Go fato un giro

[ffdt]

Andando ancora un poco avanti eco che, rivadi in fondo de piaza Oberdan e 'pena pasada via galatti se vedi piaza Dalmazia ... no tuta ... de cua se vedi solo che un toco ...

[ffdt]

Adeso andando ancora un pel avanti pode` veder anche cuel altro toco ... cuel piu` a sinistra per noi che vardemo ... la strada che la va in zo subito cua su la sinistra xe via geppa ... cuela piu` oltra che se intravedi dopo de 'l canton co' l'insegna de 'l hotel la xe la via Ghega ... che la varderemo fra un atimo ... giusto 'l tempo de traversar ...

El palazo in primo pian el xe cuaxi tuto sede de un sindacato ... trane un cuartier che no i ga volesto vender e che mi no capiso come che i riva a star in paxe ... mah ... capiso che un no 'l gabi de dover vender per forza caxa sua, pero` anche a gaver intorno tuta sta gente che va dentro e fora pe' i ufici tuto 'l santo giorno ... no so mi ... un el va fora de i copi ... o almeno a mi no credo che me piaxesi viver cusi` ;-D

[ffdt]

Sempre in piaza dalmazia ecove una caxa famoxa ... caxa Fabris de 'l architeto Francesco Giordani che ga firmado anche i progeti de caxa mia (che pero` no la xe censida in nisun libro de caxe importanti ... ... come dir che no i ghe da` una s'cinca e un boton pur esendo de architeto ilustre ;-D). Progetada in te 'l 1853 per sior Giovani Fabris che ga verto anche el cafe` in pian teren ... in tuti i libri i ghe fa i complimenti a 'l architeto per gaver rivado a far una caxa distinta pur gavendo cuela forma dixgraziada che la ga ;-D

A sinistra xe via martiri de la liberta` e a destra comincia via romagna

[ffdt]

Cuesta xe via ghega, de carleto de i treni, a destra xe el conservatorio de muxica "Tartini" e in fondo, che se lo vedi solo che s'ciarindo la foto, xe palazo Panfili ... un de i fianchi ...

E cuesta iera l'ultima de sto giro cua spero che 'l giro el ve gabi piaso ... so che a cuei che i iera el ghe ga piaso ... spero anche a cuei che i varda.

Ciau a tuti

Franco

[Tirabaralla]

Grazie del giro, Franco.

Una nota per ti: si te pol consolar... pochi giorni or sono pasemo davanti a "Cose di Casa", là drio Piazza Goldoni (perdoneme, no ricordo nianca i nomi de le strade de Firenze!)... e quasiquasi me vien de pianger...quindi te capisso sicuro

[ffdt]

Grazie del giro,[...]

In efeti el giro el iera pensado proprio per chi che xe lontan ... grazie a ti per la risposta

Ciau

Franco

[Golfoblu]

Rivadi su 'l canton co' la via S. Anastaxio girandose a sinistra se vedi cusi`... un amico che 'l sta lontan el ga ricordi in sta cexa, se no me xbalio ... la cexa de S. Anastaxio, apunto. La foto la xe cuel che la xe, ma xe meio poco che no gnente.

Te ga razon. La prima volta che son entrà, anzi, i me ga fato entrar, xe stà 54 anni fà. El prete me ga dado un picia slavazadina de acqua in testa. Bon niente de grave, son qua vivo e vegeto.


Fabio

[DJANGO]

Eco, in corso cavour, una palazina che me par che iera de la dogana ... ma no son sicuro. Adeso xe magazini.

In sta palazzina verrà realizzata la nuova caserma dei carabinieri, i ga firma ieri l'accordo.

[DJANGO]

Cuesta xe sua sorela ... sta cua la xe restada solo che un magazin e la xe malandada.

Quella più bassa tacada alla casa del lavoratore portuale invece verrà data alla provincia.
tutte e due le sarà restaurade, son sai contento perchè le xe proprio mal messe e le xe proprio vizin alla stazion quindi i turisti ghe passa sempre davanti e no xe un bel biglietto da visita per la cità

[babatriestina]

anche mi son contenta che i le rimetti a posto, iera un bruto biglietto de visita per chi che entra in città, dopo che i ga rimesso aposto le rive.

[triestedentro]

Non so perchè, ma questo post non l'avevo visto...mi era proprio sfuggito!

ffdt, speropossa farti piacere, ma volevo dirti che con la tua passeggiata e le tue parole mi hai commossa ( per mille e più motivi )...grazie

[angiolina]

Non so perchè, ma questo post non l'avevo visto...mi era proprio sfuggito!

