Fruti de stagion

[sum culex]

Xè el periodo giusto per gustrar e magnar el melograno; come lo ciamemo noi a Triete?
'POMO INGRANA'
ciao
sum culex

[Zigolo]

INgranà o solo granà ???

No te se confondarà miga col pomel del cambio che servi per ingranar le marce?

[sum culex]

A mi me par che a casa mia se diseva ingranà, ma xè ricordi e posso anche sbagliarme. Forsi se diseva in tuti due i modi, comunque le marce del'auto no le gavevo gnanche nel'anticamera del zervel. Xè dificele de confonder un fruto col'auto . Se ti te guidi un fruto mi magnerò un auto
anche se no so come che poderia far se non con un fato de cicolata!
ciao
sum culex

[sum culex]

Gavemo ragion tuti due!

Go fato una picia ricerca:
El Doria te dà ragion a ti: pomo granà
El Pinguentini me dà ragion a mi: pomo ingranà
El Rosamani xè imparziale: pomi ingranai e pomo granai.

Mi go pensà che derivassi da 'pomi cola polpa in grani', ma xè una mia ilazion.
A sto punto, risolte le controversie (volevo doprar el verbo 'dirimere': ma come se disi: dirimeste o dirimide o come altro?), podemo dirse sodisfati tu dò, sia mi che ti.
ciao
sum culex

[serlilian]

Mi pensavo che se scrivessi tuto tacà: pomogranà e pomigranai (come pomodoro). Ingranà no go mai sentì.

[sum culex]

Eco el pomo ingranà, bel rosso con tanti granei dentro garbi come la peste.
Lo go comprà stamatina aposta pel forum.



Dove che iera el fior: se vedi ancora i stami



Taià per metà: eco l'interno del fruto

[sum culex]

I particolari dei granei rossi in un leto de membrane bianche









Me dispiasi che no podè magnarli, ma almeno ve contentè i oci.
ciao
sum culex

[serlilian]

I xe boni, ma per rivar a magnar un pochi de granei bisogna lavorar do' ore.