Ne riverà qua le scovaze de Napoli?

[Nona Picia]

Qualchedun ga sentì o leto qualcossa che disi che la Germania vol ciorse le scovazze de Napoli, portarle su de lori e brusarle per crear energia che magari doman i ne rivendi a noi?

[AdlerTS]

No go sentido, ma de certo le scovazze xe un affar per alcuni: anche nei giorni che de noi i gaveva messo fora uso el termovalorizzator e le mandavimo a Gorizia a brusar ghe pagavimo caro el servizio
Resta de capir come i pol brusar in Germania tutta quella roba che non xe divisa in categorie de riciclaggio: i le dividi lori ?
Ultimo appunto: el commissario delegato per l'emergenza rifiuti in Campania xe al lavor DA 14 ANNI !!!!!

[rofizal]

Le ultime decisioni del governo (telegiornale) prevedi de portar le scovaze de Napoli "anche" (o solo?) in altre regioni. Come al solito.

Lombardia e Veneto ga za dito de no. No go sentido cosa ga dito Illy. Spero che no se vederemo rivar qua quel che a Napoli no i vol. Se fosi cusì saria la gente capace de protestar come i fa in Campania? o i se meterà come al solito... (poso dirlo senza che nisun se ofendi?) a 90°?

Lori no i vol discariche, no inceneritori, no termoconvertitori, anche se poi i xe carighi de rifiuti che i produci ma no i vol smaltir. Go leto un poco su internet, (un altro forum in particolare, dove ghe iera anche napoletani), ma non uno che spiegasi perché no i vol smaltirse i loro rifiuti. Magari quei che scriveva no xe i stesi che fa casin in strada, brusa casetoni, tira piere a pompieri e polizia, brusa autobus, ecc ecc ecc, ma alora chi xe? E se xe una minoranza perché no i la conza per le feste?
O la violenza de pochi comanda su tuti o no xe pochi...
Fata sta che ala fine paga tuta l'Italia, noi compresi, se non per primi.
Viva la democrazia!

[babatriestina]

El discorso scovazze, oltre al emergenza napoletana, xe molto ampio.
Per cominciar, produsemo molte scovazze, Molto più de una volta. E el mondo xe fato per produrghene: quante volte ve sentì dir No merita governar, meo cior novo! e el vecio? se buta via.
E cussì xe monti de scovazze.
mi no son esperta in materia de smaltimento rifiuti, e no so dir se xe meo discariche, brusar, inceneritor, termovalorizzator.. ma con un poco de bon senso digo: se se consuma, se produsi calor, e sto calor po deventar energia. E se se brusa, se prudusi fumi e spuzza, che bisogna tegnir soto ocio e filtrar. e se se fa discariche, le pol inquinar.
Parlemo de qua: ve ricordè la discarica de Trebiciano? mi sì, lo ciamavimo El monte dele scovazze, a sta ora el sarà un bel monte verde, indistinguibile .. se no se scava..
e se se le vol portar via, bisogna camion , inquinamento , intasamento, consumo de benzina... ma perchè le scovazze , se portade in Germania le deventa energia mentre de noi xe solo che scovazze? i ga ingaggiado un pifferaio de Hamelin per trasformarle? perchè no femo anche noi?
E la raccolta differenziata: bel va ben, gavè letto giorni fa sule segnalazioni? el contegnidor dela carta vien tirado su come i altri cassonetti. Go domandado in farmacia: e i farmaci scadui? Signora, in scovazzon come el resto... idem le pile scarighe..
po se a Napoli xe un business un poco losco dei imballatori de scovazze, come che go sentido, xe una complicazion in più.
Comunque no vedo perchè le scovazze dela Campania no devi restar in Campania.

[Nona Picia]

Mi me ricordo anche el monte de scovazze vizin la Grotta Azzurra, che adesso xe diventà tuto la intorno, anche dove che iera el deposito dei vari scarti edili, una grande campagna piena de vigneti.

Go sentì prima in un TG che a Brescia, me par, i ricicla le scovazze in energia per el riscaldamento. E i riscalda no so quante case. Se con le ns scovazze e quele de Napoli qua i farìa la stessa roba, lassando de parte el NO SE POL,
benvengano le scovazze de Napoli!

[sono piccolo ma crescero]

Anche mi la penso cusì. Se riva de brusar scovazze de Napoli e i ne taia un poco dela tarsu perché i soldi i li ciapa da un'altra parte, poderia anche 'ndar ben. Me par che i tedeschi i fa cusì.

Dopo xe el problema del riciclaggio, che siccome brusar fa polvere, magna l'aria e cusì via, saria meio trovar de far qualcosa de utile co le scovazze invece che brusarle. Ma i me ga dito che anche le nostre, che separemo lattine, vetri, carta, plastica e altro, spesso le va a finir tutte nell'inceneritor. Se questo xe vero, xe abbastanza grave.

