Buon Giorno!

[Piereto]

Intanto per sta esta' i devi rifar tuta la passeggiata, e rifar i muri andai zò, e la diga frangiflutti, coi bori de la regione, cioè noi buta zò niente. Po' se vedera'......

[babatriestina]

e oggi legevo de demolizioni in riva per el parco del mar..

[babatriestina]

Un per de giorni fa do muli xe stai investidi de un autobus in barriera e i xe in ospedal... e i xe passai col rosso.
Eco, mi passo assia spesso de là. in media almeno una volta al giorno e conosso la zona e i semafori. ma direi che le riflessioni riguarda un poco anche altro.
Mi stago in città, go gambe bone e go una machina che tegno in garas. Fin mezo secolo fa, se se moveva bastanza ben in città cola machina, po i automobilisti ga continuado a aumentar sempre piùe i posti a scarsegiar. la gente va in machina e non vol pagar el parchegio, cussì i se ferma indove che ghe fa comodo e in parte deventa " sposnor" del Comun viste le multe che i paga. Contenti lori... ma per moverse in cità ga senso solo se se va de un logo che se pol parchegiar a un logo che se pol parchegiar. El Pam, i Lidl.. ga boni parchegi, per dir..
ben bon mi ormai diria che vado el 70% a pie, el 20% in bus- se xe più lontan- e el 10% in machina ( se devo protar qualchedun o roba ingombrante).

de pedon vedo i semafori: quasi tuti ga un verde pedonal dei 6 ai 10 secondi, un gialo sui 10 secondi e un rosso de un minuto. ( salvo qualche semaforo de eccezion, i mii preferiti). Questo vol dir che se te vedi verde pedonal, tanto che te rivi deventa rosso, e te speti. fermo, sul canton, in estate col sol che te bati in testa, in inverno con bora o piova. Dove che xe un flusso continuo de auti, tipo via carducci, xe ovio che no resta che spetar... ma xe altre strade che le machine passa una volta ogni morte del papa, te son là, xe rosso e no passa nissun... una volta iera solo strisce pedonali, cussì el singolo automobilista che rivava ralentava e se fermava, po - per sicurezza!- i ga messo semafori. per dir, el sbocco de via Felice venezian in Cavana.

el principio de sti tempi xe che te devi far scorer el trafico machine, i pedoni se va a pie xe dei perditempo che pol spetar. Adesso i parla de meter limiti de velocità a 30 al ora in cità, ch e po se xe una strada con passaggi pedonali xe el caso de andar pian che no salti fora el pedon per dir, via Giulia. i xe za che i rugna che a 30 noi pol andar, che bisogna sbasar le marce, che magna benzina...

rivemo al caso de Bariera: xe tre corsie tipo autostrada per machine in un verso e una per bus nel altro. Co passsa tute le machine xe un flusso continuo e solo qualche kamikaze pol voler risciar de passar in mezo a al trafico. Po se li vedi fermarse tuti, xe rosso per tuti ma quel in tuti i semafori xe un momento che xe rosso per tuti, xe fato per qui che brusa el gialo, che no ghe rivi dosso quei dela direzion perpendicolar partidi a razzo. i pedoni vedi che i se ferma, pensa che sta per scatar el loro verde ( che xe meo ciapar subito perché spesso deventa gialo prima che te finissi de traversar..). e inveze no!!! xe verde per la corsia dei bus. Che no xe un flusso continuo, ma xe tanti ( le 20--- 21...) e no go capido el senso de lassarghe un momento de verde solo per lori. E a sto punto disemola: i autisti de bus gaverà de rispetar el orario, ma assai spesso e volentieri i accelera sul gialo per brusarlo e quanche volta i passa anche col rosso. E nassi el patatrac.

ma ve conterò anche una mia esperienza: mi stavo andando e ametto che iero distratta, vedo la strada libera, e meto un pie zo del marciapie: cola coda de ocio vedo el bus che riva de balin, e salto indrio sul marciapie. No ga bastado: el spostamento de aria me ga ciapada e me ga fato sbater el comio sul a portela del bus. Gnente de grave, el bus se ga fermado per domandarme se me go fato mal, mi preocupada per lu ghe go dito no la se preocupi, solo un colpetto: un colpetto, ma ma comio indolenzido per un per de giorni e bel livido blu.. de quela volta go capido che con sti bus de corsa sula loro corsia meo star lontani anche del bordo del marciapie a spetar el verde!

