vece caserme ad Aurisina?

[vorwaerts]

Saria sai curioso de capir dove ad Aurisina podeva eser una vecia caserma, risalente all'ultima guerra. Qualchedun sa?

[AdlerTS]

Proverò a domandar ad un mulo che abita la in zona.

[Franco]

Una specie de casermetta te la trovi sul "sentier della Salvia", quel che cori parallelo ala ferovia, tra la scola media de Aurisina verso Santa Croce...

All'altezza del stabilimento dei filtri del acquedoto (che xè a destra, andando verso Trieste), ghe xè sula sinistra un edificio semi-dirocà.

Insoma, più o meno qua:
http://maps.google.com/maps?f=q&hl=it&g ... g=aurisina

Le scritte che xè dentro sui muri fa capir che iera una casermetta.

Magari ala prima ocasion paso a scatar qualche fotografia.

[carsolin]

Casermette podeva esserghene, caserme no.

Iera el comando SS in una casa che la se trova sula strada per el sanatorio.

[Franco]

... e ghe iera sicuro anche una caserma dei carabinieri (anche se no so se la iera dove che la xè ogi, vizin Aurisina cave, o se da un altra parte...)

[carsolin]

La caserma dei Carabinieri la iera dove che xe ogi el centro de igene mentale.

Franco visto che te son pratico, rivando da S.Crose prima del distributor a sinistra e dopo drito (no girar a sinistra verso la palestra). La strada xe a fondo cieco. Sula casa dove che xe el CIM se vendi 'ncora e segno de dove che stava l'insegna ovale dei CC.

[vorwaerts]

ciao Franco e Carsolin,

innanzituto grazie !
Poi volevo chiederghe se savè quale iera "la casa del Klop" (no son sicuro che se scrivi cussì nè se la esisti ancora). Doveva eser una vecia casa de aurisina, adibida a comando militare.

[carsolin]

Se no me ricordo mal, el comando SS iera in una casa sula strada per el Sanatorio, saria la seconda casa a sinistra andando verso stazion, dopo el viale (quel che riva su de piaza e xe normalmente serà in zima).

Un altro posto dopra dai nazi stava indove che deso ghe se la botega de straze "Span", difronte al monumento ai caduti. La ghe iera anche la stazion dela Kuk Gendarmerie fino al 1918.

La casa del "Klop" (che vol dir zeca) dovesi eser dove che ghe iera apunto l'osteria de Klop (nomignolo dela familia). Co se riva in piaza a Aurisina se gira a destra per la stradine che xe tra la paneteria Jazbec e el negozio de casalinghi Golemac. Se no te giri te finisi in pien in tel porton dela ex osteria "Klop"

[vorwaerts]

Grazie carsolin !

[Franco]

Se no me ricordo mal, el comando SS iera in una casa sula strada per el Sanatorio, saria la seconda casa a sinistra andando verso stazion, dopo el viale (quel che riva su de piaza e xe normalmente serà in zima).

Ma te son un carsolin de Aurisina per saver cussì ben tute 'ste robe?!?!

Ciao Franco

[sbriso]

Una specie de casermetta te la trovi sul "sentier della Salvia", quel che cori parallelo ala ferovia, tra la scola media de Aurisina verso Santa Croce...

All'altezza del stabilimento dei filtri del acquedoto (che xè a destra, andando verso Trieste), ghe xè sula sinistra un edificio semi-dirocà.

Insoma, più o meno qua:
http://maps.google.com/maps?f=q&hl=it&g ... g=aurisina

Le scritte che xè dentro sui muri fa capir che iera una casermetta.

Magari ala prima ocasion paso a scatar qualche fotografia.

Ciao a tuti;

dei interni gavevo fato tempo fa un poche de foto e le gavevo postade in un forum de militaria che no'l esisti più, domandando illuminazioni. Oltre ai disegni del Re e del Duce iera tuta una serie de graffiti de argomento cavalleria più el stemma del Rgt. Nizza Cavalleria completo de motto, che però iera stà in zona solo de pasagio in aprile del '41 al tempo dell'invasion dela Jugoslavia. Ala fine xe vigniù fora che ala fine del '42 iera stado formado, con funzioni antisbarco, un "Gruppo squadroni appiedato" Nizza Cavalleria fato con personal richiamado dele classi anziane.

Co torno a casa doman matina vedarò de meter le foto fate quela volta.

[AdlerTS]

Ottimo grazie

[sbriso]

Come dito, eco le foto, fate nel giugno 2006:

[sbriso]

seconda parte:

[AdlerTS]

El simbolo riportado da

http://www.museocavalleria.it/Scuola%20 ... /Nizza.htm

xe questo

[Franco]

Grazie a Sbriso per le informazioni e le fotografie.

Una curiosità: come te ga fato ad andar dentro?
La porta xè serada con un lucheto (simbolico, ma romper un lucheto no xè bel...), le finestre gà le inferiate... se poderia entrar de sora la porta, ma bisogna eser mezi acrobati...
Mi me son limità a far le foto rampigandome sule inferiate, e restando fora...

[sbriso]

Grazie a Sbriso per le informazioni e le fotografie.

Una curiosità: come te ga fato ad andar dentro?
...

Mi me son limità a far le foto rampigandome sule inferiate, e restando fora...

apunto ...

[babatriestina]

confermo che la porta xe serada, ma le finestre xe averte, con inferriate senza vetri, le xe a pianoterra, per cui basta pozar la macchina e scattar. Gavessi fatto anche mi oggi, solo che la luce iera pessima ( mace de sol e i graffiti in ombra) e gavevo solo che el telefonin. Per cui gnanche ve posto, che le xe molto pezo de quel che gavè messo qua. ( in cambio, el sentier xe ben riparado dela bora )

[sbriso]

Per chi se interessa a 'ste robe segnalo questo sito; metendo po' come criterio de ricerca Trieste, o Carso, o Istria, e strenzendo al sottoforum "fortificazioni militari" vien fora interessanti interventi.

Se el fossi za stado segnalado, alora "repetita juvant" ...


PS: no sarà che qualchedun de noi (a parte mi) xe ativo anche là?

[babatriestina]

devo averle fatte a suo tempo, ma a desso i ga messo una cancellata che sera tuto