Italia: san Leo nel Montefeltro

[babatriestina]

Go aprofittado del ponte dei santi e de l'occasion de una mostra, per far un giro fra Romagna e Marche, nel cuor del Montefeltro sul Appennin:
san Leo xe un paesin, dedicado al omonimo santo ( prima se ciamava propio Montefeltro) che xe vegnudo dela dalmazia e ga faro el eremita de ste parti. El xe conossudo doprattuttoper la Rocca inespugnabile e che ga servido de cella a Cagliostro che ghe xe morto, e gaveva impresonado anche Felice Orsini, ma anche el borgo medieval soto, picio, ga dele bellissime opere d'arte. Qua xe passai, re, imperatori.. e po tuto xe deventado rpovincia!
La più antica cesa xe la Pieve

xe uan cesetta protoromanica, opera de maestri comacini, stile del Italia setentrional, non molto lontan de quel dela nostra Muggia vecia.
Po ghe xe una Cattedral, dei tempi che ghe iera un vescovo

de cui ve mostro el interno, romanico con tracce de gotico, con colonne e capitei recuperai de resti romani

[babatriestina]

In Piazza, ghe xe un per de palazzotti rinascimentai, quel che ospitava la mostra xe un palazzo che xe stado costruido dei Fiorentini al momento dela repubblica cinquecentesca ( 1521 xe scrito sora), e i ghe ga dedicado un bel giglio de Firenze, che dedico ala nostra Tirabaralla
( de ste parti xe forsi passado Dante, ga predicado san Francesco..)


el paesaggio xe collinare apenninico

e el torrion basso dela Rocca xe stado fatto nel Cinquecento del senese Francesco di Giorgio Martini, pittor, scultor ma soprattutto architetto specializzado in architettura militar

[babatriestina]

rosso di sera, bel tempo si spera, e dela Rocca inveze de mostrarve orende presoni, ve mostro un bel tramonto

scendendo, el campanil e le cese sotto, sempre al tramonto

la piazzetta medieval

e ancora verso la Rocca

[Tirabaralla]

Grazie Baba, del giglio

Che bel posto tranquillo...e che tramonto!