Ste figure le vien erete in serie nel pasagio dele migrazioni dei cariboo, le renne per nostro, che vedendole le se scansa e le se fa guidar dove che le pol eser ciapade senza che la gabi via de scampo. El caribou xe la sorgente de tuto per l'Innuit. Tenda, veste, leto, carne ecc, senza lori la vita saria imposibile nel nord. L'innukshuk vien anche usado per segnalar la presenza de una o più persone nel'area. Speso i sui brazi punta verso la direzion dove che ste persone se trova o che le ga ciolto proseguendo el loro camino.
La gente che li ga visti, sti fantasmi de piera del nord, ga portado la tradizion nel sud tanto che l'Innukshuk xe el simbolo dei zoghi olimpici del 2012. Se li trova per tuto qua. Ve dago due belisimi esempi de Innukshuk che go trovà su una spiagia del nord, a un per de chilometri del'Alaska, che gavevimo visità durante una dele tante escursioni col nostro camper e la nostra canoa.
Arnie
