I stagni del Carso
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
I stagni del Carso
Go scoperto de recente che nela provincia de Trieste gavemo una quantita` notevole de stagni. Mi ghe ne conosevo tre...forsi quatro... ...inveze ghe ne gavemo 52 e ognidun ga el suo numero. Oltretuto gavemo anche dei lagheti che in realta` saria anche questi stagni (se considera la profondita` per definir un stagno o un lago) ma essendo piu` vasti se li ciama laghi e ghe ne xe 8.
Ma parlemo un poco dei stagni.
Le zone interessade xe (i numeri vizin corispondi al numero che i ghe ga dado al stagno):
Bagnoli della Rosandra N.1
Ternova Piccola N.2-42
Contovello N.3
Borgo Grotta Gigante N.4
Percedol N.5
Colludrozza N.6
Rupingrande N.7-10-45-51
Zolla di Monrupino N.8-14-15-50-52
Banne N.9
Trebiciano N.11
Sagrado di Sgonico N.12-46-47
Sgonico N.48-49
Rupinpiccolo N.13
Basovizza N.16-17-18-19-24
San Lorenzo N.20-21-25
Gropada N.22-23
Conconello N.26
Pese N.27
Grozzana N.28-29-30
Aurisina N.31-35-36
Medeazza N.32-37
Slivia N.33-34
Malchina N.38-40
Ceroglie dell'Ermada N.39
Samatorza N.41
Sales N.43
Villa Opicina N.44
Da quando che i li ga acatastadi e numeradi pol esser che qualchedun se gabi suga` o adiritura intera`. Iera anche altri che se ga suga` durante i primi ani del 1900 (no i xe tra quei numeradi).
Nei ultimi ani certi stagni xe stadi netadi, curadi, ripristinadi (dai tutori dei stagni), altri inveze xe abandonadi a se stessi sconti dala selva e dificili de trovar.
Ma parlemo un poco dei stagni.
Le zone interessade xe (i numeri vizin corispondi al numero che i ghe ga dado al stagno):
Bagnoli della Rosandra N.1
Ternova Piccola N.2-42
Contovello N.3
Borgo Grotta Gigante N.4
Percedol N.5
Colludrozza N.6
Rupingrande N.7-10-45-51
Zolla di Monrupino N.8-14-15-50-52
Banne N.9
Trebiciano N.11
Sagrado di Sgonico N.12-46-47
Sgonico N.48-49
Rupinpiccolo N.13
Basovizza N.16-17-18-19-24
San Lorenzo N.20-21-25
Gropada N.22-23
Conconello N.26
Pese N.27
Grozzana N.28-29-30
Aurisina N.31-35-36
Medeazza N.32-37
Slivia N.33-34
Malchina N.38-40
Ceroglie dell'Ermada N.39
Samatorza N.41
Sales N.43
Villa Opicina N.44
Da quando che i li ga acatastadi e numeradi pol esser che qualchedun se gabi suga` o adiritura intera`. Iera anche altri che se ga suga` durante i primi ani del 1900 (no i xe tra quei numeradi).
Nei ultimi ani certi stagni xe stadi netadi, curadi, ripristinadi (dai tutori dei stagni), altri inveze xe abandonadi a se stessi sconti dala selva e dificili de trovar.
- babatriestina
- senator
- Messaggi: 41464
- Iscritto il: dom 25 dic 2005, 19:29
- Località: Trieste, Borgo Teresiano
Oviamente la stragrande magioranza dei stagni carsici xe artificial, perchè i devi impermeabilizzar el fondo che el tegni l'acqua. una volta i serviva per abeverar le bestie al pascolo, e altri per aver l'acqua dele iazere ( quele per far el iazzo prima dei frigoriferi). Adesso i li lassa per le bestie spontanee aquatiche, per abeverar la fauna e come che te disi ghe xe apunto sti gruppi che li metti in ordine.
Po ghe xe le vaschette de raccolta, conche nela piera bianca per ingrumar l'acqua piovana, che paressi del tuto naturali se no se vedessi su un canton speso una chiusura de cemento e magari el anno. De queste esisti anche catasti, e ghe ne xe tantissimi. Andando in giro con gruppi de appasionai capita de vegnir portadi a visitarli.
Un stagno conossudo xe presempio quel de Colludrozza, in primavera se trova rane e rospi che se accoppia, ecolo qua:
e ecote una vaschetta, data 1948
Po ghe xe le vaschette de raccolta, conche nela piera bianca per ingrumar l'acqua piovana, che paressi del tuto naturali se no se vedessi su un canton speso una chiusura de cemento e magari el anno. De queste esisti anche catasti, e ghe ne xe tantissimi. Andando in giro con gruppi de appasionai capita de vegnir portadi a visitarli.
