Buon Giorno!

[Nona Picia]

Bona domenica! Ogi no posso verzer i scuri... i xe geladi e blocadi. Con la bora se no verzo le griglie no i sta inganzai i se sbati e i se spaca

[babatriestina]

te ga visto la calada de barometro ieri sera? el aviso del meteo per Trieste? la nave sula strada per Lubiana?... se prevedeva...

[Nona Picia]

Si, savevo...me imaginavo co ga cominciado a sufiar la temperatura xe andada in discesa libera

[babatriestina]

[Nona Picia]

Anche il mio é molto basso

[Ciancele]

Te ga visto la calada de barometro ieri sera? el aviso del meteo per Trieste? la nave sula strada per Lubiana?... se prevedeva...

Bongiorno a tuti. Go visto che zo ga nevigà un poco. Me ricordo de certe giornade de bora a Trieste, ma un boron de sburtar un bapor sula strada devi eser sta un record. Adeso se pol capir parchè i capitani dei bapori de crocera i ga paura a vignir a Trieste.

PS: Baba Triestina, scusa. Me xe scampà.

[babatriestina]

no go capido ben cossa che ghe n'entro mi coi vapori de crociera.. forsi ti te ga fato un'idea un poco strana de mi

[Ciancele]

No go capido ben cossa che ghe n'entro mi coi vapori de crociera.. forsi ti te ga fato un'idea un poco strana de mi

Go leto la nave sula strada de Lubiana. Forsi iera la neve. 'lora go capì mal. Scusa.

[babatriestina]

adesso vedo.. orpo sì xe proprio neve e no nave!!! la protezion civil sconsiglia de andar fora e la strada xe meza blocada dela neve, de quel che go visto dele foto de chi che ghe iera stanote e stamatina bonora!!

e allerta meteo dela protezion civil
Chiuse per neve le vie Commerciale, Scala Santa e Bonomea.
Via Carnaro presente neve in carreggiata, evitare il transito.
Attenzione ai marciapiedi ghiacciati in molte zone della città

[Nona Picia]

Mi go visto su tele4 che dà notizie in tempo reale o quasi e po' basta che guardo in giardin....

[Ciancele]

No go capido ben cossa che ghe n'entro mi coi vapori de crociera.. forsi ti te ga fato un'idea un poco strana de mi

Go pensà che se la bora sburta i bapori sula strada per Lubiana, quei de crociera ga paura vignir a Trieste par no vignir sburtai su qualche autostrada. Ma no te devi ciapar sul serio questa mia paura.
Mi vivo dei sbagli de scritura. Co' coregevo le boze i me pagava purtropo a pagina e no a numero de sbagli. I me salta subito inte l'ocio. Xe pratico ma xe bruto parchè no poso mai leger in pase gnente. Basta salute.

[Ciancele]

Bona domenica! Ogi no posso verzer i scuri... i xe geladi e blocadi. Con la bora se no verzo le griglie no i sta inganzai i se sbati e i se spaca

Co' iero putel 'iutavo con altri muli le vecete a traversar la strada gelada. Gavevimo un toco de saco soto le siole. Specialmente in via Crociferi che porta a piazeta Cornelia Romana el vento te sburtava in zo e iera caligo girar el canton. bei tempi. Quanto tempo xe pasà. (sospiron)

[babatriestina]

Go pensà che se la bora sburta i bapori sula strada per Lubiana, quei de crociera ga paura vignir a Trieste par no vignir sburtai su qualche autostrada.

che in tal caso saria insoma i Argonauti ala riversa... perchè la legenda disi che a un zerto punto che i stava tornando risalindo el Danubio, forsi ciapando suso per qualche affluente, i xe rivai a Lubiana, no so se xe lori quei che ga copado el drago, e po i ga messo la nave su rulli ( o qualche altro diavolez) e i la ga calada in Adriatico, come che xe anche nel quadro de Dall'Acqua a Miramar..

[Nona Picia]

Bongiorno a tuti.... e bona setimana! Come sta le varie gole amalade?

[oli1939]

bona settimana a tutti ...ande' a veder su arti figurative go segnalado una mostra de artisti triestini del primo 900. So che ghe piasi a tanti el periodo. La dura fin al 31 de genaio. La conossere za ma mi la torno a metter per memoria. Xe anche visite guidade come podere veder su arti figurative.
Auguri per i malai causa el fredo e come cura consiglio la solita del triestin: trappa e caldo! Ciao.

[babatriestina]

Bongiorno e bona Epifania.
Ve ricordo che qua a Trieste ogi xe el giorno dei Tre Re

Noi siamo i Tre Re
Venuti tutti tre
...
e per el resto ve rimando ala

( per chi che conta tante ciacole sul Nadal, ricordo che nei primi tempi cristiani no i festegiava el Nadal, ma come festa dela venuta de Cristo i festegiava el Epifania)

[Nona Picia]

Bongiorno a tuti! L'Epifania tutte le feste porta via.......bona ultima giornada de festa!

[Piereto]

A proposito de feste. Son andà co l'auto a san Giacomo dove che ghe vado sai de rado, e me son parchegià nel garage soto el campo san Giacomo. Per strada iera auto postegiade in divieto, ma go capì el perchè. Per 17 minuti i me ga fatto pagar 1 euro e 40. (probabilmente come se fusi una ora) So za che qualchidun dirà che se se devi spostar col bus. El teren xe comunale cioè de tuti noi, l'opera xe sta finanziada anche co soldi dei privati. Ma per l'ocupazion del suolo publico che xe nostro pago za la tassa de circolazion. Con 140 euro posso tignir ferma la macchina sulla strada pubblica per un anno mentre in garage posso starghe solo per 1700 minuti cioè per un poco più de 28 ore. Xe qualcosa che no va.

[babatriestina]

difati, anche mi son andada a san Giacomo. Cola 10. Ogi xe festa e un biglietto dura 4 ore. Costo: col bglietto pluricorse 1,215, andata e ritorno. Per tanti motivi go capido che la machina xe solo se propio no se pol far a meno. Quaranta e passa anni fa, che go cominciado a doprarla, iera diferente...
per le machine in divieto, po go notado una roba : giorni fa go ciolto la machian perché volevo averla pronta per tornar dopo la cena del 31 e de sera in quela zona xe pien, ben, zona Setefontane, pien de machine in dopia fila, e almeno tre posti liberi de parchegio normal. No i sa più parchegiar o no i se degna, lassandola come che ghe fa comodo?

[Ciancele]

Bongiorno e bona Epifania.
Ve ricordo che qua a Trieste ogi xe el giorno dei Tre Re

Noi siamo i Tre Re
Venuti tutti tre
...
e per el resto ve rimando ala

( per chi che conta tante ciacole sul Nadal, ricordo che nei primi tempi cristiani no i festegiava el Nadal, ma come festa dela venuta de Cristo i festegiava el Epifania)

Nela pagina del forum go fato un post e no so se se lo pol leger. Prego eventualmente de trasferirlo parchè go fato una domanda e me piasaria saver la risposta. Grazie.