Volevo meter quà qualche anedoto dela mia zoventù, no' me li gà contadi nè nona, nè nono, ma infin dei conti son nona anca mi.
Comunque se sto "forum" no'l xe indicado par 'ste robe, sposteli indove che volè, ma visto che i me xe 'sai cari, l'unico posto indove no' volerìa che i 'ndasi a finir xe el "Salotin", nò parché no'l me piasi, ma parchè i se confonderìa fra trope altre robe che no' gà gnente a che far con queste.
Chi che me conosi dal periodo de "TriesteMia" li conoserà zà, ma altri nò li gà mai leti e, co'l vostro permeso, mi scuminzio:
“El Paesetto de Via Udine” xe la via indove son nata, al n° 45 e indove che gò abitado fin quando, a undise ani, no' son stada mandata "all'Educandato Femminile" - lezer E.C.A. - de via Pascoli n° 32, (indove ghe jera anca l'ospizio par i veceti e la sezioni dei "Mas'ci" indove che ghe jera anca mio fradel Jure e "Pino Roveredo", co'l qual son sempre restada in contato e che credo squasi tuti i triestini conoserà.
Su de lui, volesi anca verzer un "topic", ma devo 'ncora individuar el forum justo).
Mia mama la gaveva anca ela i sui “vizieti”, uno jera i spagnoleti e l’altro el “Grand Hotel” (la rivista intendo), alora, tute le matine la me mandava in “apalto”, quel che jera proprio prima de rivar in Campo Belvedere, a comprarghe cinque spagnoleti (no son sicura de la marca, ma me par che se tratasi dele “Aurora”, quele che le aveva el pacheto color maronzin con disegnà sora un galo che canta) e, ‘na volta par setimana, anca el “Grandotel”: quela volta vegnivo fora presto de casa par poderlo leger velocemente (o almeno i fotoromanzi a puntade che me interesava de più) prima de tornar a casa, per dopo ‘ndar a scola.
Altro “vizieto” che me fazeva ‘sai contenta, jera quel (co’l dopopranzo la se meteva a stirar in cusina e mi, par qualche razon, no podevo ‘ndar in Ricreatorio: el G. Brunner de Rojan) de mandarme a comprar do “Moretti” che jera in pratica i gelati col steco ricoverti de ciocolata. Alora come un fulmine, corevo zo per la riva che jera di fronte al mio porton de Via Udine (el primo toco l’incrosava la via Bocaccio e el secondo el jera vietado ale machine parché el gaveva impiantade davanti dele colonete e el jera de fianco - dala parte destra, ‘ndando in zo - dela vecia Stazion, dove che drento i gaveva fato abitazioni, no so se per ferovieri o cosa), par rivar in Viale Miramare, dove de Zampolli ‘ndavo a comprar sti “Moretti” che i costava 30 Lire l’uno, solo che no resistevo a spetar de tornar fin a casa per magnar el mio, cussì quel de mia mama el rivava squaià e ela no la lo voleva più e me lo sbafavo mi anca quel!
Altro vizio de mia mama, jera quel de voler a tuti i costi farme i rizi e mi, che gavevo in alora i cavei driti come spaghi, me ritrovavo ogni tanto, a ‘ndar a scola con sula fronte ‘na speze de nido de vespe che ‘sai fazeva rider le mie compagne e ‘sai el me fazeva vergognar a mi, che per tentar de lisarlo in qualche maniera fazevo “peso el tacon che el buso” e rivavo a scola che parevo un spaventapaseri. Più de ‘na volta par sto motivo, rivavo tardi e trovavo el porton serà e, alora, restavo de fora e tornavo a casa al’inzirca a l’ora che finiva la scola: el pezo jera, naturalmente, el zorno dopo co tornavo a scola e no gavevo la giustificazion. Una de ste volte, me go trovado serada fora del porton insema a una mia compagna de clase che la abitava in via Bocaccio, proprio di fronte ala lateria ‘ndove che ‘ndavimo a comprar el late (41 Lire mezo litro e 82 Lire par un litro de late in fiasca, col tapo de aluminio blu). Quel zorno se gavemo rifuzado in casa de 'sta mia compagna de scola, parché su mama no la ghe jera, visto che la lavorava. La fameja de sta mia compagna (la se ciamava Cristina) jera una dele poche che in alora i gaveva el telefono in casa (quel nero, tacà sul muro) e cosa gavemo ben pensado de far per pasar el tempo? Gavemo zercado sula guida del telefono qualche numero de pasticerie qua e là par la zità, ordinando (zercando, naturalmente, de imitar ‘na vose de adulte) paste, torte, ecc, per ipotetiche feste de compleano e de recapitar in casa de altre nostre compagne de clase! No ve conto el bordel che xe saltà fora: ve lo laso imaginar! Comunque, el zorno drio, jera ste mulete che in clase le contava che in casa rivava ste guantiere de paste e/o torte e tuto quel che le loro mame le gaveva dito, tipo “Ma la vardi che mi no go ordinà gnente e gnente no pago, se la vol lasar isteso, la lasi pur”; opur le ritirava la roba e col fatorin jera ‘ndado via le sbotava: “Sarà sta sicuro quel m**a de tu pare a combinar sto c***n! Ieri sera co’l xe tornà el me pareva un fià su de giri!” e via ‘ndare. Anca quela volta xe rivada la biava par le lipe, ma par le ridade che se gavemo fato mi e Cristina le jera più che meritade!
