Un asino

[sono piccolo ma crescero]

Ieri, dal giardin del villa Revoltella, vardando in zo, credo che fussi via dei Pellegrini, go visto un asino



Xe vero che de asini in cità se ne vedi tanti ma mai più gaveria pensà de trovarghene là un che pascolava.

Go scrito "asino", ma se pol dir anche "aseno" o meio ancora "mus". Mi no son esperto e quindi no son sicuro del sesso, ma penso che nesun se ofenderà se no rispeto le quote rosa.

[Lugara]

Proprio no pensavo che ghe fussi un muss nela zona dove te lo ga fotografado!
A ogni modo certo no el bati in beleza la nostra picia Nina (che de poco la ga compiudo un anno de vita):

Ecola qua che la ciapa sol (come ogni brava mula triestina) insieme al gato de casa:

[sono piccolo ma crescero]

Sì, decisamente più bella ... e cusì semo a posta anche con le quote rosa !

... ma, anche vardando le foto de lugara, ve se mai domandai perché per ofender qualchedun se ghe dà del mus?

[angiolina]

un grattino alla bella nina e al gatto

[Tirabaralla]

Belli, belli...bellissimi!
Sono uno die miei animali "totemici", per così dire

[snif]

Belli, belli...bellissimi!
Sono uno die miei animali "totemici", per così dire

ma no ti piasevano i lupi neri?

ah..ah..ahhh...ti ga ragion, mejo no dire a duti

[ffdt]

[...] se mai domandai perché per ofender qualchedun se ghe dà del mus?

te ga mai gavesto a che far con un mus? ... xe una bestia de caratere ... mi go visto gente bastonar el mus per farlo mover e lu gnente ... piu` che 'l le ciapa e piu` 'l se pianta la` ... bestia de caratere, a punto

solo che no tuti lo ciapa per caratere forte ... cualched'un dixi che no 'l capisi gnanca le bastonade e cusi` "mus" vol dir che no te capisi gnente

mi no son convinto che 'l mus no capisi gnente pero` xe anca vero che no go mai avesto cosa far con nisun de lori ... intendo musi a 4 zate ;-D

torno a dir ... mi ghe ne go visti un pochi che i stava la` a ciaparle vardando fiso in te i oci el mato che ghe le dava ... per mi xe bestie de caratere

[Lugara]

Noi Nina sicuro che no la gavemo mai bastonada, ghe mancheria altro...!

Chi che bastona i animali vol dir che no xe in grado de capirli, o farse capir in modo più civile.
E po' un conto xe la frustadina che ogni tanto se dà ai mussi o ai cavai per raforzar una richiesta, un altro xe le bastonade vere e proprie che solo un delinquente pol utilizar.

Si, i mussi xe bestie de caratere: nel senso che i xe veramente ma veramente molto inteligenti. Nina xe la prova vivente! La xe dolcissima e cocolona, ma guai a no aver polso se no de un la fa subito camera e cusina...

Dopo vado a farghe i gratini per conto tuo, Angiolina, grazie!

[ffdt]

[...] le bastonade vere e proprie che solo [...]

peca` che sto tipo de pensier el xe bastanza novo e in tante parti de 'l mondo ancora gnanca no i se lo insogna ... e se anca noi semo fortunadi a viver in t'una civilta` che se sforza de eser rispetoxa verso de tuti, i nostri modi de dir i xe piu` veci e i risenti ancora de cuel modo de veder le robe piu` primitive indoveche tuto e tuti iera solo che "merci" a dispoxizion de 'l piu` forte

isteso mi me lasa perpleso anca le "frustadine", come che te le ciami ti ... in fin de i conti se mio fio el me frustasi c'o lo porto in spala mi no fusi sai contento e de sicuro ghe dasi una rangiadina ;-D ;-D ;-D ;-D ;-D

[LupoDellaDolina]

lo conosso de vista sto mus!spesso i lo porta a passeggiar in bosco farnedo(mi son del cacciatore).certe volte ghe xe anca un do fioi in groppa del mus(i nipoti del paron del mus)

[Ludisia]

Mama mia che bela che xe Nina!! Me go inamora'

[VetRitter]

riprendo questo topic con una notizia del Bugiardello (o Bugiardino?):
una coppia di asinelli sarà usata per aiutare a pulire le vie di Trieste.
dal sito del Piccolo

[AdlerTS]

Mi li go visto sfilar con i carri per carneval ... me pareva una roba fata apposta per la sfilata !

[nonna ivana]

Ma davvero?
Non so se rallegrarmi o essere triste...ad ogni modo è sempre stato il "collaboratore domestico" per eccelleza...si era abituati a vederlo utilizzato in "funzioni" collaterali, meno nobili di quelle richieste al cavallo...ma, col suo aspetto mite, a parte gli sbotti improvvisi di destro o sinistro, all'indietro, era una presenza simpatica nel nostro ambiente paesano!

Io non manco mai di fotografare gli incontri sporadici, a fiere agricole!!!
Qui siamo a una fiera di maggio...stavamo passeggiando lungo un viale vuoto, quando ci attrasse una scenetta un po' comica: il signore, un pochino alterato, cercava di slegare la somarella (Sig Vet...non sbaglio, vero?), ma lei faceva delle evoluzioni attorno all'albero e non si lasciava guidare...in un attimo di quiete sono riuscita a fotografare...
Forse la somarella voleva giocare...so solo che era velocissima a girargli attorno e a ingarbugliare ancora di più!!!

da notare la corda attorno all'albero!!!

[babatriestina]

Mi li go visto sfilar con i carri per carneval ... me pareva una roba fata apposta per la sfilata !

mi go capido inveze che per bon i li dopra, i li ga recuperai no so dove anzi "le" , me par, perchè xe due femmine e tanto val che le se rendi utili!

[VetRitter]

non sbaglio, vero?

pare femmina..

Sig

ma per carità..
saluti

[nonna ivana]

Mi stavo rivolgendo...all'Avatar!!!!

[Nona Picia]

I meti i asini per vero, Crismani li ciol de un de Muggia me par, e sembra che una dele due sia una de quele che iera per Nadal nel presepio vivente.

[VetRitter]

iera per Nadal nel presepio vivente.

stemo atenti col cambio de sesso, finchè se trova el bue e l'asinella va ben, ma la vaxxa e l'asinel, se podesi eser ciolti per blasfemi..
saluti

[Nona Picia]

Vet, cussì go leto ieri e forsi sicome che iera matina bonora e magari dormivo ancora un pochetin, go leto che uno dei due che ga girà per carneval iera un del presepio e anche che tuti e due i asini iera femina