Via Battisti

[sum culex]

Un'inferiada



Un'altra inferiada più grande e più elaborada



El porton

[sum culex]

El coronamento semicircolare con due putini



Eco i due putini più in grande



Ai lati del teto xè altri due putini: questo xè quel de sinistra

[sum culex]

Le foie e i fiori che decora i archi sora le finestre



Foie, cope, usei e ghirlande nei riquadri tra le finestre



Ala base de due semicolone quadrate atri 2 putini su fruti e nastri



In alto sora le colone i capitei con foie de acanto fiori e volute che ricorda el stile corinzio e sul atchitrave altre teste e volute de foie



Questa xè via Battisti: tante robe xè za viste ma anche tante altre sfugi se no se guarda aposta.

[babatriestina]

Zerto, i ghe ne ga messi de ornamenti su quele case! fra testine de leon, de caval, capitei con volute, fiori , ghirlande, no se sa più dove andara vardar! i palazzi xe più o meno dela stessa epoca( seconda metà del Ottocento, anche perchè el torrente xe stado ricoverto nel 1846) e del stesso stile: anche l cosiddetto "liberty" sul canton con via Donizetti el ga le decorazioni simili a quele dei vicini. La casa che fa canton col Aquedotto, dopo i Portici xe Casa Cassab 1911 12 e quela che contien el caffè san Marco xe casa Napp, arch Giorgio Polli 1903.04. Via Battisti 4 xe de Giovanni Berlam, 1852.
Curioso anche che molte de quele decorazioni, verso el altro ga dei stemmi che imagino doveva esser previste le iniziali del paron de casa, ma inveze xe svode. Se fussi tuto de marmo saria un lusso strepitoso, e invece la più parte xe de piera ricostruida, come che i fazeva al afin del Ottocento, che costava de meno e se fazeva prima: penso per esempio a ste ultime ghirlande, che xe ispirade a bassorileivi rinascimentali, solo che i originali xe de marmo!
la casa al n 12 de via Battisti xe una delle prime case che ga abitado Italo Svevo.

[sum culex]

Me son dimenticado una roba IMPORTANTISSIMA al fine del servizio e cioè

Ciao
Zoomy

[macondo]

Mi me domando che tipo de apartamente pol gaver ste case...Per quel che se capisi per le foto, in qualcheduna de ste case ghe dovessi esser dei apartamenti con numerose stanze bele grandi, con sofiti alti e con dei bei finestroni con tanta luce.
Qualchedun de voi xe mai stado dentro?

[babatriestina]

Mi me domando che tipo de apartamente pol gaver ste case...Per quel che se capisi per le foto, in qualcheduna de ste case ghe dovessi esser dei apartamenti con numerose stanze bele grandi, con sofiti alti e con dei bei finestroni con tanta luce.
Qualchedun de voi xe mai stado dentro?

xe come che te disi i appartamenti de quela del Caffè san Marco, son stada un per de volte ospite de gente che ghe abitava. Grandi saloni, per quel che ricordo, e longhi e larghi corridoi. ( e credo affitti anche molto alti..)

[macondo]

A mi me ga impresionado sta casa e specialmente i finestroni tra le colonne che me fa pensar de un apartamento de 10 stanze (o piú)!!

Angolo via Rossetti

[babatriestina]

in quella casa son stada una volta sola, a visitar el prof Marussi, za malado, che ghe abitava. Forsi però iero al primo pian, che me par meno monumental, ma no me ga colpido i appartamenti per particolar grandiosità: iera un corridoio bastanza scuro interno, che po dava al suo studio, una camera che mi gavevo giudicado normal, al epoca.. forsi perchè anche mi alora abitavo in un quartier de quel tipo de casa. Ma po quel apartamento iera pien dei ricordi de viaggio de Marussi, cussì go ammirado de più quel che le dimensioni, che ripeto no me gaveva parso molto grandi.
De solito però le case de allora aveva una struttura che corrispondeva al società del momento, quindi un ingresso abastanza scuro, diversi anditi che dava o sule camere davanti, luminose e doprade per soggiorno, pranzo, studio, camera de letto padronal, o sule camerette drio, che dava sula corte, scura, e iera la cusina, abastanza lontana de camera de pranzo, el bagno, spesso separà dei cessi, i ripostigli ( camerini) e le camere per la servitù, per chi che no gaveva el palazzo intiero e no li fazeva dormir nele sufitte.
Se no i le ristruttura, modificando i muri interni o almeno un poco de tubi per acqua luce e gas, no i le dopra per apartamenti, ma per uffici, le camere luminose per i uffici de rapresentanza e i clienti e i camerini drio per i archivi. Cussì el centro se svoda de abitanti e i paroni de casa fa bori con afitti più alti, imagino. Me piaseria saver de quelle case quante xe condomini e quante xe proprietà unica. Per quel che xe ufici e quel che xe abitazioni, la prossima volta che ghe passo, varderò le campanele.
Sempre per ricordi de una volta, l'ultima casa che ga postado Sum, e che i ga apena tirado zo le impalcature, una volta ghe iera a piano terra in porton una bravissima mendaressa. esisti ancora mendaresse? le saveva cusirte un sbrego in un vestito che no ti te inacorzevi gnanca.

