incendi

[babatriestina]

Se legi e se vedi in TV ( per chi che varda) de sti incendi, in Italia, in Grecia... ogi su Repubblica go letto una notizia, ma me piaseria saverghene de più: esisti un piano per prevegnir i incendi e una serie de norme che rendi i incendi dolosi inutili,perchè proibissi costruzioni, pascoli, etc dove che xe brusado, cussì no xe più interesse a far. po xe una specie de catasto dei incendi e i disi che tanti ga fato, e no ga fato Napoli, altre città e.. Trieste!!! unica città del Nord.
perchè a Trieste no xe sto catasto dei incendi?
perchè i preferissi discuter el piano del traffico o dove far un palacongressi?

[Nona Picia]

Ogi go senti che anche le norme per render inutili i incendi dolosi servi a poco perchè in un modo o nel'altro i riesci a svicolar anche de quele!

[nanaia]

de quel che go sentido e letto mi, vien fora che:
1. sui terreni brusadi per dieci anni no se pol edificar niente
2. siccome, come che gà scritto za Betta, le mappature dei terreni brusadi no xe aggiornade.....
NO SERVI UN BORO SBUSADO!!!
non solo, ma BECCHI E BASTONADI perchè el numero de zone verdi diminuissi e quindi la percentuale de anidride carbonica assorbida se ridusi e no semo più in regola col protocollo de Kyoto, con tutte le conseguenze del caso.
In un'intervista recentissima, Bertolaso ga dito ciaro e tondo che i ghe SPARA AI AEREI CHE BUTTA ACQUA E CHE SE VEDI EL FOGO CHE SE IMPIZA UN LOGO VIZIN L'ALTRO. E sta storia xe ogni anno: mai possibile che ste teste de ovo no possi progettar un controllo capillare e efficace?
No, ovviamente, perchè xe el piano del traffico...ecc.ecc.

[euforbio]

me par che l'ispettorato delle foreste regionale, de noi quel in via monte san Gabriele (via Cantù) el perimetra ogni incendio......e xè interessante veder che certe parti del carso le brusa ogni anno nel stesso logo.....

[nanaia]

evviva! a vacche scampade i sera la stalla! Comunque, meio de niente: i gà deciso de darghe priorità all'aggiornamento delle mappature de tutte le aree colpide da incendi: speremo.....

[rofizal]

Per radio, no me ricordo se un ministro o chi, i ga dito che le mape esisti, ma le xe fate dala Guardia Forestale e per gaver valore legale le devi eser riconosude dai comuni. E i comuni speso latita...

No go sentido de quel fato che i ghe spara ai aerei. Ma cosa semo in guera? Xe tuto posibile in Italia? E se i ghe spara, posibile che poi no i rivi a ciaparli?

[nanaia]

appunto! Xe quel che no capisso gnanche mi.....Me sa che nessun vol andar troppo a fondo de sta question per paura: purtroppo me sa che la mafia xe più potente de noi....e spero proprio de sbagliar

[rofizal]

I gaveva anche riportado una statistica dei motivi che spingi i piromani, sembra che la malavita organizada no sia la causa principale, ma pastori, vendete personali, divertimento, procurarse lavoro (per quei che dopo i devi spegnerli sti incendi)...

[babatriestina]

Tuto questo val anche per i incendi triestini?

[rofizal]

I parlava a livel nazionale.

[babatriestina]

I parlava a livel nazionale.

apunto ma mi volessi saverghene de più sul catasto dei incendi a livello locale.

[euforbio]

esisti una perimetrazion ufficiale che la ga l'ispettorato delle foreste regionale....

[ffdt]

de 'l catasto incendi no so gnente, ma ani indrio che volevo ciorme un teren son andado a informarme per veder se podevo far una baracheta pe' i ordegni e i forestai i me gaveva dito che no podevo piantar gnanca un pal perche` 'l aveva ciapado fogo e lori no i gavesi mai dado el consenso per farghe gnente ... cuindi de cuel che so mi sto controlo el funzia