Buon Giorno!

[Piereto]

Le piere in piazza Unità xe arenaria grigia istriana bella de veder ,tinta omogenea, ma sai tenera, e difati se ga visto. Gavemo anche visto come che i ga fato la pavimentazion, fazendo tuto el fondo con rete metallica e cemento senza nisuna fessura o giunto per far respirar el teren che el ga sempre una sua quantità de aqua e quindi el se movi al variar de la temperatura. Le altre arenaria doprade in tante zone pedonali le xe Inveze diverse per color e per robustezza. I masegni veci ex au, i ga un spesor che va dai 25 ai 30 cm. Ben diversi dai 5 cm de spesor de le arenarie odierne. E de sora i iera levigadi all'inizio ed soto no, tutti con taio iregolare per posarse ben su la sabia. Ogni se te li dopri de novo te li devi devi levigar de sora. In piazza cavana i li ga lasadi come che i li ga trovadi con un bel risparmio per le scarsele, ma ogi xe dificele caminarghe.

[sono piccolo ma crescero]

Ieri go spetà invano.

Cosa go spetà?

Che Ciancele ne ricordassi che xe el giorno de "Ei fu" e dei Mille. E inveze gnente. Ciancele te se devi coverzer la testa de cenere...

[babatriestina]

I Mille no li ricorda ormai nissun, se no in general per " parlar mal de Garibaldi" che xe deventado de moda.
Ei fu se ricorda tuti quei ( veci) che li ga studiado a scola, ma de quel che lo leto sul web i sa solo che Napoleon xe morto el 5 magio e che el ga portado opere d'arte italiane al Louvre ( la Gioconda no! quela la ga venduda Leonardo in persona in Francia ) senza pensar che presempio anche la pinacoteca de Brera xe stada fatta principalmente con spostamenti napoleonici de roba che a Milan no iera.. credo che no i sapi gnanca che Napoleon xe stado sepolto in Francia solo parecchi anni dopo, ai tempi de Luigi Filippo. Qualchedun se ricorda anche dela campagna de Russia..

[Piereto]

Volesi veder cosa nasesi se la storia i la insegnasi col senno di poi, cioè no andandoghe drio le ideologie che ga fato scriver i libri de storia. , ma seguindo inveze i interessi finanziari. I mille xe stadi finanziadi dai inglesi e francesi perchè el regno de le do sicilie iera soto l'influsso austriaco, e el stretto de sicilia doveva eser libero per le navi de guera franco inglesi perchè iera de controlar meio el mediteraneo e rivar al vicino oriente onde impedir che i russi ghe metesi el naso. E quindi ocoreva costruir una unità nazionale italiana soto i savoia francesi. La guera otocentesca de Crimea 1853 xe stada fata per impedir che la russia rivassi a costantinopoli, difati l'Austria iera neutrale. El canal de suez xe sta voludo dai francesi per rivar prima al oceano indiano e partecipar prima dei inglesi de la compania de le indie , a la spartizion de l'africa. Xe interesante veder come anche l'Austria coi capitali de Revoltella, la amicizia de Von Bruck che iera da ultimo ministro de l'economia, fondator del lloyd e i interessi de le Generali, ga dado una man a la cosruzion del canal , anche coi calcoli de Negrelli che iera anche lu austriaco. El 56% del capitale azionario de 20000 azioni, del canal, iera proprietà de la compania del canal , ma no go rivado a trovar quante che iera le azioni in man de Revoltella. Fatto sta che i inglesi de la CitY, a protezion de la loro compania delle indie, no ga partecipado a la costruzion del canal. El primo piroscafo a pasar per el canal iera francese co Lesseps e la imperatrice Eugenia e el secondo iera el piroscafo Greif co su Franz Josef.