pipì in strada

[AdlerTS]

.... ordinanza contro chi fa pipì in strada
Giustissima dal punto de vista formale. Come i pensa de fermarli, però non go idea. Ronda notturna ?

[sono piccolo ma crescero]

.... ordinanza contro chi fa pipì in strada
Giustissima dal punto de vista formale. Come i pensa de fermarli, però non go idea. Ronda notturna ?

Go sentì che i vol anche aumentar la multa per i paroni dei cani che sporca. Ma quante i gehe ne ga dade fin 'desso? No xe tanto la severità dela pena che te tratien, quanto l'esser sicuro che xe facile che i te bechi (lo disi Beccaria).

Mi me par che xe tuto ancora come ai tempi dei Promessi Sposi. Rilegeve el capitolo primo dei promessi sposi e vederè che no xe cambià niente.

[AdlerTS]

.... ordinanza contro chi fa pipì in strada
Giustissima dal punto de vista formale. Come i pensa de fermarli, però non go idea. Ronda notturna ?

Claudio Magris sul Corriere ga dito la sua in proposito:

http://www.corriere.it/cultura/08_agost ... aabc.shtml

[babatriestina]

a mi sto discorso me va ben in parte sì e in parte no.
Verissimo come che disi Magris che el problema xe collegado al maggior consumo de birra e che i vespasiani manca, ma de donna, e soprattutto dopo gaver letto a suo tempo Simone de Beauvoir Il secondo sesso, go molto de ridir:
Cossa xe sta storia dei vespasiani???? perchè credè che noi done no ne tien mai???? che no podemo esser mole de susta anche noi???
e qua xe un stereotipo, disi la De Beauvoir, perchè per i omini farla in pie xe una roba de vantarse, che in fondo forsi i la assimila a una metaforica potenza sessuale, mentre noi povere donete, che dovemo cufolarse, vegnimo vardade de brutto se se ne ciapa necessità fora del posto giusto, che za ale toilettes noi la femo più longa... quindi vespasiani se volè, ma cessi per tutti!!!! anche per noi donne!!!!!!
quei chimici de Parigi posso dirve de gaverli doprai molto spesso e i xe perfetti... mi ve go sempre dito che Parigi xe una signora città...
ma anche là, se volè preciso, poco sotto el sacré Coeur, xe i cessi chimici, no, i ometti sporchi fetenti se metti fora, spisciazza quasi davanti, al averto, e cusì la spuzza xe insopportabile

[sum culex]

Varda che una volta le juzze, che portava in cità el late, gaveva le coto le larghe e longhe fin per tera e per farla no le se scrufolava per gnente, tanto mudande no le gaveva! Parlo per coniscenza direta, per l'amor di Dio, no per le mudande, ma per averghela vista far; parlo de tanti ani fa.
ciao
sum culex

[sum culex]

Una precisazion le divaricava un poco le gambe stando ferme e co le andava via le lassava el lagheto. Visto in via Rossetti al'alteza del Sanatorio.

[AdlerTS]

Go quasi pensado che sia el primo de aprile :

su tele4 i ga dito che el comun voleria impiantar gli URILIFT



Praticamente un vespasian a scomparsa, dal costo de 20.000 euro e che necessita de 6000 euro annui de manutenzion (secondo quel TG).
Se volè podemo far la lista dei molteplici usi impropri de 'sto coso

[Golfoblu]

Se i me buta i 6.000 de manutenzion in c/c, prometo che dopro solo quel de casa.

[serlilian]

Varda che una volta le juzze, che portava in cità el late, gaveva le coto le larghe e longhe fin per tera e per farla no le se scrufolava per gnente, tanto mudande no le gaveva! Parlo per coniscenza direta, per l'amor di Dio, no per le mudande, ma per averghela vista far; parlo de tanti ani fa.
ciao
sum culex

Me gà contà, tuta scandalizada, una mia zia defonta, nata nel 1896, che sua mama la la fazeva in pie, sora de un canal. E ela, mula giovine, la se vergognava de mati.
Par che le mudande, quando che le done ga comincià a doprarle, le iera verte soto e solo ligade sule gambe.

[babatriestina]

Par che le mudande, quando che le done ga comincià a doprarle, le iera verte soto e solo ligade sule gambe.

mi go in un armer un per de mudandoni de mia nona del genere, e questi i ga in mezzo una spaccadura. I li ciamava "alla pissa-presto". I arivava a metà coscia

[Golfoblu]

Par che le mudande, quando che le done ga comincià a doprarle, le iera verte soto e solo ligade sule gambe.

mi go in un armer un per de mudandoni de mia nona del genere, e questi i ga in mezzo una spaccadura. I li ciamava "alla pissa-presto". I arivava a metà coscia

..........." alla pissa-presto " ............... solo ?????!!!!!!