[sono piccolo ma crescero]

Bellissime foto e complimenti per la pazienza de spetar la stagion e l'ora giuste.

La luce morbida del palazzo Ruzzier no me par niente mal. Le decorazioni xe comunque ben modellade e le ombre xe meno dure.

No me son mai accorto che via Battisti fussi cussì bella!

P.S. I me ga dito che anche sotto terra via Battisti xe bellissima e che all'incrocio con via Carducci sotto terra ghe xe delle volte meravigliose, un'opera de ingegneria pregevole. Sempre fogne le xe, ma belle de veder. No te podessi andar sotto a far le foto?

[sum culex]

P.S. I me ga dito che anche sotto terra via Battisti xe bellissima e che all'incrocio con via Carducci sotto terra ghe xe delle volte meravigliose, un'opera de ingegneria pregevole. Sempre fogne le xe, ma belle de veder. No te podessi andar sotto a far le foto?

Soto quel incrocio dovessi esser la confluenza tra el torente che vien zo de San Giovanni con quel che vien zo dala vale de Rozzol arichido da vari altri pici afluenti.
Mi andassi volentieri là soto per veder; per fotografar dovessi esser tropo scuro e me ocoreria un'atrezatura de lampade che mi no go e penso che el lampo no sia suficiente. In ogni modo, me ocoreria de parte tua due robe:
1) L'indicazion de dove che xè l'ingresso e una bela scaleta per calarme zo de qualche tombin.
2) Sicome che la soto xè la fognadura te doveria anche procurarme una bona maschera antigas e una bona tuta impermeabile che, dopo usada, te restituiria per lavarla

No là del incroco, ma più avanti, tra la via Milano e piazza Oberdan, diversi ai fà, quando che la piena dei torenti (difati la via se ciamava via del torrente), dopo un temporalon, gaveva fato grossi dani ala volta, i gaveva dovù verzer la strada e se vedeva l'ampieza de sta galeria, tanto che dentro ghe passava escavatori. La galeria, se no sbaglio, dovessi sbocar in mar in portovecio. I dani iera dovudi anche ala parziale oclusion dela luce per scarsa manutenzion: se gaveva acumulado grosse quantità de detriti, piere, ecc. che impediva el regolare passagio dele acque durate le piene.

ciao
sum culex

[sono piccolo ma crescero]

Mi andassi volentieri là soto per veder; per fotografar dovessi esser tropo scuro e me ocoreria un'atrezatura de lampade che mi no go e penso che el lampo no sia suficiente. In ogni modo, me ocoreria de parte tua due robe:
1) L'indicazion de dove che xè l'ingresso e una bela scaleta per calarme zo de qualche tombin.
2) Sicome che la soto xè la fognadura te doveria anche procurarme una bona maschera antigas e una bona tuta impermeabile che, dopo usada, te restituiria per lavarla

Ah non go la più pallida idea! Una volta go parlà con un ingegner che iera 'ndà soto e el iera tutto entusiasta del meraviglioso lavor de ingegneria che iera sta fatto. El ne parlava come che el gavessi visto la cappella sistina o poco via.

Comunque la mia iera solo una battuda.

[sono piccolo ma crescero]

Go trovà la foto sul libro "Sotteranei della città di Trieste", ed. LINT. No la metto perché penso che la sia protetta da copyright. Comunque ... ghe vol esser ingegneri per apprezzarlo.

Leggio che sotto via Carducci ghe xe tre gallerie artificaili che va fora in porto vecio.

[AdlerTS]

Segui el percorso del fiume

(vedi https://www.atrieste.eu/Forum3/viewtopic ... 354ca954fc )

[sum culex]

Comunque la mia iera solo una battuda.

Perchè la mia no????

ciao
sum culex

[babatriestina]

A mi me ga impresionado sta casa e specialmente i finestroni tra le colonne che me fa pensar de un apartamento de 10 stanze (o piú)!!Angolo via Rossetti

son passada ieri sotto e go letto i nomi sulle campanelle: 13 nomi me pareva come de privati ( un, un nome conossudo dele Generali), due studi- un dentista e 8 appartamenti indicai col numero: app. 21, 24.... o no i vol dir el nome o i xe sfitti.
Per el palazzo Ruzzier xe in grande un cartellon (bravo Sum che lo ga evitado) Affittansi uffici .
La casa del caffè san Marco ospita un residence fatto de diversi appartamenti, oltre che un consolato...

[sum culex]

Ancora un pochi de particolari dele decorazioni che xè sul paazzo Ruzzier fate con luce più dura (data la stagion e l'ora la uce del sol iera radente) e col zoom un poco più spinto. Le podè confrontar cole foto preedenti e dar un giudizio.

Le statue che xè sula somità del teto

[sum culex]

Le testine che xè sule lesene






De queste decorazioni ghe ne xè diverse

[sum culex]

I angioleti che xè sule lesene e sule colone






L'arco sora una finestra

[sum culex]

E adesso ve meto el palazzo dove che una volta iera el Volta' dove che mio papà ga insegnà per 47 ani