[Piereto]

Sucedi sempre tanti incidenti in strada perché xe sempre più momoli in giro e che xe dei limiti che no vien fati rispetar. Se su una strada xe el limite de 80 e momoli va a 100, nasi l' incidente , e eco che i te metri el limite de 50 , e po', sarà lo stesso un che va a100 e tuti i altri che va 70 o 80. Cusi' el limite de 50 in cità el xe giusto ma siccome che xe i momoli che noi rispetta , tacchete te riva el limite de 30 che xe dificile de rispetar. Se riva cusi' ai inasprimenti perché no vien fato rispetar el divieto originario. I romani diseva dura lex sede lex.

[babatriestina]

spieghime perchè su strade cittadine, piene de semafori, de incroci, de attraversamenti pedonali,de fermate bus che no te pol superar perché la strada xe strenta e te devi spetar drio.. de rotonde.. cola machina xe " dificile de rispetar" No digo i 30 messi in Costiera vizin de un cantier magari inattivo, ma in città che xe facile che te se devi inciodar per lassar passar qualchedun.

[sono piccolo ma crescero]

Un per de giorni fa do muli xe stai investidi de un autobus in barriera e i xe in ospedal... e i xe passai col rosso.
Eco, mi passo assia spesso de là. in media almeno una volta al giorno e conosso la zona e i semafori. ma direi che le riflessioni riguarda un poco anche altro.
.....

Tranquilla, hanno dipinto sui marciapiedi degli avvisi di stare attenti ... In inglese! Che sia per el TLT?

[Piereto]

Mi credo che el limite originario de 50 in città iera lasado al bon senso del guidator. Certo xe cità co strade strete e larghe, rotonde, sensi unici, semafori, attraversamenti pedonali,e ore morte in cui circola solo pochi auti e pedoni. Xe che se ga perso el buon senso. Mi diria de lasar i 50 e meter inveze tante cunette cusi' a chi che cori ghe se rompi l' auto. Certo costa de meno un cartel de 30. Cusi' anche la superstrada, la xe stada calcolada co le curve ampie perché te posi anche andar in sicureza a 100, ma mancando el buon senso qualchidun la ciapa per una pista. Xe aumentadi i momoli.

[sono piccolo ma crescero]

Xe aumentadi i momoli.

Xe atribuita a Ludwig Boltzmann, grande fisico nato a Vienna nel 1844 e morto, suicida, a Duino nel 1906 mentre che el iera in vacanza, la famosa frase

“La somma dell'intelligenza sulla Terra è costante; la popolazione è in aumento.”

[babatriestina]

Xe che se ga perso el buon senso. Mi diria de lasar i 50 e meter inveze tante cunette cusi' a chi che cori ghe se rompi l' auto. Certo costa de meno un cartel de 30. Cusi' anche la superstrada, la xe stada calcolada co le curve ampie perché te posi anche andar in sicureza a 100, ma mancando el buon senso qualchidun la ciapa per una pista. Xe aumentadi i momoli.

qua le cunette i le ga messe solo che sula strada del sincrotrone e te assicuro che se no te va a 30 te se scassi le balestre. Ma i diseva che no se pol o no se vol per no impedir ai mezzi de emergenza de corer. Chissà come che fa el resto del mondo che le meti..

La superstrada par che sia meno super de quel che i disi e forsi xe el fondo stradal o altro, ma co i andava svelti iera tanti incidenti. El wiz iera de andar via lissi senza semafori o rotonde che te ralenti.

[Blues Briso]

Se no me sbaglio, xe nel 1922 che Le Courbusier dopo aver visto Venezia, el ga inteso che la iera una cità dove no se incrosa el trafico coi pedoni; el ga teorizà la sua cità ideale dove strade e pedoni se trova su livei diversi. Ma no se pol adatar quei principi su robe esistenti, purtropo se va vanti con paliativi. I dossi singoli per ralentar no li vedo de bon ocio depertuto. Piutosto una serie de ralentatori che te rendi penoso ndar a velocità sostenuda. El dosso singolo xe pericoloso se no te lo vedi (perché le striche se ga scancelado, perché i ga pena asfaltado...)

