cese cattoliche: Madonna dela Salute a Servola

[babatriestina]

Devo spiegar cussì, perchè credo che se scrivo solo che Madonna dela Salute, tuti pensa a s Maria Maggior ossia Gesuiti dove che xe l'immagine dela Madonna suddetta.
E inveze questa xe una cappelletta in via Soncini, no lontan dei cimiteri, che ga citado SumCulex per spiegar che se se disi cesa de Servola no basta...
xe una cappelletta moderna, ma visto che volemo documentar anche l'architettura moderna, in attesa de meo, ve metto un per de foto fate un giorno che passavo e la go scoperta per caso. poco so, perchè perfin al annuario diocesan più che ciamarla "luogo di culto" dela parocchia de San Lorenzo, no disi: no la xe gnanca parrocchia autonoma.
Xe una cesetta moderna in mattoni, che ga come caratteristica dei finestroni strenti e longhi, vagamente ispirai del romanico veneto, sia del lato ingresso sia del abside:
ai muri, le solite Vie Crucis a bassorilievo moderne, alquanto comuni.
[



la statua dela Madonna dela salute xe anca ela moderna e sobria:

[ffdt]

e indove xe sto logo? ... go capido che 'l xe in via soncini, ma no me son mai inacorto de una caxa che podesi gaver sta cexa per de dentro ... no rivo gnanca a farme un'idea de indove che la posi eser

[babatriestina]

e indove xe sto logo? ... go capido che 'l xe in via soncini,

via Soncini 30, non lontan dela zona cimiteri.

[Nona Picia]

Xe quela che xe vizin al cimitero militare?

[babatriestina]

Xe quela che xe vizin al cimitero militare?

no credo, la xe dela parte opposta ai zimiteri, verso Servola! Domandighe a Zoomy, che la citava come l'altra cesa de Servola che no se confondi con san Lorenzo

[Nona Picia]

GNanche zoomy la ga mai vista, el ga solo leto l'elenco del cese!

[Nona Picia]

GNanche zoomy la ga mai vista, el ga solo leto l'elenco del cese!

Adeso zoomy la ga vista e fotografada insieme al resto del rion!
Bisogna però che spetè qualche giorno per vederle.

[ffdt]

[...] via Soncini 30 [...]

bon ... eco cua la piantina (courtesy of www.mappy.com) ... pero` isteso no me son mai inacorto che ghe fusi una cexa la` de cuele parti

vardero` volentieri le foto de zoom

[sum culex]

Qua el prete, a diferenza de quel dela Madonna del Rosario, xè sta cocolissimo. Per scrupolo e per no incorer in inutili diatribe, ghe go domandà se posso far foto. La risposta: "La fazi quel che la vol, ma cossa la vol fotografar in sta cesa che no xè gnete?" El me ga contà un per de robe e el me ga regalà un santin (la parte de drio xè la prima imagine) e mostrà la sagestia con tuti i mobili che ga disegnado e fato costruir lui su misura per i paramenti, i libri, ecc. No go fato foto perchè iera tropo streto e longo per poder far qualcossa de decente.



La cesa xè un poco aretrada e più in alto rispeto ala strada, per cui no savendo no xè facile vederla. De color rossicio la ga una faciata bastanza strana, o per meio dir fora dela norma.



La parte in alto

[sum culex]

Soto una specie de portico



El panorama che se vedi fora del portico



L'altar magior durante la messa; mi go fato la foto stando fora dela porta!

[sum culex]

El muro lateral de sinistra in matoni a vista come tuto el resto dela cesa



Verso l'ingresso



Sul fondo, drio l'altar, un Crocefisso

[sum culex]

Una Madonna scolpida su comission del paroco de San Lorenzo, dela cui parochia sta cesa fa parte, da un bravo parochian che abita a Servola



El tabernacolo

[sum culex]

El sofito, o meio la parte de soto del teto



Alcune sculture dele stazioni dela Via Crucis

[sum culex]

El confessional completamente incassado nela parede de destra



L'esterno dela parte posterior xè coverto con una rede a protezion dele vetrade: de drio xè una campeto dove che i fioi gioga a balon.



E anche per sta ceseta no go altro.

ciao
zoom culex

[Tirabaralla]

Questa, pur essendo moderna, non mi dispiace...mi dà l'idea di un posto semplice e raccolto...
Grazie delle foto, Betta e Zoom.

[babatriestina]

Go trovado un per de notizie su sta cesa; la xe stada inaugurada el 21 novembre 1966 ( giorno dela Madonna dela salute) e la crose sul tetto xe dono del rag Cosciani, opera de T Bernich.
El edifcio xe de stile romanico moderno cussì i lo definissi lori, e xe del architetto Paolo Spinetti. La cesa xe stada commissionada e pagada del Istituto A Caccia e Maria Burlo Garofolo, la mensa del altar regalo de mons Bottizer, la pila de l'acquasanta in piera carsica e fero battudo regalo dei locali; la via Crucis vien de Ortisei e drio de ogniduna xe el nome de chi che la ga regalada. I candelabri de otton xe dono dela famiglia Marchioli, el Crocefisso sul muro dono dela famiglia Coslovich in memoria del fio Luciano morto nel 69 de leucemia. la statua de marmo dela Madonna xe del scultor Tullio Tamaro