Cese catoliche: Madonna del Rosario - Via dell'Istria 71

[sum culex]

Ancora una cesa, modesta, che xè in via dell'Istria, la terza.
De fora no xè gnente de tale, solo una faciata quadrata de matoni a vista inquadrai da due 'pilastri' e un 'architrave' de piera bianca.
La xè sempre serada tranne che per la messa dela domenica ale 10.
Go fdotografà tante cese qua in cità (de cui bona parte gavè visto) e in nissuna i me ga mai dito gnente: anzi, ale volte i me domandava se volessi luci accese, ecc.. Solo in questa el prete che ga officià la messa (logicamente per far foto go spetà che tuto sia finido) ga 'tirà longhi' (xè volgare, ma no me vien altre frasi idonee): "Cossa, la fa foto?! La gavessi dovù domandar el permesso, questa xè la Casa del Signore e lei la xè solo un ospite. A casa dei altri la se meti a far foto cussì, senza domandar?"
Ben bon, le foto le go fate e ve le mostro.

L'esterno no disi praticamente gnente, ma per completezza me par oportuno mostrarvelo






L'interno, bastanza spartan, a crose grega

[sum culex]

El brazo sinistro



Qua xè tute le stazioni dela Via Crucis



L'altar magior

[sum culex]

Più in particolar la crose che xè impicada sora l'altar



Drio l'altar, sul fondo, davanti a una spece de vetrada xè quel che dovessi esser el tabernacolo in una forma bastanza particolare



Una statua dela Vergine

[sum culex]

Un Crocefisso e soto la Deposizion



Un'altra statua de una santa



Altro de veder no iera, solo la cupola in vetrocemento xè una roba diversa del solito



ciao
sum culex

[sono piccolo ma crescero]

Mi gnanche no savevo che la se ciamasi del Rosario; la ciamavimo sempre "al teresiano" perché la iera ligada a un convento che no xe più.

La ga una pianta a croce grega e 'pena fata la gaveva una roba bela: l'altar iera in mezo ala cesa, dove che se incrosa i brazi della crose appunto, e la gente stava tuta intorno al prete che diseva messa, un pochi davanti, un pocvhi de fianco e un poche de drio. Credo che l'altar i lo abia spostà alla fine dei ani settanta.

No savevo gnanche che la fussi verta.

[babatriestina]

elCrocifisso de l'altar maggior ge le gambe storte come se el fussi stado a caval... no xe una critica a lu, ma al scultor..
la santa dovessi esser S Teresa de Lisieux ( ghe xe soto una targa, ma nela foto no se riva a legger, magari xe el donator), dita anche S Teresa del Bambin Gesù. Del vestito de carmelitana podessi esser anche s Rita, più diffusa de noi in Italia, e anche dela corona de spini, ma de solito S Teresa ga el crocifisso in man, e spesso una coroncina de rose, mentre S Rita ga el crocifisso di fronte .
La cupola.. ricorda i bagni turchi!

[babatriestina]

Aggiornamento!
la cesa ( e manca qualche foto) xe stada dada in concession de qualche tempo ai Romeni ortodossi, oggi son andada a veder



e difatti



Solo che... la iera serada!!! per cui la sola roba che posso xe mostrarve una foto che vien de facebook, el gruppo trieste di ieri e di oggi
Un tantin cambiada...