le uniche decorazioni xè ste statue de santi de cui no so el nome.
el primo xe senza dubbio san Giuseppe, con Gesùbambin in brazo e un giglio in man, la seconda dovessi esser santa Rita da Cascia, anca se me bati mal sia el libro che el fatto che el "sarcofago" che te disi quel xe sicuro santa Rita, cola corona de rose.
Ste statue de artistico vero e propio ga ssai poco, xe roba moderna de devozion ( però andè in val Gardena e vardè el prezzo...). Santa Rita ga i sui seguaci perchè la xe la santa dei miracoli impossibili, cussì co un no sa più dove tacarse, prova a domandarghe a santa Rita.. mal no fa...
el terzo xe un dominican, a parer del vestito, cola crose.. e con un'aquila ai pie.. che sia san Tomaso d'Aquino? autor dela Summa Teologica? ma no xe el nome soto, che se fa prima? curioso, no se vedi sta statua in giro assai. O san Domenico stesso, patron dei frati domenicani? xe o iera frati in quela cesa?
Ultima modifica di babatriestina il ven 13 lug 2007, 20:13, modificato 1 volta in totale.
sum culex ha scritto:Scuseme la svista
el nome giusto de sta cesa xè "Santa Maria del Carmelo" e no come che go dito prima 'Madonna del Carmelo'.
ciao
sum culex
no preocuparte, xe istesso, e, come che go scoperto con mia meraviglia Madonna del Carmelo ( c he xe un monte sora Haifa) xe istesso che Madonna del carmine o Madonna dello scapolare. Co go tempo, ve conto, ma podè trovar qualcosa anche googlando.
ma se xe carmelitani... alora la statua podessi esser anche santa Teresa de Lisieux, ma no la ghe somiglia de viso!
Comincemo un poco col Carmelo, perchè efetivamente la cesa xe dei Carmelitani: el e el xe citado nela Bibbia, e proposito del profeta Elia. A un certo punto se ga formado là un convento de frati medievali devoti dela Madonna e nel 1200 e rotti i ga avudo un sogno dela Madonna che ghe ga dito de meterse, in suo onor, un scapolare, che saria do quadrati de tessuto , un davanti e un drio le spalle, colegai de cordelle e che ghe gavessi fato ben.
Se vardè la statua dela Madonna,e covela in un santin de sta cesa,
el scapolar xe i do quadratini neri che pica dela man dela Madonna, de solito ghe en xe un più picio che i ghe meti in man a Gesùbambin
ecove un più vecio, per darve un'idea
come che el Carmelo xe deventado carmen no so... ma i frati xe i Carmelitani ( scalzi) e i xe diffusi in tuto el mondo.. gavè presente i Moschettieri che se sfida a duello drio dei Carmelitani scalzi?
ben bon sti Carmelitani xe arivai qua nel 1935 e i ga fato parocchia nel 1963. L a cesa xe stada fatta de l'architetto Ria ( prima volta che lo sento nominar) nel 1970. Nel 1971 i ga messo la statuetta dela Madonna dela strada sul bivio davanti dela cesa
Adesso, parlando de ste cesa moderne, se volemo parlar de architettura, architettura xe, ma no xe dito che per quel sia sempre capolavori artistici: le cese moderne, e digo dopo el 1950 almeno, i ga smesso de copiar le cese come che se fazeva secoli e secoli prima, in particolar finto gotico, finto romanico e finto rinascimento, e i ga zercado de crear un novo stil: ovio che chi che xe abituado a veder una facciata a capanna con archi a sesto acuto, un campanil a punta e colonne al interno se trova spaesado. Credo anche che nel farle no i gabi zercado sempre de far una roba de lusso, ma che i gabi pensado al scopo, che xe de radunar i fedeli per la Messa e i sacramenti, e che i gabi zercado de trovar qualcossa che favorissi el raccoglimento e la preghiera: i xe riuscidi? mah... a mi me par che ste cese moderne sia spesso ancora una ricerca. Xe quele che xe fatte " a ovo" ( S Luigi, Grignan..) altre che xe poco più che sale de oratorio.. le ga el pregio de l'originalità, a volte, ma no ghe trovo grandi meritio artistici... per risponder ala domanda de Sumculex, per mi , dopo de S Antonio Novo no me par che i gabi fato NISSUNA cesa che me piasi del punto de vista artistico, e che gabi un valor storico. Po, se volemo documentar come che xe le cese moderne, xe un altro per de manighe.. te ga el esterno de santa Teresa de via Manzoni? per mi xe un solito edificio de cemento grigio, però la xe firmada dela pregiata ditta Celli e Tognon..
per ancora un comento sul abside. La pittura che xe, e che adesso capisso che vol esser una esaltazion dei vari santi carmelitani, xe de un stile moderno, ma ispirado al arte bizantina ortodossa, e soprattutto ale icone russe, adesso xe un stile che sta andando de moda, e xe anca ecumenico.
( se te me domandi cossa che me piasi in tuto, diria che el meo xe la statua dela Madonna,c he ghe somiglia a una simile a Grado,q uela che i porta la prima domenica del luglio al Perdon de Barbana)
E za che ghe semo, ricordemose che dopodomani 16 luglio .. casca apunto la festa dela Madonna del Carmine o del Carmelo!!
ps: googlando, go scoperto che sto architetto Luciano Ria ga costruido diverse cese moderne in region: Sappada, Lignan... se vedi che el iera de moda nei anni 70.