In altri posti so che i ricicla anche altro (scorze de frutti, foie seche, e roba organica in generale per far el compost, terra per piante insomma). De noi no. Forsi perché in proprozion ghe ne gavemo poche, ma el sospetto che cusì l'Acegas risparmi sul gasolio, visto che xe roba che brusa, xe forte.

[rofizal]

Dopo xe el problema del riciclaggio, che siccome brusar fa polvere, magna l'aria e cusì via

Bon che lo dixè. ma ve va ben lo steso... oh dio, xe anche quei che scegli el suicidio... xe questioni de scelte dopotuto...

Go dito che qua no ghe xe comprension dei problemi, a Napoli i se ribela perché no i le vol e noi "ben vengano!"... no comment

Soldi? Ah, sì, i ga intervistado un vicesindaco de no me ricordo dove (Lombardia?) tuto contento perché in cambio de tignir i materiali de scarto radioativi el ciapa do milioni de euro e el fa strade, scole, ecc. Me domando se el fa anche tombe per quei che morirà de tumor.

In Germania i le ciol? Intanto i ga dito che nei giorni scorsi i le ga rimandade indrio perché le iera intratabili (roba mista, roba bagnada, roba suta, un casin insoma) e poi, quando inveze le va ben, i ciapa anche i soldi da l'Italia oltre a quei che i guadagna brusandole.

E poi quai xe i vantagi per noi? Me par che anche se la region ga inceneritori (o quel che xe) le tase per le scovaze xe aumentade anche sto anno.

Insoma, fin la radio RAI (la go pena scoltada), che sicuro no xe contro el governo, ga dito che "le regioni subirà a denti streti" sta imposizion de brusar le scovaze de Napoli. Che poi le sarà brusade o depositade de qualche parte? Perché anche questo no xe miga ciaro. Mi me par che i inceneritori i lavora za a ritmo massimo (no ghe iera stadi anche in region dei problemi che i inceneritori no bastava? o uno iera fuori uso?)

[rofizal]

Sì, comunque no xe ancora dito che i le mandi qua de noi. Mi spero de no.

[rofizal]

Me sento in dover de specificar una roba. Come in altri discorsi, pol no eser ciaro, ma non la go con altri forumisti - in sto caso né con Nona Picia
né con Sono Piccolo - ma con una società che me par ogni giorno pezo del giorno prima, con una politica in cui no me vedo rapresentado, ecc ecc

Eco che ogni tanto go voia de sfogarme, me speteria de trovar solidarietà e cusì me da un poco fastido, lo confesso, quando trovo inveze chi difendi quel che mi detesto. Xe question de principi ancor più che de fati concreti.

Poi me digo: lasa perder, no xe questo el posto. E alora? Qual dovesi eser el posto? Un forum de partito? No grazie. Un blog tipo quel de Micel? (de cui, sia ciaro, condivido solo in minima parte le idee) Forsi, ma no go voia, almeno pel momento (go altro de far).

Mah, fazo un fioreto: cercar de evitar ste discusioni in futuro, ma devo dir che me sento represo, perché al giorno de ogi no ghe pol eser libertà de parola? Perché esprimer el proprio pensiero sinceramente pol crear tanti problemi? Perché bisogna sempre eser alineadi con una parte o con l'altra e discuter solo con quei dela tua idea? (evitè per favor obiezioni a sto paragrafo, so ben che una parte non condividi queste mie opinioni, cusì ve specifico subito che xe le mie opinioni e no pretendo che le sia de tuti )

Bon, lasemo perder, fe finta che gabio cancelado i mesagi precedenti. Torno in letargo e me sforzerò (ghe riuscirò?) de ocuparme solo de altre robe. Parlerò eventualmente solo dela statua e del tramonto, del canarino e dela margherita... almeno spero de rivar a farlo.

Bona giornada a tutti!

[Nona Picia]

No te devi sentirte sminuì se no tuti la pensa esatamente come ti, rofizal. El mondo ga milioni de teste, el forum un poche de meno, ma tute ste teste qualche volta pensa e mai alo stesso modo.
Mi no go volù criticar el tuo pensier, go solo espresso el mio, magari de perfeta ignorante in materia, ma no sicuro per ofenderte a ti. Purtropo certi discorsi no xe sempre a senso unico e no xe dicussion se no partecipa tanti.
Forsi no son stada tropo ciara, ma questo xe el mio pensier, senza offesa, rofizal.

[babatriestina]

Legio oggi sul piccolo che la Region Friuli venezia Giulia non se dichiarerà disponibile a cior le scovazze napoletane.
ma ve consiglio un articolo de Repubblica sulle scovaze bipartisan che spiega che adesso i domanda tuti el inceneritor, ma un per de anni fa xe el elenco de tuti quei che no lo voleva ( quel de Acerra).
( fussi per mi, co legio che i brusa i bus e i se la ciapa coi pompieri, per cominciar stato de assedio, zo el esercito, ciapar quei che fa ste robe, processo per diretta e condanna no al carcere, ma a far i scovazzini e spalar scovazze! E ripresi in Tv e messi nei TG, come che i li ga ripresi co i dimostrava e i fazeva scandal. E po se discuti sul resto. Troppo rigida?)

