Buon Giorno!

[Piereto]

Ve sarà capitado anche a voi dopo che gavè consultado una pagina de un motor de ricerca proprio per far una ricerca, che dopo ve rivi su la posta decina de siti che parla de quel argomento che ve interessava. Blog dai nomi più fantasiosi de cui no se sa chi che ghe xe de drio , quanta cultura o conoscenze i posiedi, e ve sarè anche acorti che i vol che ve iscrivè o che metè el like e magari ghe xe anche tacada de la publicità. El più de le volte i parla de aria frita, de una mosca vien fora un elefante. opur i parla solo per parlar. Eco in un mondo de scarsamente acculturati xe nati i influenzer , tutologhi co la massa de followewrs al seguito. Ecco tizia ga scelto sto prodoto , la va in giro conzada cusì , la ama sto cantante o sto spettacolo, e la xe anche pagada per dir che tuto va ben. Eco una bela umanità manovrabile e do veci che no ghe credi.

[sono piccolo ma crescero]

Un po' di pubblicità per la categoria: domani festa dei nonni!!!

[Piereto]

Le libeciate e l'aqua alta ne meti in ginocio, no xe una roba de ogi, ma de sempre a Trieste. Una volta iera la colma che rimontava fin in piaza Cavana e dentro le saline fin in piaza de la legna. L' Austria ga inalzado tute le rive, ogi bisogna che borgo teresiano e cità vecia adoti i scarichi sifon e pompe, in modo che la marea alzandose no la vegni suso. Ai ani cinquanta risalì i frangiflutti a Barcola uno dei ultimi lavori del TLT , fati coi scoi de la cava de Sistiana. Oggi no i esisti più e i rsultati se vedi. Però qualchidun volessi riprogetar le rive a Barcola, inveze de una manutenzione che no xe.

[babatriestina]

in zenocio...

[Piereto]

Go leto de qualche parte che la rivoluzion green no se pol fermar . Ma a mi me par che inveze la se fermerà de sola. I cita spesso la Norvegia come un esempio de auti quasi tuti elettrici, e che la roba xe stada acetada ; facile per un paese de 8 milioni de abitanti co un tenor de vita alto, che ga però petrolio e gas che che vanza e centrali idroeletriche . I xe pasadi all' elettrico perché costava de meno e no te pagavi bollo, adeso xe tornade le tasse, e i pianzi de no aver tignudo le auto a combustion. No parlemo qua ne del peso de 500 chili de batterie de portarse drio ne del fato che produrle e smaltirle sarà in man de do de lori che gavera' el monopolio e quindi te ricatera' coi prezzi.

[babatriestina]

come sempre i primi esemplari xe complicai ,cari e no sempre efficienti. Se xe una bona idea, i troverà come far meio.

[Piereto]

La solita manutenzion che no se fa. No esendoghe più operai comunali, bisogna far un appalto a privati, e quindi controlli e tempi biblici. Viva la privatizazion. Per cui xe tuto un rinvio, cusi' oggi casca intonaci in galleria Sandrinelli. Gavemo marciapie in tante zone cittadine che se sfregola, ma xe più importante l' ovovia e se perdi tempo e bori e semo sempre noi che tiremo fora i schei.

[babatriestina]

ah eco perché il a gaveva serada un poco.. e galeria de Piazza Foraggi, no xe ancora finido, i la sera ancora per un poco..

[Piereto]

Cambia la stagione, e a volte ritornano vecchie idee. Una la stiamo sperimentando e cioè quella del collegamento della teleferica barcola altopiano. Ritorna anche l'idea di levare i mezzi pubblici da via mazzini creando un grande ring , cioè un centro super pedonale L'estensore dell'articolo sul Piccolo dice che " è necessario farlo , e che come è ora via Mazzini non serve a nessuno". Immagino che sindaco e assessore condividano anche questa idea come l'ovovia. Beninteso io sono per il quando se pol, poi se vol. Ma non si tiene mai conto della varietà territoriale. Molti sono stati colpiti dal balzo in avanti del turismo locale dovuto però ad una favorevole congiuntura turistica marittima ......, che si concluderà ahime molto presto con il ritorno delle navi bianche a Venezia. Quindi i frontalieri abituali potrebbero tornare ad essere gli acquirenti di domani sempre che non esistano marchi italiani o stranieri a casa loro. Poi via Mazzini serve tantissimo alla città per il trasporto pubblico ed è sempre piena di autocarri che scaricano le loro merci per rifornire i negozi. Vi immaginate il corso con altre quattro linee di bus transitanti più le auto del ring, permanendo poi la strozzatura di via Canal piccolo (una sola corsia) e la confluenza delle auto e bus dalla galleria Sandrinelli. Idee di stagione che come i mali di stagione poi passano.

[sono piccolo ma crescero]

Idee di stagione che come i mali di stagione poi passano.

Per fortuna, però, che ghe xe altre idee che resta ferme, come el tram de Opcina

[Piereto]

Recentissima intervista a dp. El vol far una doppia corsia dal bivio de Miramar fin la pineta , eliminar i 10 topolini e butarse infora sul mar per una sesantina de metri co una maxi diga de scoi a protezion. Logicamente par che el gabi za richiesto i permessi al demanio. Una altra idea meza mata. . Ma se za adeso appena che te entri in aqua de ga l' aqua alta 3 metri. Andando sesanta metri in fora vol dir che te entri in aqua con un fondal de 8 metri. Po' gavemo adeso un bellissimo e ombroso viale de pini che spariria per dover spetar altri 40 ani che cresi una nova pineta su un teren de imbunir. Tuto po' per rivar prima da la sua casa de Grignan in piaza unità. No go parole.

