Ma le cartoline xe solo per i siori?

[MisterKappa]

Tanti che vien a veder el mio sito me scrivi "Che belle cartoline, me piasaria anche a mi, ma no go tanti bori.."
Xe idea diffusa che per far una bela colezion ghe vol bori, ma no xe vero.
Ghe vol sopratuto tempo e pazienza, boni oci e bona conoscenza della storia de Trieste.
Ande' in giro per i banchi de libri veci o dai strazarioi, o se se' piu' tecnologici su ebay e simili. Varde' atentamente e fermeve sempre a pensar un momento prima de andar avanti.

Anche el solito Miramar ( massimo 1 euro) pol riservar una sorpresa, come questo con la bandiera americana.



Se trova facilmente, e sempre per poco, anche el castel de Duin con la bandiera inglese, come anche quele de edifici con insegne de reparti o uffici dei aleati.

[babatriestina]

Me domandavo... dove se trova cartoline de Trieste?
Perchè le cartoline non viaggiade va ben , i le vendeva a Trieste, no i le ga vendude, e adesso, se no i le ga butade in scovazzon i le rivendi ben. Ma le viaggiade, evidentemente le vegniva spedide de Trieste a fora, per cui no le dovessi esser a Trieste. Dove che imagino po che i le fazzi pagar più care.
Quindi, me sbaglio o le cartoline de Trieste andassi zercade fora Trieste? ( difatti mia cugina me ne ga mandado un per ciolte a Vienna) ?

[MisterKappa]

Me domandavo... dove se trova cartoline de Trieste?

No so dirte baba, mi son da piu' de 35 anni a Roma (e qua le cartoline de Roma se trova).
Comincia intanto a girar per apalti e edicole e varda con calma.
Trieste xe una cita' che ga subido e continua a subir tanti cambiamenti, sicuramente xe ancora in giro vedute de posti che no xe piu'. (Te ga una vista con la piscina Bianchi, la vecia piazza Goldoni opur piazza Vittorio Veneto col vecio giardin?)

Per restar in tema de cambiamenti, un altro zogo cocolo se meter vicin le imagini de "prima" e "dopo" dei cambiamenti. Sempre a poco prezzo, perche' de solito xe loghi sai comuni nella cartoline.
Peresempio el Ponterosso in ferro e in cemento, la Stazion Maritima, el casotto alla radice del Molo Audace, la sagrestia de San Giusto.
Con un poco de pazienza se riesi a trovar anche qualche veduta de "durante" i lavori.



Questa la go ciolta su ebay a 2,50. Qualche mese fa iera in vendita un'altra copia sempre al stesso prezzo ma nisun la ga comprada. Asai comuni xe sopratutto le vece cartoline delle rive durante i lavori de imbunimento.

[AdlerTS]

Ghe vol sopratuto tempo e pazienza, boni oci e bona conoscenza della storia de Trieste.

Infatti: se non te ingrandivi non notavo la bandiera USA

[macondo]

Me domandavo... dove se trova cartoline de Trieste?

Betta, in parte te ga ragion. I prezzi sará senzaltro piú cari a Trieste che fora. Ma no per questo dovessi esserghe meno scelta. Infatti xe un mato de Trieste che vendi su ebay e el ga sempre tochi assai fora del ordinario. Ma. logicamente, el vol prezi a volte astronomici (40 euro e ++).

Mi gavevo cominciadoa colezionar cartoline de Trieste nel lontan 1971-72 e trovavo robe assai bele in citavecia in una strada vizin a la Questura dove i gaveva bancherele de libri e giornalini veci. Compravo anca in via Rossetti (parte bassa, prima del Aquedoto sula sinistra). Ghe iera un antiquario (?) grafico che vendeva un poco de tutto...Logicamente ste cartoline de Trieste le rivava qua perché, quando gaveva cominciado a crearse un mercato, sti comercianti andava a comprarle in blocco in altre cittá. Altri collezionisti che gavevo incontrado, i fazeva scambi per posta. Per esempio, i mandava 50 cartoline de Salerno, per esempio, e lori ghe mandava indrio altretante de Trieste. Comunque mi te consiglieria de usar ebay. Mi te meto qua soto una ricerca specialisada che te podesi usar:

http://listings.ebay.it/aw/plistings/ca ... l?from=R11

[babatriestina]

Tegnudo conto che go un cassettin pien de cartoline, ma no de Trieste, de tutti i viaggi, che co andavimo in museo i mii genitori ala fin ma comprava le cartoline dei quadri che me gaveva piasso de più, ghe vado pian prima de comprar roba nova, ve dirò che go un altro sistema: go un'amica ssai cocola che la colleziona cartoline de Trieste, anzi, ghe go regalado un poche de mie, e adesso ogni tanto la me le impresta e la me le lassa scansir e anzi la me ga dado anca el permesso de postarle. Cussì no me occupa posto in cassettin!
( a proposito de collezioni, go anca un cassettin de santini, ma anca qua i santini de Trieste xe rari, preval la Madonna della salute e curiosamente xe rarissimi i santi triestini: al massimo un San Giusto)

[cenerentola82]

Più che cartoline xe vecie foto, dal catalogo de Vusio (no per far publicità ma me pareva interessanti, e no so se xe za sta segnalà).

http://www.pictureonwood.com/cgi-bin/ca ... IESTE&1&92

[babatriestina]

Per chi che no conossi, xe quel negozieto in principio de via Ginnastica che fa riproduzioni su legno tipo quadretti de vece foto de Trieste, e per la gioia dei nostalgici, anche de Franz Josef e Sissi ( ma i poveri Rodolfo e Stefania, quei li ga dimenticai tuti? e pensar che co i xe vegnui a Trieste i li gaveva cussì festeggiai)

[refolo]

Se non sbaglio, le riproduzioni delle cartoline, su legno, xe un lavoron che ga' inizia' Luisa, la moglie de Fulvio Fumi ex web-master del NOSEPOL!
Me piaseva tutto de quel che xe stado ideado dai due coniugi, peca' chel
xe anda' in FUMO! singolar de Fumi?.........combinazion?

Maria aka refolo

[AdlerTS]

Quel che son contento xe che tante attività commerciali in centro esponi ste stampe