Bruno Bianchi

[rofizal]

Dal vecio forum de Trieste Mia.

-----------------

Da Lucio Coceani on Wed, 10 Apr 2002 00:21

Mi volessi ricordar su questo sito la memoria de Bruno Bianchi.

Logicamente, come tute le robe e persone, se un no ga una certa età, el poderà anche dir: Ma chi iera sto Bruno Bianchi?

Però se un, come mi, non ga più venti ani, el se ricorderà de Bruno Bianchi come un nudador triestin, campion italian nel suo stile, che morì 'sai giovine, verso i 18 ani, quando che l'aereoplan che portava la Nazional de nuoto, per qualche guasto, che nianche no me ricordo più, purtropo el se scontrò con el teren, mazando i pasegeri a bordo.

Mi iero xa in Australia, ma me ricordo de Bruno benissimo. Iero andado a scola con lui. Gavevo fato le elementari ala Ruggero Timeus in Largo Pestalozzi, e el nostro maestro jera el Signor Duilio Gasparini, (al giorno de ogi son ancora in contato con lui).

El stava de casa de le parti de via Doda.

Anche a scola, come in tuto el jera 'sai umile e nol se dava mai arie. El jera sai più grande e groso de la magioransa de noi muleti, ma 'sai, 'sai gentile.

L'ultima volta che lo gavevo visto, jera durante una partida dela Triestina. El gaveva sai un bon nome in campo nazional come un campion del avenir.... ma el iera cussì modesto.

Dopo i ga ciamà la piscina coverta in suo onor.... chissà se la xe ancora la!

Bruno Bianchi, campion sportivo e campion umano. Te saludo.

--------------