Charlton Heston

[Nona Picia]

Ogi i ga dito che xe morto Charlton heston. Un altro grande che se ne è andato.

[sono piccolo ma crescero]

Per quei dela mia età, co ierimo giovani el xe sta una specie de mito: Mosè, Ben Hur, ...

Però dopo go visto la penosa intervista che el ga rilascià nel film documentario "Bowling a Columbine" a sostegno del dirito dei americani a tegnir a casa un s'ciopo per difenderse e el me ga fato un poco rabia e un poco passion (perché se vedeva che el iera malandà; però se te son malandà no te se fa intervistar).

Comunque, pace a l'anima sua.

[AdlerTS]

Bruta roba l'alzheimer

[Capuzi garbi]

Come la magioranza de noi, anche mi gavevo visto sto ator la prima volta nei Dieci Comandamenti. Nel mio caso, lo gavevo visto al Moderno a San Giacomo, e me ricordo che la fila per andar a veder sta pelicola andava praticamente intorno a tuto el piazal...

Dito questo, no gavevo nissuna simpatia per lui col jera diventa` el portavoce de NRA, National Rifle Association, semplicemente pel fato che'l dirito de portar armi de fogo podeva ancora pasar co i esploratori e o pionieri doveva difenderse dai atachi dei pelirose e i banditi. Al giorno de ogi no esiti nissuna ragiorn per far che grupi cussi` esisti.

Pero` gavevo visto un'intervista de lui diversi ani fa, co'l gaveva za` ciapa` el morbo, ma el jera ancora piu` o meno in gamba. El gaveva anuncia` el principio dela sua malatia, per far cio` che la gente no credessi che lui stava diventando insempia`...E me gaveva 'ssai dispiasso....
Mio papa` gaveva ciapa` la stessa malatia che eventualmente lo gaveva porta` ala tomba...

Come che Adler ( Grazie del'articolo sula Triestina...te devo risponder prestissimo) gaveva dito, brutisimo morbo...

E come che anche Nancy Regan gaveva dito de suo mari`Ronald: Nol se ricorda nianche de eser sta` presidente dei Stati Uniti...Questo xe sta el piu` lungo arivederci.

Addio Charlton...nissun xe perfeto...grazie dele memorie

[AdlerTS]

Reagan me ga sempre fatto pensar ... esser stado la persona più importante del mondo e non averne coscienza