BON CARNEVAL 2009 !!!!

[Nona Picia]

BON CARNEVAL A TUTTI! Divertive che xe ancora bel tempo!

[serlilian]

Si, penso propio che anderò a far un giro in centro.
'Sto anno me go comprà un bel vestito, ma el xe tropo leger per andar per strada con 'sta zima.
Martedi e mercoledi vado in gita in un paesin in Slovenia, dove le maschere se vesti in frac. E ala sera xe el balo in piaza, ma col fredo che farà, imagino che ghe volessi un costume de orso, con le mudande longhe. Comunque xe el balo anche in albergo.

[babatriestina]

son passada stamattina in piazza: iera sol velado, e no caldo..
stava ben quei impellicciai, come sta famiglia de Gatti Silvestri

ma l'assalto alla Fontana dei continenti continua, e po i se lamenta che se rompi..

dettaglio ( go scancellado le facce) coi fioi che corri su e zo per la fontana.. forsi bastassi lassarghe l'acqua..

[nonna ivana]

Buon Carnevale...

ma che divertimento...nella fontana, opterei anch'io per l'acqua!!!!

[Nona Picia]

Visto che xe i ultimi giorni ve offro.......
I crostoli fati de bilbo



e le mie fritole.....

[AdlerTS]

forsi bastassi lassarghe l'acqua..

forse bastassi che i genitori tignissi acceso el cervel

[Nona Picia]

forsi bastassi lassarghe l'acqua..

forse bastassi che i genitori tignissi acceso el cervel

I genitori ga de ciacolar.......

[ClaireS]

forse bastassi che i genitori tignissi acceso el cervel

divertente...! ma troppo esigente, Adler...

[sum culex]

E se i metessi un fil cola corente eletrica tuto torno come che xè per le cavre e le muche in Carso (una bela scossa fastidiosa ma no pericolosa) ma ben reclamizà forsi i 'genitori' e anche i fioi staria più atenti, ma no son sicuro (qualchedun taieria i fili!!!).
Basta veder la fontana dela pineta de Barcola, xè tanto de cartei con scrito: Attenzione impianto sotto tensione: Pericolo! non entrare in acqua (o qualcossa de simile) ma i fioi i li lassa comunque andar nel'acqua; e se xè una dispersion, per esempio per l'infiltrazion de acqua in un fareto, cossa poderia suceder?
I fioi no xè suficientemente educai e/ i genitori no sà più farlo e dopo, co i cressi, sucedi quel che sucedi a cominciar col bulismo per finir con robe assai pezo.
Co andavo a scola mi ale elemntari ierimo in classe, me par in 42 con un solo maestro, dispeti sì ghe ne iera, ma bulismo o robe pezo no esiteva gnanche l'ombra: perchè? Dipendeva da quel che ghe vigniva insegnà ai fioi in famiglia? O ogi xè anche in parte colpa de TV, internet, ecc.?
Un'altra rioba per esempio xè che la muleria ogi vol tuto robe firmade indipendentemente dal costo e dale possibilità dei genitori che per contentarli e no farli sentir meno de altri (se no chi che pol li ciol in giro, e za questo xè un grave error) ghe toca, anche sbagliado, far le acrobazie col bilancio de casa! E con qual risultato? Stemo za vedendo qualcossa e spero che de più no vedaremo!
ciao
sum culex

[malvasia]

I genitori ga de ciacolar.......

Apunto! proprio ogi, vizin quela fontana, a sfilata finida, i gaveva meso insieme un poche dele transene che delimitava el corso.
Tanto che i genitori ciacolava un muleto sui sei ani gaveva meso la testa tra due de le transene. No le iera 'ssai stabili e lui le fazeva dindolar (sempre tignindo la testa in mezo) ala fine ovimente le xe cascade. Fortuna ga volù che sia cascada per prima quela de soto e lu, spaventà se ga tirà indrio. Un istante dopo xe cascada la seconda, proprio dove el gavesi avù la testa. I genitori se ga acorto de quel che stava sucedendo solo quando i ga inteso el rumor!!! No credo che i se sia gnanche resi conto che i ga sfiorà la tragedia.

[AdlerTS]

Me dispiasi rovinar l'aria de carneval con questa mia critica, ma me da proprio sui nervi 'ste persone ghe non capissi che un monumento che ga su per giù 250 anni non se pol usar come parco giochi ! Qualsiasi danno non se ripara con un poco de colla ! Saria come far carneval dentro gli Uffizi a Firenze !
In alcuni paesi in queste ricorenze i li proteggi con steccati temporanei, ma non xe gnanhe giusto spender soldi pubblici quando bastassi un po' de testa.

Ah sì, per cortesia: per terra xe simpatico veder i coriandoli, non le buste de plastica degli stessi