Svizzera: Zurigo

[babatriestina]

Go approfittado de l'occasion de una mostra per riveder Zurigo: una città apparentemente solo comercial, che inveze ga dele belle opere d'arte e una sua atmosfera. tedesca, senza dubbi, basta le luganighe e i bretzel che i vendi sui banchetti
La giornata no iera dele più invoianti a star al averto, comunque qua xe una zona dove che se incontra la vecia e la nova Zurigo: la città xe al sbocco del fiume Limmat nel lago de Zurigo, ecove al ponte sula Limmat, verso la cattedral gotica:


subito più a destra xe la Wasserkirche, la cesa sul acqua, e a destra se intravedi la statua de Zwingli, che ga portado la Riforma a Zurigo:


e sul acqua xe i soliti cigni e altre anare, che credo sia folaghe, in omaggio a Sonopiccolo che xe el nostro birdwatcher

[babatriestina]

de l'altra parte xe la Frauenkirche, la cesa del vecio convento de monighe che nel Medioevo iera fra i paroni dela città: xe una vecia cesa gotica, con una bella torre-orologio - in Svizzera i orologi no manca-


ma el bel de sta cesa, che go scoperto solo pochi anni fa e che ghe torno ogni volta che ghe vado, xe le vetrate de Chagall!
el ga fato 5 vetrate, ogniduna con un color dominante, con immagini a ispirazion biblica:
queste xe le 3 del fondo del coro, a sinistra i patriarchi, in mezzo el Cristo, a destra el futuro ( ai altri lati xe altre do con la legge ei profeti):

eco qualche particolar: dela finestra gialla, in alto i angeli cola tromba, se xe el Apocalisse o la Gerusalemme celeste no son ben sicura

[babatriestina]

questo dela vetrata blu dei patriarchi, xe Giacobbe

e questo, dela stessa, xe Isaia e l'angelo col carbon ardente che ghe "sterilizza" la bocca

a fianco xe anche un picio roson

un dettaglio

[babatriestina]

Fora, la vecia Zurigo se missia cola "nova":
un'insegna de negozio che me pareva cocola, qua xe la zona dele boutiques de lusso:

di fronte, oltre la Limmat, le case ga el fronton triangolar nordico, coma a Amsterdam


passando per la cesa de s Peter, la vecia dela città, col più grande orologio sula torre, disi lori,

se ariva nela zona nova

[babatriestina]

la zona central nova xe intorno ala Bahnhofstrasse, la via dela Stazion, con albergi e negozi de lusso, gioiellerie e banche, co iero picia iera anche el mi sogno, un negozio de zogattoli de 4 piani, adesso el xe ancora ma assai più picio, ma no manca orsetti e trenini
Xe anche la pasticcerie

eco la strada, coi tram zurighesi

E la mostra? eco qua: i xe organizzai, nele stazioni ghe xe el oferta cultural, biglietto andata e ritorno, biglietto per la mostra con sconto e anche un biglietto de tram valevole per tutto el giorno su tutta la linea! cussì sona rivada a un museo un poco fora centro, con un altro tram: ( dedico ste foto ai amanti dei tram)

[babatriestina]

La mostra iera su Angkor e i Khmer dela Cambogia, un posto che go visitado anni fa e che me ga sempre piasso,e iera anche molto ben spiegado ( tedesco, francese e inglese!) e se podeva anche fotografar, e go aprofittado per far un per de foto: ecove una testa de un re Khmer, col classico sorriso buddista sereno:

e una classica immagine buddista: Buddha in meditazion, e el serpente Naga drio de lu che sta a proteggerlo e ghe fa come de ombrelin

questa xe un'immagine de una divinità ( Shiva), ma coi tratti de un re Kmer

Come ordine de tempo, le go messe in ordine inverso, me par. Tuto roba intorno al 1000-1200 d C

[macondo]

Caretto, no? Quasi 30 euro per una torta

[babatriestina]

Caretto, no? Quasi 30 euro per una torta

se diseva che xe la zona de lusso! quel xe Spruengli, la più famosa pasticceria zurighese: i ga i Truffes du jour, i tartufi de cioccolata che i garantissi che i xe fati el giorno stesso, no me ricordo cossa che i costa, xe ani che no li magno!
Per i negozi gavevo visto una bela colana de perle, de colori diferenti, go provado a domandar per curiosità quanto che la costa: quela a un fil solo la iera 36.000 franchi, saria circa come un poco più de 25.000 euro, insoma zinquanta milioni! no go domandado quela a due fili! ( e oviamente no iero andada per cior, mi iero là solo che per farme rimetter la batteria a un orologio, che qua a Trieste ogni volta che i me la rimetti i sera mal e ala prima piova va acqua dentro.)

