Nova antena in via Campanelle

[harisel]

I la ga montada in freta e furia 2 settimane fa...

pode' trovar piu' foto qua:
http://lantennadellavergogna.blogspot.com/


ciao a tutti

[AdlerTS]

Che per intercession de sior Google ve mostro che xe qua:

[sono piccolo ma crescero]

Però, un poco, semo ale solite. Mi ghe ne go una davanti ale finestre della camera, a 100 metri sì e no, un'altra a 200 di fronte ale finestre del sogiorno. No digo de eser contento, anzi, però ... giremo tuti col telefonin in scarsela e se volemo che el funzioni le antene ga de eserghe.

E ghe fa ben ai fioi le cufiete fracade dentro le rece a pochi centimetri dela testa? E le berete de nadal co le lucete che gira? E la wifi per portarse in cesso el portatile invece che un libro? E el cordless per no 'ver sempre el telefono ligà col spago ala presa del muro? E el forno a microonde?

Sia ben ciaro che mi no so cosa che fa più mal, ma xe tuto campi eletromagnetici a frequenze medio basse (se confrontade co la luce o i ragi x) e se le fa mal, quanto più vizin ala testa ... o a altro ... le tegno, tanto meno forti basta che le sia per farme mal.

Un'altra roba xe el problema estetico: ste antene le xe proprio brute de veder ... tanto xe vero che de qualche parte i le ga messe in maschera perché che le pari altro.

[Nona Picia]

Anche noi ghe ne gavemo un per bastanza vizin. Ma me par inutile far tante storie per le antene e se dopo i le cava, lamentarse che el celulare no ciapa.
E comunque in una cusina ghe xe sempre una bona dose de inquinamento tecnologico. O no? Ma quel fa comodo!