Medjugorje

[AdlerTS]

Xe da un paio de giorni che penso se scriver de sto argomento o meno, in quanto so che xe facile incontrar pareri discordanti ed urtar gli animi: dirò subito che non vojo far catechismo e non vojo indottrinar nissun, bensì contarve un'esperienza.
Go passado la settimana a caval de Ferragosto (che ricordo ai distratti esser la festa dell'Assunzion) a Medjugorje, in Herzegovina.
Son andado zo con dubbi ed incertezze, perché pur essendo praticante, certe robe va oltre la capacità de comprension umana. Rivado zo me son scontrado con due realtà, cioè che esisti la Medju dei pellegrini e quella dei turisti, stà quindi alla sensibilità de ognidun decider da che parte metterse. El paesetto de 4 case xe diventado una cittadina piena de negozi che vendi riproduzioni de oggetti sacri e ghe xe un traffico de macchine da far paura. I "turisti" va in giro per sti negozi a cercar la statuetta più bela e a farse fotografar vicin questo o quel crocifisso.
I pellegrini inveze xe intorno alla cesa a pregar, a confessarse, a far la Via Crucis sul Podbrdo e sul Krizevac (anche in piena notte), rispettivamente el monte delle Apparizioni ed el monte della Crose.
La domanda che me vien fatta più spesso xe: "te ga visto miracoli ?"
Podessi anche parlar de robe sopranaturali che go visto coi miei oci, ma i miracoli de cui me piasi parlar xe altri: la gente che fa 1 ora e mezza de fila per confessarse, come nella foto (xe in giro per questo decine de preti che confessa in ogni lingua europea), opur sentir i racconti della gente comune che da "un certo giorno in poi" ga cambiado vita.

[Nona Picia]

Devi esser stada una bela esperienza!

[AdlerTS]

Combattuda. El primo giorno sinceramente jero molto spaesado e me domandavo se gavessi senso o meno.
Alla fine son tornado contento de esserghe stado, de aver fatto certi sacrifici e de aver conossudo certe persone.

[Nona Picia]

Dunque, a qualcossa xe servì!

[AdlerTS]

Assolutamente.

[euforbio]

mi son stà questo luglio sul pel monte (a mezzogiorno, caldo, in zavate e con do fioi pici in brazo!!!: un vero pellegrinaggio o incoscienza!) e quel che me gà stupì che l'ottanta per cento della gente iera italiana!!!

[AdlerTS]

Qual, el Krizevac o el Podbrdo ? Non so se sia mejo o pezo de quel che go fato mi, un Krizevac alle 4 de mattina nel scuro totale
Per le nazionalità, i me ga dito che xe a butade. Nella settimana che jero mi italiani jera anche tantissimi, mentre el prete che confessava in polacco jera disoccupado

[Nona Picia]

mi son stà questo luglio sul pel monte (a mezzogiorno, caldo, in zavate e con do fioi pici in brazo!!!: un vero pellegrinaggio o incoscienza!) e quel che me gà stupì che l'ottanta per cento della gente iera italiana!!!

Ciao e benvenuto! No vedo la tua foto!

[Larry]

Medjugorie Cosa xe sta qua? Che significato ga
Mi no go mai inteso di sta qua.
Larry

[euforbio]

quel con la crose in zima...... vedemo se ve rivo tacar la foto!!!

[AdlerTS]

Medjugorie Cosa xe sta qua? Che significato ga
Mi no go mai inteso di sta qua.
Larry

Larry, senza entrar in discussioni tra cattolici e non cattolici disemo che xe un posto per pregar e meditar.

[Larry]

Adler, anzi, oggi go avudo il risposto esatto. Ogni Mercoledi visito la tomba della mia moglie nel cimitero e li m'incontro con due persone con cui scambio qualche ciaccolada. Go menziona di questo posto in Herzegovina alla signora li e lei mi ha confessata di essere cattolica e mi ha raccontato un po della storia di quel posto. La mia moglie jera anche lei cattolica ma non mi aveva mai detto di quel posto. Di Lourdes e di quel posto in Spagna - cosa xe - Fatima o qualcosa e anche di una statua in una cesa in bass'Italia che ogni tanto piange lacrime rossi.
El xe soltanto che trovo incredulo che gente in Europa credono in queste cose nel secolo 2000. Devono essere assai 'brain-washed' dai preti. Son anda al matrimonio di un nipote della mia moglie in Sardegna e li mi go incontra con un prete che ha celebrato il matrimonio. Siamo diventai amici e egli lavorava nella cesa a Roiann. Abbiamo fatto dei bei argomenti. Ho anche un buon amico, un frate nel convento dei Cappucini a Udine che visitava ogni tanto una famiglia Udinese qua vicin dove abito e anche con egli ho avuto dei buoni argomenti, ma siamo rimasti sempre buoni amici. Si, che ho dei fioi, due femmine e due gemelli. Io non li ho forzati andar in cesa, nemmeno la loro madre, abbiamo lasciato la scelta a loro. Solo uno dei gemelli ora va in cesa ed e perche e sposato con un giamaicana che pratica una forma di religione da loro - tipo Baptista Evangelista - scelto suo. Mi pare che le due femmine han fatto la - come si dice voi altri - Cresima? Quando si vestono di vestite bianche ecc? I gemelli, no. Vaddo in cesa per battesimi, spozalizi, e funerali. Soltanto per tradizioni e 'custom'.
Credo, si, in un Dio. E soltanto la cesa che non mi va giu, specialmente quegli che si mettono quei vestiti stupidi coi capei ancora piu stupidi e vivono nei grandi palazzi, Cattolici e Protestanti, e dicono di essere i rappresentanti di Gesu in terra. Da quanto sappio io, Gesu fu un pescatore povero, nato in poverta, e morto crudelmente. Se la cesa vol essere rappresentate di Egli, lascia che i vescovi, papa, ecc, tornino a vivere come Egli e poi predicare l'umilita, non come fanno oggidi!!
Larry (e meglio che taccio ora prima che vaddo mi a predicare nel pulpito).

