[...continuazion]
-------------------------------
Da sergio on Wed, 22 Jan 2003 11:36
Eh sì, gavevo avudo anche el caval a dondolo, ma dopo i tempi xe cambiadi, tanto che el mio sogno de aver l'
automobilina a pedali el xe rimasto sempre un sogno, e credo de no eser mai gnanche montado su una de quele...
Me piaseva sai magnar i
"ghiaccioli". Una volta che no gavevo schei in scarsela go cercado, inutilmente, de comprar uno per qualche elastico, una mentina e qualche figurina...
Ah sì. le
figurine...
Iera le racolte de figurine de calciadori (iera i tempi de
Colombin, quel calciador francese). Pecà no aver conservado i album...
Gavevo anche una fantastica racolta dei primi
"topolini" (penso ancora de prima dela guera), credo che ogi i valesi milioni, ma mia mama me li ga butadi tuti via, la li vedeva come intrighi inutili.... sa che pianti co lo go scoperto.... :'(
E la racolta de
"Pecos Bill"? Ogi credo el sia pasado de moda.
Altra roba che mia mama ga sbarazado (le sue manie de far ordine...), iera dele meravigliose barche, un velier grandioso, una barca a motor credo a mola e una a elastico, e altre ancora. Le gavevo ricevude in regalo da un altro mulo partido per l'Australia e co fasevo el bagno me zogavo con lore in vasca! ;D ;D
Co gavemo cambiado casa la ga pensado ben de regalarle a sua volta a un altro muleto, nonostante le mie proteste! :'(
I punti Cirio? gaveimo la casa piena de etichete....
Anche sai bel iera scoltar la radio.
Me piaseva el Festival de Sanremo, ma anche le comedie che i dava. Iera una che me xe rimasta impresa, dove una famiglia faseva finta de partir per le ferie per no consumar i soldi che lo zio rico ghe gaveva dado a quel scopo. Ricordo un toco de canzon
"Ludovico, sei uno zio ma non amico...."
Tanta naturaleza e ingenuità.
A 6 o 7 ani go fato due mesi in colonia, in montagna. Xe stada dura, no vedevo l'ora de tornar a casa.
Bon, i gaveva fato un spetacolo dove i fioi cantava (quei che saveva cantar). Iera la canzon "Il pericolo numero uno: la donna...", ma per noi i la gaveva trasformada in "Il pericolo numero uno: la nonna..."
Altri tempi...
--------------------------
Da HECHT GRAZIELLA on Wed, 22 Jan 2003 13:25
Che ge fussi stada 'na racolta de "Pecos Bill", me giungi nova, el nome no, ma lo asociavo a altri dei giornalini (o forsi te intendevi proprio giornalini?), tipo: dal "Monello", Pedrito el drito con la sua Paquita, Arturo e Zoe o, dal "Corriere dei piccoli", a parte el stranoto "Signor Bonaventura", col suo milion e el suo basoto, iera la signora "Petronilla" con quel povaro disgrazià de suo marì che la lo ciapava sempre a bastonade, come del resto Paquita fazeva con Pedrito; "Cicibum" e "Pimpinella la sbrufoncella", poì iera due gemei - un biondo e un moro - che non me ricordo come i se ciamava, iera quei che i gaveva un zio sempre rabià !
Anche "L'Intrepido" legevo, ma no me sovien el nome nesun dei personagi dele sue storie ::) :-[ .
A proposito de Zoe, co iero picia, iera una feramenta vizin a casa mia e i muli che lavorava là i me ciamava cussì per via del taio de cavei - tipo: "taiai co la scudela e la franzeta" e d'istà, per far "colpo" su sti muli - iera giusto per cominciar ad alenarse - me ricordo che me metevo i zocoli del bagno coi tachi alti, che no rivavo gnanca a caminar, però me fazeva sentir "signorina" :-[
Ti te parlavi de gaver tentà comprar ghiacioli coi elastici ??? Mi inveze me ricordo che nela gelateria de "Arnoldo" in viale Miramare, fra la stazion vecia e quela nova, i vendeva i coni de gelato: i grandi per 50 lire e i pici per 30, ma a mi e a mio fradel, ogni tanto, i ne fazeva anche coni per 20 lire e con due gusti (mi me piaseva sai ciocolata e limon)
.
Inveze per quanto riguarda i punti, mia mama fazeva la racolta de quei dela Star e, me ricordo, che con quei la se gaveva fato un belisimo servizio de piati de porcelana (roba de luso, in quela volta
) .
El primo Festival de Sanremo che go sentì ala radio iera quel dove che Celentano cantava "Il tuo bacio è come un Rock", ma xe l'unico perché, se no sbaglio, i lo dava de sabato e de sabato mia mama la gaveva la bruta abitudine de darne un decoto de "finicula" - che iera una spece de purgante - prima de 'ndar a dormir e iera l'unica sera che noi fioi 'ndavimo in leto presto per tentar de svicolarla. Poche volte ghe la gavemo fata e, alora, tuta la note vanti e 'ndrio, anzi me ricordo che profitavo per tirar via i "bacoli" (con una paleta, perché i me fazeva schifo, ma anche compasion) de la polvere de - penso - DDT, che mia mama meteva longo tuti i muri dela casa :'( .
--------------------------
Servolo gaveva poi ricordado alcuni personagi de l'Intrepido e del Monello e altri ancora: Roland Eagle, l'aquila dei sette mari, Chiomadoro e la sua compagna Fiordistella, Cruciverba Cruck, Superbone, el professor Lambicchi e l'arcivernice, Pico Panda e Paco Serse, Nona Abelarda, Mandrake con Lothar.
-------------------------
Da sergio on Wed, 22 Jan 2003 22:31
Superbone, come te disi, chi lo dimentica? no se pol....
Te sa che co go visto che Nembo Kid iera diventado Superman son rimasto deluso? No iera più lui, iera un'altra roba, più freda, impersonale..
Pecos Bill iera giornalini, sì, e che altro? Gavevo tuta la racolta, poi come al solito finida in scovazon...
A proposito de Tex, te se ricordi che i iera in quei formati lunghi e streti? I gaveva fato una mostra su Tex che go visto in Tv, ma quei mini giornalini miga i li gaveva...
Un dei disegnatori italiani più famosi iera Jacovitti. Coi sui fumeti el ga fato epoca. El mio amico Paolo, bravisimo disegnador (el fa anche el grafico), el se gaveva tanto inamorà de lori da adotar lo stile per tuti i fumeti che anche lui el se gaveva divertido a disegnar per i amici. Tra l'altro el gaveva fato un megamanifesto, ciamado "Senape", che el gaveva fato furori e che el devi eser ancora in giro.
Poi nei ani '60 xe vignudo Linux.... ah, volevo dir Linus (deformazion profesionale) con el "tropo forte" Snoopy!
Che cocolo che xe quel cagneto! ;D
Adeso, in chiusura, me xe vignudi in mente anche Cucciolo, Beppe e Tiramolla! Uuuuhhh! Quasi me li dimenticavo..
----------------
[continua...]
, e cussì el se fazeva vanti e 'ndrio tuta la via Udine, magari per un intero dopopranzo, fin quando su mama no la rivava a recuperarlo tirandolo a casa per una recia e alora te lo sentivi zigar fin in Greta.
al scalo legnami, e baliniere che mio papà portava a casa dala fabrica machine.