[babatriestina]

fra poco el se farà un piramide

[Blues Briso]

Go leto deso el post de piereto su via Mazzini, e me xe vignù in amente che co el gaveva vinto contro jlly, pasava su telequattro el suo spot dela campagna elettorale che mostrava i lavori delle "rotaie" de stream in via Mazzini, come se fosi stade de intrigo. In fati col xe sta eleto la vicenda stream xe morta e sepolta.
Quindi no se pol dir che no el xe coerente: dopo tanti ani el vol ancora liberar via Mazzini da chi che intriga...

[Piereto]

Stream no iera tanto mal come idea, xe i costi che ga blocado l' idea. Anche ogi parlar de far una nova linea de tram in cità no xe solo far una masiciata e po' le traversine e le rotaie ma bisogna rinovar tuti i tubi de aqua luce e gas che passa sotto e ligar la masiciata stradale a quela tramviaria con una importante intelaiatura come che go visto fare una decina de anni fa a Vienna. Po' el tram co pasa nianche te lo senti e no trema.

[Piereto]

Sembra che i sogni de dp i giri sempre intorno ai afari per botegheri. Cusi' in una altra intervista el ga parlà dei silos ferroviari e de via Gioia che la xe stada comprada e diventada cusi' comunale. La sua idea xe de far un maxi centro commerciale con tanti negozi tipo stazion de aeroporto, e po' sul tetto centri sportivi. Ma se vedi che nol se rendi conto che xe crisi in giro. La gente no ga bori de spender, e per quel sera continuamente negozi sia in città, sia nei centri del Giulia e de le Torri e de Montedoro. I familiari dei domila impiegati de la region che gavera' i novi uffici in porto i va za a far la spesa da altre parti. Le Coop forsi le farà un market in porto vecio quando rivera' i novi abitanti. O i silos pol diventar el terminal de un trasporto ferroviario de auti al seguito de chi pô se imbarca su le navi de crociera, opur se pol far un novo teatro moderno al posto del Tripcovich. La prima idea dipendi da RFI ( Ga durando un do anni el collegamento ferroviario stagionale de treni navetta tra nòrd Europa e Trieste per po' proseguir co l' auto in Dalmazia), la seconda no xe l' idea del comun.

[Blues Briso]

Mi me par che in tuta Italia no xe el periodo giusto per zentri comerciali, ma de pareci ani. Co l'avento 'po de le varie ebay, amazon e compagnia cantante, sarà sempre più superflui. Ndo che abito mi xe pien de zentri che ga serà e va in sfacelo i edifici. I unici che dura xe quei più grossi co un supermercato grando e a bon prezo.
Pensar de verzer un novo me par una scelta come minimo azardada.

[babatriestina]

Ve ricordè co i voleva far al Silos un Hilton e un teatro? forsi anche un centro congressi..

Hilton, po, ara ! che xe quei disgraziai che dormi in tende senza servizi igienici fra pantigane e sporco. Ma, digo, anche nel interesse del igiene de tuti, almeno meterghe un pochi de cessi chimici no i podessi?

[Piereto]

I li noleggia e i li neta el comun ?

[Piereto]

Par che i fazi sul serio. Scocimarro ga presentado el progetto de alargamento de la riva da barcola al bivio, e dp tuto contento che cusì no ghe sarà più el ralentamento estivo perchè gaveremo 4 corsie e vignirà radopiado el numero de bagnanti. . Questo me ricorda come a Trieste sia rimasta la voia de far progeti, retaggio del periodo ex AU. Pensemo ai palazzoni triestini del primo novecento. Le poste telegrafi e telefoni, palazzo Ferrovie, La Ras, la Banca d'Austria, la banca de Commercio, quela de Credito e la banca Morava, cioè afflusso de capitali e l'ivestimento ne le realtà triestine. Xe i anni del cambiamento de le dirigenze e personal tecnico gnoco all'interno del LLoyd, dei cantieri, e de la fabbrica macchine. Anche el piano regolatore con progetti de apertura de nove strade- Per esempio via Solitro che va in Sara Davis, e tute le strade larghe che se rampiga su per i colli, ma che dopo elD 18 el vien ridimensionade.Anche col TLT torna i progetti : la pineta de barcola la funivia da barcola al hotel de monte Grisa, e la strada de circonvallazion a mezzo monte che partendo da Gretta la doveva rivar all'universita. Oggi xe rimasti i do monconi de Via Aquileia piazza Osoppo e Via Cantù. Po xe el canl navigabile de Zaule , el molo settimo ex AU. Inveze de puntar a coservar e a mantinir quanto fato precedentemente se credi ancora nella grande Trieste , mentre el numero de abitanti cala dai 240.000 ex AU semo rivadi ogi a meno de 200.000. Epur se continua a progetar opere faraoniche. Cusì anche el porto vecio pol dar abitazioni per altri 10.000 novi abitanti che però i xe su la carta. i 10.000 fruitori de l'ovovia i xe su la carta. No xe tuto negativo el bilancio perche per fortuna se ga fato anche dei investimenti positivi aprofitando de quel che za iera : usufruir de le rive per 4 corsie, ma l'alargamento e l'inalzamento de le rive xe opera ex AU , come la galleria ferroviaria de circonvallazion e la creazion de via Carducci senza più el torrente scoperto xe tuti progeti veci.

[sono piccolo ma crescero]

Ma se in sei anni no i xe rivai a far andar el tram de Opicina, la galeria de piaza Foraggi no xe ancora finida, e la piscina terapeutica i xe ancora che i pensa a come farla, te se immagini quanti anni che ghe volerà per far quel lavoron che i vol far a Barcola... I xe bravissimi a butar zo, i buterà zo i topolini e dopo ... se fermerà tuto.