[Piereto]

Un novo argomento de sti giorni xe : riciclo o riuso ? L' Italia xe maestra e al primo posto in EU per el riciclo, con metodologie e macchinari nostrani, e quindi per no dover dipender in UE da noi, ecco che bisogna ridimensionarne e i tira fora el riuso. Sicome che el mondo va avanti sempre co la scelta del spendo meno e cusi' guadagno de più, el riuso xe sta abandonado perché el iera più caro. Per esempio el ritiro del vetro o de la plastica costava de più che no sfornar tochi novi co materiale de ricupero. Per plastica e vetro se devi ogi impizar de novo i forni e quindi se devi doprar tanto petrolio o gas che una volta prima de la guerra iera a bon merca'. Quindi metemo in conto anche questo.

[Piereto]

La gavemo scampada, poderemo continuare a produr imballaggi.
No magneremo in Italia carne sintetica. I la ciama coltivata, cioè i ciapa de le celule embrionali, po' i le alimenta con ? un intruglio, i disi biologico, cioè ricavato chi sa come, e dopo aver creado qualche milion de cellule ,te ga la carne. I disi che cusi' te risparmi tanta CO2 e non te copi le bestie. Ma produr la brodaglia? Chi controlla che no sia ricavada dal petrolio, co profumi e conservanti, e po' el costo senza concorrenza perché la xe brevetada. Un vero afar miliardario. Xe come le sementi OGM de la Monsanto, che te tocca comprar ogni volta che te le semini. Grazie ne femo a meno.

[Ciancele]

Fioi, stamatina ga nevigà. Le strade xe nete, ma dove che xe erba xe 'ncora un poco de neve. E i teti dele machine. Domani me tocarà "spalar" neve par netar l'auto.

[Piereto]

Davvero una bella notizia, el comun tira fora un milione trecentomila euro per......una corsia per le bici che va da barriera fin in piazza foraggi su per viale Dannunzio. Però! Chi sa quanti che la adopererà.

[Piereto]

Legio che al comun i ga deciso de far un viale "monumentale" e un bosco tra i magazini in porto vecio, per la modica spesa de 40 milioni de euro. Forsi esisti dei alberi speciali che porta qualche foia de oro a 24 carati de cui no conosevo l'esistenza.

[Piereto]

Tornando a le bici in viale D'Annunzio per far la ciclabile sui marciapie i tirerà via do metri e mezo ai pedoni e sicome adeso xe postegiadi auti a petine, sparirà tanti postegi. Ora el piano bici nasi nel 2021, e le ciclabili nasi per tirar via da le strade un mezzo a trazione umana che va a meno de 20 km orari che intasasi el traffico dei auti. Ma oggi parlar co la posibilità de eletrificar la bici e fare meno fadiga e quindi superare i 20 all' ora, le bici pol tornar in strada. Quindi inutile far piste dove che no xe spazio. Anche i comercianti ga proposto una racolta firme per no farla. Https://form.jotfom.com/233303195286050

[babatriestina]

mi go come el idea che dele bici al comun ghe importi assai poco, ma che se no se fa piste ciclabili no se beca i bori dei fondi europei, perché de fondi nostrani no ghe xe gnanca ombra

[sono piccolo ma crescero]

Tornando a le bici in viale D'Annunzio per far la ciclabile sui marciapie i tirerà via do metri e mezo ai pedoni e sicome adeso xe postegiadi auti a petine, sparirà tanti postegi. Ora el piano bici nasi nel 2021, e le ciclabili nasi per tirar via da le strade un mezzo a trazione umana che va a meno de 20 km orari che intasasi el traffico dei auti. Ma oggi parlar co la posibilità de eletrificar la bici e fare meno fadiga e quindi superare i 20 all' ora, le bici pol tornar in strada. Quindi inutile far piste dove che no xe spazio. Anche i comercianti ga proposto una racolta firme per no farla. Https://form.jotfom.com/233303195286050

Me par che el link che te ga messo no funzioni.

[Piereto]

Si xe saltada una lettera. Https://form.jotform.com/233302195286050

[Piereto]

Speremo che el 2024 ne porti un poca de più sageza nei governanti citadini e che quando i decidi qualche cambiamento significativo dal punto de vista urbanistico, i pensi a far un referendum inveze de fidarse de qualche lobby de la magioranza. Qualchidun ga deciso che se devi far la ovovia, che el tran no pol pasar in porto vecio perche el rovina el parco alberato tra i magazini. Ogi ghe vien inamente de far una colineta al posto de la spianata ex tripcovich e alora vol dir che no ghe va de meter la el ursus che per qualchidun el xe bon solo de andar in fonderia.