'Rivada la` dela cesa iera pien de gente fin fora...la fila e no iera ancora comincia'. Dentro iera pien de gente...panche libere gnanche a parlarghene. Sicome iero con le fie, le gavevo mandade in giro per trovarse un postisin dove sentarse e no dover star in piedi per piu` de un ora...ma niente da fare.
Dopo un poco due mule se senta per tera, alora meto a sentar anche le fie e dopo me calo anche mi. Nel giro de 10 minuti se gaveva impignido per meta` el pavimento dela navata (che tra l'altro iera riscalda')....e noi se gavemo godudo el spetacolo in prima fila .
Iera bel, anche perche` un poco movimentado, no el solito coro. Oltretuto ghe iera 4 soliste che fa parte del coro del teatro Verdi: ogniduna con delel carateristiche diverse nela vose e nel stile.
Insoma l'insieme iera simpatico.