[Tirabaralla]

Le torte sono così belle, così perfette, che sembrano finte

La prima foto col tram...sembra Monaco di Baviera (non il tram, la strada, gli edifici)...

Ecco perchè eri "sparita" Bel giro!

[Nona Picia]

Bel giro istruttivo!

[babatriestina]

anche sto anno, una panoramica della Limmat

cola città vecia de sora, al sbocco della Limmat sul lago un orologio floreal, coem che xe anche a Ginevra

e anche i bagni galleggianti, come che iera de noi el Bagno Maria immagino, cola zona Frauen, solo per donne, su palafitte

[babatriestina]

la mostra de sto anno no se podeva fotografar, e anche le spiegazioni no iera molto ben messe, solo su foglietti distribuidi e no targhette, El tema iera el arte del Gandhara, cioè quel arte buddista nato fra India e Pakistan e Afghanistan ( attuali) che se gaveva ispirado del stile grego classico, portado de Alessandro Magno e i sui successori Diadochi nonchè regni indipendenti, par darve un'idea del stile ve mostro una foto ciolta de wikipedia no la iera ala mostra ma ghe ne iera parecchie de simili prestade de musei pakistani e per questo valeva la pena de veder..

però le spiegazioni se preoccupava soprattutto de spiegarne tuti i episodi dela vita del Buddha, lassandome un dubbio, che forsi i più esperti in buddismo saverà: co el Buddha lassa tutto per zercar l'illuminazion, el pianta una moglie e un intiero harem. Se ga mai savudo gnente dela sua famiglia, dopo?
( per inciso, alcuni dei bassorilievi mostradi a mi no me pareva po tanto diferenti de quei che gavemo qua al nostro Museo oriental- che speremo che no i seri, ecove qua una fotografada una volta che ghe son passada: questo xe de noi, no ala mostra de Zurigo!!)

questa xe comunque la villa

l'esposizion xe in un'ala moderna vizin questa xe la villa Wesendock o Wesendonk dove che Wagner stava con un'amante

[babatriestina]

davanti dela villa, ghe xe un poche de statue ottocentesche copiade de alcune classiche, ve disi gnente questa?

e adesso vardeve la Diana che se imbottona la maniga del Palazzo dele Poste nostro

e la fontanella davanti gaveva questa statua

anche qua, gavè presente le fontane tonde coi putti de Miramar? una drio del piazzal e una davanti del Castelletto..
le dovessi esser tute varianti de un'opera in piera de epoca ellenistica, imagino arivada tramite copie romane, de un fanciullo con un'oca che no arivo a trovar su internet. Credo che la sia a Monaco, alla Gliptoteca.

[AdlerTS]

Bela con tutte le nuvole

[babatriestina]

Son stada un giorno de passaggio a Zurigo sti giorni e go approfittado per far qualche altra foto: comincio cole classiche, sula Limmat verso la vecia cattedral, finalmente con un poco de sol, veramente cominciava nuvoli e de sera xe vegnuda piova..


ve ricordè ( la xe anche qua sora) la cesa cole vetrate de Chagall?

xe questa, ma xe una novità: no se pol più fotografar dentro! meno mal che ve go messo le foto..

[babatriestina]

La giornata iera limpida, e drio del lago se vedeva le montagne

I cigni della Limmatt

[babatriestina]

un gruppo de turisti giapponesi

un poche de signore locali, de schena per la privacy
questa iera assai elegante,e truccada tranne, diria, i sandali..

queste invece xe più tipiche svizzere

[babatriestina]

mi go fatto un giro ai grandi magazzini, ma go guardado come sempre le vetrine della Bahnhofstrasse e ve mostro i gioielli: sì, a Ginevar i xe ancora più vistosi, ma i se rabbia se se li fotografa, mentre a Zurigo nissun disi gnente:
una bella collanina de zaffiri

pietre insolite verdi

proprio bela sta borsa Tods! solo 1600 franchi svizzeri, che vol dir oltre mille euro.. ( el euro gaveva un fià perso sul franco svizzero , sti giorni)

[babatriestina]

mi inveze go fatto qualche acquisto al negozio de zogattoli de Weber, per fioi de amici: ghe iera una pupa ( carissima) precisa de quele che gavevo de picia mi!

orsetti in vetrina: i Teddybär


e po altro giro che me attira sempre xe un magnifico negozio de libri inglesi, Orel Fuessli, che po ga davanti una cocola piazzetta, cola fontanella e belle panchine comode, come che le xe lungo tutta Bahnhofstrasse

[babatriestina]

Le stradine che collega el centro commercial con el centro storico

e arivemo ai dolciumi: Spruengli!
questa xe la bottega sotto la stazion

Kuguluf de cioccolata