Un stagno conossudo xe presempio quel de Colludrozza, in primavera se trova rane e rospi che se accoppia, ecolo qua:
e ecote una vaschetta, data 1948
Gavevo leto dele vasche ma no le gavevo mai viste e no savevo quanto grandi le podeva esser...no par 'ssai.
Un stagno che me par che sia natural xe quel de Sales, lo go visto l'altra domenica e i sta ancora finindo de tirar via i rovi. I me ga dito che quela pianta che cressi sula superficie del'acqua e che ga foiete picolissime, la xe pericolosa perche` ghe impedissi a l'acqua de gaver bastanza ossigeno e quindi xe pericoloso per le bestie che vivi nel stagno.
Un stagno che me par che sia natural xe quel de Sales, lo go visto l'altra domenica e i sta ancora finindo de tirar via i rovi. I me ga dito che quela pianta che cressi sula superficie del'acqua e che ga foiete picolissime, la xe pericolosa perche` ghe impedissi a l'acqua de gaver bastanza ossigeno e quindi xe pericoloso per le bestie che vivi nel stagno.
- babatriestina
- senator
- Messaggi: 41464
- Iscritto il: dom 25 dic 2005, 19:29
- Località: Trieste, Borgo Teresiano
Orpo...no lo gavevo riconossudo, el xe tuta un'altra roba adesso va ben che el iera iazado....babatriestina ha scritto:credo che sia quel che go postado, i lo ciama stagno de Colludrozza ma el xe rente de Sales, fra i do paesi.granzo ha scritto: Un stagno che me par che sia natural xe quel de Sales, lo go visto l'altra domenica e i sta ancora finindo de tirar via i rovi..
Oviamente natural xe Percedol
Comunque i me ga conta' che una volta iera un torente che vigniva zo del monte e che finiva in quel stagno e lo alimentava....
Insoma te disi che el xe artificiale ?
- babatriestina
- senator
- Messaggi: 41464
- Iscritto il: dom 25 dic 2005, 19:29
- Località: Trieste, Borgo Teresiano
nol me ga de artificial.. el xe tropo iregolar.. artificial me ga quel de Basovizza, o questo de Banne (Bani per el nostro filologo poliglotta Adler )granzo ha scritto:Orpo...no lo gavevo riconossudo, el xe tuta un'altra roba adesso va ben che el iera iazado....babatriestina ha scritto:credo che sia quel che go postado, i lo ciama stagno de Colludrozza ma el xe rente de Sales, fra i do paesi.granzo ha scritto: Un stagno che me par che sia natural xe quel de Sales, lo go visto l'altra domenica e i sta ancora finindo de tirar via i rovi..
Comunque i me ga conta' che una volta iera un torente che vigniva zo del monte e che finiva in quel stagno e lo alimentava....
Insoma te disi che el xe artificiale ?
Ah, gavevo capido mal pensavo che te me disessi che anche quel de Sales iera artificiale ....per quel de banne concordo, el xe artificiale dato che i ga taca' le piere in tondo . Quel de Basovizza no lo conosso, pero` in primavera podessi andar a visitar un pochi de stagni e farghe anche le foto magari. Xe sempre qualcossa de novo de far .babatriestina ha scritto: nol me ga de artificial.. el xe tropo iregolar.. artificial me ga quel de Basovizza, o questo de Banne (Bani per el nostro filologo poliglotta Adler )
- sum culex
- no montar in scagno
- Messaggi: 5946
- Iscritto il: ven 20 gen 2006, 15:45
- Località: Trieste - Rozzol
laghettodi Contovello
Soto Contovel ghe xè un lagheto che penso sia natural. Dentro ghe sè iris de acqua e ninfee. Poco più in zo parti un antico sentier, ogi restaurado, che va fin a Miramar. Una volta el partiva de Prosecco, ogi el toco che va da un pozzo, ormai suto e in disuso (me par che se vedi ancora un residuo dela pompa che serviva per tirar su l'acqua) fin Prosecco el xè inagibile, xè tuta una graia de more de spin (rovi). Farlo per in su el xè bastanza fadigoso per un vecio come mi: xè salite e scale, ma farlo per in zo se va facile e la passegiada xè veramnete interessante, più che pei panorami, prprio per l'aspetto del senetier stesso.
Ve meto un per de foto del lagheto, dei fiori che ghe xè sula sponda e del sentier.
Ciao
sum culex
Ve meto un per de foto del lagheto, dei fiori che ghe xè sula sponda e del sentier.