[AdlerTS]

Credo, si, in un Dio. E soltanto la cesa che non mi va giu,

Larry, allora questo xe el posto per ti: Medjugorie non xe uficialmente riconossudo dalla Cesa de Roma !

[Larry]

Ma, perche dovrei voler andar in un di quei posti. Alla Grotta Gigante ole grotte a Postumia andrei voientieri, ma li? Solo se qualcuno mi storge il brazo.
Larry

[rofizal]

Come sempre rispeto quei che credi, ma son (quasi) dele idee de Larry. Ma no me sembra el caso de discuter de questo.

So che xe molti che va a Medjugorie, come i va a Lourdes, Fatima e Santander. Mi son capitado una volta a Lourdes, durante un viagio. Iera svodo, soto un cielo plumbeo e, digo la verità, no me ga dito niente. Ma mi no go la Fede, quindi ste robe no le poso capir. Se proprio volemo, me sta sai più simpatici quei monasteri in loghi remoti, dove se ritira i monaci in meditazion.

[babatriestina]

ben, nel corso del mio giretto in Bosnia Erzegovina son stada anche mezza giornata a Medjugorje, ma come che disi Adler nela presentazion, xe pellegrini e turisti, mi son andada come turista, anche se turista cristiana.
E de turista ve mostro le mie immagini con qualche breve commento. Go ciolto anche un libro sulla storia del logo che me ga dado diverse informazioni che no savevo prima, mi me ricordavo più che altro quel che gavevo letto dei giornai.
non essendo una gran frequentatrice de santuari ( mai visto Lourdes, Fatima, o simili..) no go assai termini de confronto..
de quel che go capido, comunque, xe che sto paesin xe un posto de tradizion cattolica e za nel 1933 i ga costruido una crose sul monte de sora, dove che i andava a far pellegrinaggi. El monte se ciamava prima Sipovac, e el xe stado rinominado Krizevac.
eco un panorama del posto dove che se intravedi la crose bianca in cima alla collina.

Una seconda osservazion xe che in genere in Bosnia e Erzegovina , zone interne, per secoli la religion cattolica xe stada gestida dei frati francescani, che gaveva anche dei permessi speciali dei Sultani, e la gente xe abituada a lori: anche la parrocchia de Medjugorje xe stada gestida dei francescani, e la cesa, cussì grande

xe stada costruida no, come che credevo, dopo i "fatti miracolosi" , ma prima.
Sul fatto che dei giovini "veggenti" riferissi de aver visto e parlado con la Madonna, la "Gospa" come che i la ciama lori ( La Signora, diseva Bernardette Soubirous a Lourdes)del 1981 in poi e che gente vedi strane ombre, la Cesa no se ga pronunciado ufficialmente nè per el sì nè per el no e mi fazzo istesso, posso dir che mi no go visto gnente del genere...
quel che go visto xe tanta gente ( anche per la coincidenza con la giornata, anniversario delle apparizioni) , curiosi, pellegrini, devoti.. che saliva sul colle delle apparizioni:
un colle pien de piere, come xe qua in carso, che iera de star attenti a no storzerse un zenocio, no per gnente fra i oggetti "de devozion" in vendita xe bastoni de passeggio:

[babatriestina]

un posto suggestivo, soprattutto col sol, coi alberi de melograno in fior


sulla salita ghe xe alcuni bassorilievi de bronzo ( apparentemente opera italiana..) rappresentanti le meditazioni del Rosario, e gruppi de pellegrini se ferma a recitar el rosario intorno

[babatriestina]

ecco un altro ( no xe una Via Crucis.)

ghe xe i devoti che fa sta salita scalzi

gavè presente co se conta de quei che andava per penitenza scalzi a santa Maria in Siaris in Val Rosandra? ben, qua i fa..

[babatriestina]

altro bassorilievo

in alto ghe xe una statua della Madonna (donada alla Parrocchia dai pellegrini Coreani nel 2001) una crose, e là la gente se ferma a pregar

chi prega, chi passeggia, chi disi un'Ave Maria de passaggio ( come che go fatto mi..)

[babatriestina]

pellegrini italiani ( Avellino) con bandiere con la Madonna

e se vedi tanti pullman italiani



questi de dove sarà? polacchi?