Anche a me Bellissimo

[ffdt]

... in efeti iera un giro de emozioni, ricordi e sentimenti piu` che no un giro co' i pie ...

grazie de i bei comenti


Franco

[triestedentro]

... in efeti iera un giro de emozioni, ricordi e sentimenti piu` che no un giro co' i pie ...


Franco

si capiva molto bene, infatti ...

soprattutto la foto di via Rossini con le bitte ...quella mi ha emozionata molto, confesso

[ffdt]

[...] via Rossini con le bitte [...]

ghe iera un mondo drio de cuela foto ... son contento che se lo rivi ancora a intraveder ... forsi el xe solo fermo che 'l speta de tornar fora

grazie

Franco

[triestedentro]

[...] via Rossini con le bitte [...]

forsi el xe solo fermo che 'l speta de tornar fora

grazie

Franco

grazie a te

io penso che nell'attesa di saltare di nuovo fuori ( l'attesa l'hai resa benissimo con quell'immagine ) sei riuscito ad esorcizzarlo e regalarcelo in modo molto bello...complimenti

[AdlerTS]

Non so perchè, ma questo post non l'avevo visto...mi era proprio sfuggito!

Franco, te devi far titoli più accattivanti

[ffdt]

[...] sei riuscito ad esorcizzarlo e regalarcelo in modo molto bello [...]

grazie ... ... spero che te gabi ragion e che sia vero per tuti

[...] te devi far titoli più accattivanti [...]

capiso el conceto, ma te asicuro che 'l titolo el va benisimo cusi` ... un poco soto tono ... come un invito fato in punta de i pie ...

te sa ... come cuando che de matina se va a xveiar i fioi che i sta ancora dormindo... cuele robe fate pian, come se fusi de star atenti de no xveiarli ... ... cuando che se va dentro pian, se ghe da un baxeto pian, se ghe verzi le tende pian, se torna a darghe un altro baxeto e sotovoxe se ghe dixi "xveite, che te ga de andar a scola" ... e c'o i verzi i oci ancora carighi de sono e che i te varda te vien de soriderghe in zito ... come dir "ciau, ben rivado in sta nova giornada" ... eco ... el titolo che go meso lo vedo un poco cusi` ... ... no come un rivar dentro fazendo gheto e rompendo i ultimi sogni ma come un avicinarse a i sogni e portarli de la dimension indove che i vivi lori a la dimension indove che vivemo noi

... se dopo vien poca gente a leger no fa gnente ... xe robe intime e va ben che no ghe sia tropi de lori che i ghe bivaca per de sora

go fato un giro ... ... e 'l fato che fusi un giro fato co' 'l cuor ga de saverlo solo cuei che ghe interesa ... ... a i altri no ghe ocori

isteso grazie a tuti

ciau

Franco

[babatriestina]

No ve go gnanca dito che mi go un legame particolar cola casa che xe in Piazza Dalmazia 1 e che adesso xe un sindacato: là in secondo pian, abitava la mia bisnona, che xe morta qualche anno prima che nasso, e po sua fia, la mia prozia, la più giovine sorela de mia nona, che iera anche mia santola de cresima.
Quante volte no son andada in qual apartamento al secondo pian, dove che adesso xe el salon del sindacato iera la camera de pranzo de zia: una gran tavola in mezo, de quando che la gaveva tuti i parenti che vegniva in visita. E el mio amico Gimmi, el Scotch Terrier de zia, un amico de infanzia più che un semplice can. Iera una casa ancora restada ala vecia, con tapedi, tende fatte de kilim turchi, vasi giapponesi... el armer dela biancheria col elenco , scansia per scansia, dele tovaie... co la xe morta, papò ga domandado ai cugini se i ghe lassava i veci tovaioi, un poco consunti, ma grandi come che ghe piaseva a lu.. mi ghe go domandado se i me lassava el vestito viola dela bisnona, e lo go ancora! el ombrelin de pizzo inveze no so che fin che ga fato, i cugini xe morti un per de anni dopo e ga fato vender tuto per beneficenza..

[triestedentro]

che tenerezza il tuo racconto, baba...

quando andrò in piazza Dalmazia guarderò al secondo piano della tua casa e mi verranno in mente il vestito viola e l'ombrellino di pizzo