Ciao
sum culex
- babatriestina
- senator
- Messaggi: 41464
- Iscritto il: dom 25 dic 2005, 19:29
- Località: Trieste, Borgo Teresiano
- babatriestina
- senator
- Messaggi: 41464
- Iscritto il: dom 25 dic 2005, 19:29
- Località: Trieste, Borgo Teresiano
Scorrendo le mie foto, go trovado una del stagno de Basovizza, iazzado, el gennaio de l'anno scorso. Xe un punto che se passa spesso, o per andar a correr in boschetto o per ciapar el sentiero n 3, o per visitar la landa carsica sotto del Concusso..
un dei problemi de zerti laghetti, soprattutto quei in zone meno fredde, xe che la gente ghe buta dentro la tartarughe, cocole bestie, ma le fa strage dele bestie che dovessi viverghe là naturalmente, insoma no xe bon per el ecosistema, a dirla tecnicamente.
un dei problemi de zerti laghetti, soprattutto quei in zone meno fredde, xe che la gente ghe buta dentro la tartarughe, cocole bestie, ma le fa strage dele bestie che dovessi viverghe là naturalmente, insoma no xe bon per el ecosistema, a dirla tecnicamente.
- sum culex
- no montar in scagno
- Messaggi: 5946
- Iscritto il: ven 20 gen 2006, 15:45
- Località: Trieste - Rozzol
Recupero laghetti carsici
Vizin Basovizza sula strada de Sesana i sta lavorando per recuperar un vecio lagheto 'Babni kal'
Speremo che i fazi el stesso lavor anche per altri.
ciao
sum culex
Speremo che i fazi el stesso lavor anche per altri.
ciao
sum culex
- babatriestina
- senator
- Messaggi: 41464
- Iscritto il: dom 25 dic 2005, 19:29
- Località: Trieste, Borgo Teresiano
- cenerentola82
- ixolan
- Messaggi: 290
- Iscritto il: mer 4 gen 2006, 13:14
- Località: Quel che resta de TRieST(e)
-
- vilegiante
- Messaggi: 107
- Iscritto il: gio 12 gen 2006, 22:17
- Località: Roma
Partendo dalla pagina precedente
http://iono.ictp.trieste.it/stagni/
se ga accesso a tutti i documenti publicadi fin al 2004, che me par mancanti sul sito ufficiale http://www.zoneumide.org/
http://iono.ictp.trieste.it/stagni/
se ga accesso a tutti i documenti publicadi fin al 2004, che me par mancanti sul sito ufficiale http://www.zoneumide.org/
Salute e bori, e altro no ocori
- sum culex
- no montar in scagno
- Messaggi: 5946
- Iscritto il: ven 20 gen 2006, 15:45
- Località: Trieste - Rozzol
Stagni carsici
Un per de giorni fa semo andai a far quatro passi (ma forsi i passi iera solo due) nela landa soto el Cosusso e go visto una roba che, pur essendo passà de là parecchie volte, no gavevo mai notà: un stagno carsico.
Se no fussi stà per un cartel che i ga messo per segnalar el restauro de sto stagno e che me go incuriosì e son andà vizin per leger, no lo gavessi visto gnanche sta volta.
De drio, ma no go fotografà perchè le condizioni de luce no permeteva che vignissi fora qualcossa de decente, ghe xè un altro buso circolare ma coi muri de sostegno verticali de piere squadrade. No'l xè assai profondo, ma poderia esser che in origine el fussi stà assai de più e che ogi el xè mezo pien de frasche, foie e tera. Podessi esser stada una iazera come quela che xè fotografada e de cui xè stà ilustrà el funzionamento in 'Paesi carsici/Draga-S.Elia'. Chissà se qualchedun ga voia de andar a veder e dar un giudizio?
Eco due foto del stagno N.24 e del cartel
Ciao
zoom culex
Se no fussi stà per un cartel che i ga messo per segnalar el restauro de sto stagno e che me go incuriosì e son andà vizin per leger, no lo gavessi visto gnanche sta volta.
De drio, ma no go fotografà perchè le condizioni de luce no permeteva che vignissi fora qualcossa de decente, ghe xè un altro buso circolare ma coi muri de sostegno verticali de piere squadrade. No'l xè assai profondo, ma poderia esser che in origine el fussi stà assai de più e che ogi el xè mezo pien de frasche, foie e tera. Podessi esser stada una iazera come quela che xè fotografada e de cui xè stà ilustrà el funzionamento in 'Paesi carsici/Draga-S.Elia'. Chissà se qualchedun ga voia de andar a veder e dar un giudizio?
Eco due foto del stagno N.24 e del cartel
Ciao
zoom culex