[grizabella]

Muli, tuto va ben, però, almeno secondo mi, (e scuseme se no sè dacordo) quando che xè tropo, xè tropo....Mi go: gò abitado de muleta de fronte ala ex Dreher e za là, ve lasso imaginar....Ma 'desso, che semo, cussì i me conta, una cità "mitteleuropea": i cosideti "vespasiani" chimici, almeno nei loghi più "turistici", se i fussi a "scomparsa" come quei dela foto e fussi tanti no me dispiaseria. Son stada sia a Londra che a Parigi e devo dir che se devo me gà colpì più la netezza urbana dela prima (e sì che 'i Inglesi quanto a birete no i scherza), che no quela de la seconda (con tuto che a Parigi in fato de turismo i sa el fato suo)no digo de rivar a queri livei, però...qualcossa sarìa qualcossa....Speremo ben.....

[Nona Picia]

I disi che chi vivi sperando, mori cantando. E noi in attesa dei vespasiani come moriremo?

[AdlerTS]

Grizabella, piuttosto che spender migliaia de euro, bastassi che noi genitori che insegnassimo ai fioi che non se pissa per i cantoni. Co gavevo 20 anni, anche mi bagolavo de notte e fazevo giri de birette, ma la go sempre fatta a casa !.
Un paio de usi impropri del WC sali e scendi ? Per esempio "femo a gara in quanti che ne riva alzar stando de sora" oppur "ghe fichemo lassù el motorin del sempio della clapa" (ogni clapa ga un sempio). E noi pagassimo i danni o li lassassimo (ancora pezo) incastradi mezi dentro e mezzi fora tipo scultura post moderna.

[sono piccolo ma crescero]

Forsi basteria far funzionar de novo quei che se soto terra.

Me par che i sia ancora in piaza della Borsa; quei sule rive, che xe stai i ultimi che i gaveva fato, no so se i esisti ancora (fati nei ann'60, i gaveva costà un capital perché no i gaveva pensà che come che i scavava vegniva l'acqua alta nel buso per colpa del mar che se infiltra; chissà se i ghe pensa a sta roba co i disi de far un parchegio soto tera sule rive).

Un altro me par che el ghe fusi a san Giacomo.

Essendo che i iera soto tera o incastrai nel terrapien (a san Giacomo) no se li vedeva. E i iera sia per le done che per i omini (rigorosamente separati) e deEnriquez andava a tirar so le scrite che iera sui muri (almeno me par de risordar che iera cusì; se no xe vero me scuso con la sua memoria).

[babatriestina]

ghe ne iera anche in Piazza delle Poste, ma credo che i sia sparidi col novo parcheggio interrado. E in Ponterosso. Se i fossi come quei del Graben a Vienna, saria una meraviglia! ma za a Vienna, pur essendo in funzion - ghe son stada mi- i xe formalmente proibido che no i vol masse de turisti.
Per i vespasiani, ve ricordo quel del giardinetto de Barcola, che fin che el iera in funzion iera una tremenda spuzza de orina per un raggio de alcuni metri intorno, che me tegnivo sempre alla larga.

Per inciso, parlando de spuzza... tuti quei che porta i cani fora, ingrumerà a norma la pupù con le palette e i sacchetti, ma per la parte liquida no esisti soluzioni, e tutte la basi dei edifici in città porta el segno... a Parigi ogni giorno passa dei lavastrade verso le 7-8 de mattina.. qua mi no credo che gabbi mai lavado nissun...

[AdlerTS]

Quei in piaza della Borsa esisti ancora ma i xe seradi con tole de legno.

[grizabella]

Concordo con ti, avendo una fia picia stago lavorando duro per "civilizarla" e ale varie festine de compleano vedo che son ancora una de le poche che se impunta a far 'stà "fadiga"....Posto che, tra genitori menefreghisti e oberkopf vari che naviga nele varie trasmisioni "per giovani", devo dir che esempi de comportamenti inurbani la muleria ghe ne gà anche tropi....Andar in giro per el centro e vardarse intorno per creder.....Ma qua dovessimo verzer un altro post, me sa.....

[AdlerTS]

Anche i quotidiani austriaci se ga acorto delle iniziative del Comun. Der Standard scrivi: Wild-Pinkler zahlen 500 Euro Strafe
Unerlaubtes Verteilen von Party-Flyer kann mit bis zu 1.000 Euro bestraft werden

[babatriestina]

Questa xe fra le memorie e l'attualità..
me contava una mia amica che sua nonna, tanti anni fa, xe restada scandalizzada cussì vedendo in zona via Molin a Vento ( più o meno no lontan de Galauca?) le donne che passava cole sporte sulla testa, le cotole longhe e evidentemente gnente biancheria intima, le se fermava, le slargava le gambe.. e le fazeva quel che ghe tegniva, cussì, in pie, in mezzo ala strada!


questo me vien in mente per dir che adesso i ga fatto sta ordinanza con multa de 500 euri per chi che la la fa in centro, e de solito xe sempre omini che vien becai. un comportamento come de quele siore xe decisamente inimmaginabile attualmente. Invece ghe xe sempre stada una specie de maggior tolleranza per i omini che se alleggerissi la vesciga in pubblico..
Sule Segnalazioni xe lettere de solito dei "becai" che se lamenta dela enormità della multa , ma se giustifica disendo che "no podeva tegnir", anche se se tratta de baldi giovini e no de vecetti moli de susta..
cossa disè?