[Nona Picia]

Son dacordo con ti!

[duralex]

Ogi go letto sul televideo che Lombardia, Friuli e un'altra che no me ricordo ga dito de aver problemi a cior in casa le scovazze campane, ma che le riconossi la "corresponsabilità morale" dela perdita de imagine del Bel Paese. E qui confeso de non capir più niente. Cossa sarò mi responsabile de quel che i fa in Campania, anche solo "moralmente"? Lo go mandà mi Bassolino a far el Presidente? Lo go tegnù mi per quindese anni a zogar al Grande Uomo del Rinovamento? La go messa mi la Rosina Iervolino, che za la ga una vose che la...dise tuto, a far la Sindaca? No i sa risolver un problema che sia uno e i vol che il resto d'Italia, sia coresponsabile morale? Se inveze i vol dir che xe responsabilità comune de tuti quela de aver messo a far el ministro Pecoraro Scanio, alora fazzo dura amenda, perchè quela si che xe colpa de tuti, nissun escluso!

[nanaia]

Duralex, parole santissime!!! Xe anni che sta storia va avanti e quei do' macachi ancora no xe stadi esautoradi (se spetemo che i se dimetti....campa caval...). Perfin un politico come Casini, che finora iera abbastanza "diplomatico" gà definido in malo modo Pecoraro Scanio. A Cagliari i ga piantà un casotto (giustissimo) perchè Soru gà accettado le scovazze de Napoli. Ma come corresponsabili??? E la camorra, che perfin una sempia come mi sa che sta drio a sti manighezzi per lo smaltimento rifiuto, cossa la xe? Triestina? Ma dai!!
Betta, no te son troppo rigida: te gà ragion!

[AdlerTS]

Prima i gaveva el commissario all'emergenza,
adesso i ga el super commissario all'emergenza...
el prossimo sarà iper commissario e forse col giga commisario i risolverà qualcossa

[rofizal]

A Cagliari i ga piantà un casotto (giustissimo) perchè Soru gà accettado le scovazze de Napoli.

Me son ripromeso de no ritornar sul tema , quindi me limito a due oservazioni (né de destra né de sinistra, ma dala parte del citadin) :

1) a Cagliari i ga denunciado, se ricordo ben, 45 persone, a Napoli, con quel che xe suceso, pareria nisun (almeno a sentir i TG). Me par che ghe sia dei tratamenti diversi per le stese robe (anzi, le me par ben più gravi a Napoli).

2) go sentido (za savevo, ma no iero sicuro) che a Trieste la racolta diferenziada xe solo una finzion; se xe vero, no saria ora de finirla de ciapar in giro la gente che se dà de far a divider la roba e agir più seriamente tratando veramente i rifiuti come va fato? Se le robe sta veramente cusì, me par che certi comuni dela Campania (no Napoli oviamente), sia meio de noi.

Stop. Me fermo qua.

[babatriestina]

2) go sentido (za savevo, ma no iero sicuro) che a Trieste la racolta diferenziada xe solo una finzion; se xe vero, no saria ora de finirla de ciapar in giro la gente che se dà de far a divider la roba e agir più seriamente tratando veramente i rifiuti come va fato? .

questo discorso lo go sentido contar mi più volte, senza però aver mai visto gnente coi mii oci; ieri sule Segnalazioni iera una precisa smentita formal de un dirigente del Acegas.

[Nona Picia]

Go leto anche mi la smentida, spero che el gabi dito el vero.... L'unica roba che son sicura che riva, xe i tapi de plastica dele botiglie de acqua e bibite varie, perchè go avù parechie conferme de quel che xe stado fato con lori.

[rofizal]

ieri sule Segnalazioni iera una precisa smentita formal de un dirigente del Acegas.

Se le robe sta cusì (ma posibile che no se sapi de preciso?) alora le notizie che i dà pel giornale radio dela region xe false. No me ricordo de preciso (lo scolto de sfugita, quando lo scolto), ma i ghe ne ga parlado nei giorni scorsi bastanza a lungo. Se le xe false (sempre "se", no son in grado de giudicar) qualchedun no devesi pagar per difonder ste robe? O la difamazion val solo per chi no ga protezioni?

[rofizal]

Go zercado qualcosa su internet. Eco quel che go trovado.

Articolo del Piccolo sul sito de Repubblica:

Il Friuli Venezia Giulia è privo di impianti che trasformano i rifiuti in energia termica. E che rappresentano anche, per chi li gestisce, un notevole ritorno economico. L'unico impianto simile, ma si tratta di un inceneritore, è operativo a Trieste ed è gestito dall'AcegasAps.
«Nella nostra regione ne servono altri due e di dimensioni nettamente maggiori di quello ipotizzato per il pordenonese. La capacità deve passare dalle 98.000 tonnellate alle 150-180.000. Una struttura di uguali dimensioni serve anche alla provincia di Udine. Gorizia e Trieste sono a posto.

Tuto qua. No son rivado a trovar altro, nianche el testo de quel notiziario.