Ciau a tuti, sempre con simpatia, Lela.
Vari "paeseti" dela mia zoventù.
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
Vari "paeseti" dela mia zoventù.
Il vero "giusto" è colui che si sente sempre per metà colpevole dei misfatti altrui!
'Deso voio meter 'ncora un anedoto dela mia zoveventù, questo sucedeva in Via Pascoli n° 32 (lezer E.C.A.) e no'l me gà fato rider proprio par gnente!
“El Paesetto de Via Pascoli” (prima puntata)
‘Co jerimo putei’
Tante, tante robe me vien in amente, quando penso ai tre ani pasài all”Educandato Femminile” de Via Pascoli, 32!
Par esempio, el zorno che, dopo che mio fradel jera tornà dela colonia e mi de ‘na vacanza nel paese nativo de mia mama, nel fratempo che i miei genitori i se separava (solo che "de fato", parché no’i ga mai fato la "separazion legale" e jera l’istà del 1962, quando che i parlava – no so parché – dela fine del mondo, che la pareva gavesi dovudo rivar proprio in quel priodo) el primo de otobre, mia mama e mio papà i ne gà portado, apunto, al’E.C.A., prima a parlar con quele che, ogi, riconoso come “Assistenti Sociali”.
Me ricordo che mi pianzevo, no volevo restar là, e mio papà pianzeva con mi, ma comunque ala fine el gà dovudo zeder, parché né lù, né mia mama i gaveva un posto de ciamar “casa”, indove tegnirne.
Jera pena pasada l’ora de pranzo, quando che i gà definido tute le “pratiche” e, dopo gaver saludà mio fradel, che l’andava de la parte dei mas’ci, i me gà compagnado in guardaroba e i me gà “spojada” dei miei vestidi “civili” i me gà dado la “divisa de casa” (‘na spece de traverson) del’Istituto, oltre ala biancheria e tuto el resto e po' i me gà asegnado al "2° Gruppo" (ghe jera tre "Gruppi": el 1°, quel dele più pice; el 2°, par quele che no jera “né carne, né pese” e e l 3° par le più grandi).
El "2° Gruppo", gaveva come “Assistenti” (ciamade in gergo ECA “sine” al posto de “signorine”) la “sina Schwarz” e la “sina Grego”.
Giuro che no me ricordo chi jera de turno el zorno che son entrada all’E.C.A., comunque, dopo la “vestizion” e dopo gaverme fato veder quel che sarìa stado el mio leto nela camerata e el “bagno" asegnado al grupo, (che el consisteva in un lavandin de fero longo, longo con ‘na ventina de rubinetti, o meio, de spine de oton), i me ga menado zò, al pian tera. Dove che a un zerto punto del coridoio (pasada la deviazion che portava al sozorno dei veceti) se trovava un picio cortileto interno e ‘ndove ghe jera tante mulete che zogava, la magior parte a saltar la corda: cioè, do mulete tegniva ‘na corda pitosto longa e la fazeva zirar in una zerta maniera e altre, a turno, le entrava con la corda che za la girava e le doveva saltar in maniera ogni volta più complicada. Tipo far pasar la corda do volte soto i pìe prima de tocar partera, opur, saltar prima con un pìe e po con l’altro e cusì via.
Sto qua xe quel che me ricordo del primo zorno de “colegio”, ma ghe jera ‘na roba che proprio no podevo soportar: par curar i veceti del’Ospizio aneso e par l’Infermeria dei fioi, ghe jera le monighe: tuto ben co se finiva in Infermeria, mejo ancora se in isolamento par qualche malatia infetiva de fioi, parché se magnava ‘sai mejo, ma cari mii, savesi vù che suplizio co’ i te ficava nel coro dela Cesa con tute le prove de canti sacri con l’organo, par no parlar de co’ jera festa, spece a Pasqua, con la via Crucis e tuto el resto: ore e ore in pìe, pareva che ste zerimonie sacre no le gavesi dovudo finir più e, più de 'na volta, qualchduna de nualtre la finiva par indormenzarse in pìe, co'l relativo, suseguente ribalton partera e gran fracaso e con tute le monighe che le vardava par sora con quel far de dir “Deso Dio te castigherà!” .
Ciau, a fra poco, cò metarò la seconda puntata, Lela.
“El Paesetto de Via Pascoli” (prima puntata)
‘Co jerimo putei’
Tante, tante robe me vien in amente, quando penso ai tre ani pasài all”Educandato Femminile” de Via Pascoli, 32!
Par esempio, el zorno che, dopo che mio fradel jera tornà dela colonia e mi de ‘na vacanza nel paese nativo de mia mama, nel fratempo che i miei genitori i se separava (solo che "de fato", parché no’i ga mai fato la "separazion legale" e jera l’istà del 1962, quando che i parlava – no so parché – dela fine del mondo, che la pareva gavesi dovudo rivar proprio in quel priodo) el primo de otobre, mia mama e mio papà i ne gà portado, apunto, al’E.C.A., prima a parlar con quele che, ogi, riconoso come “Assistenti Sociali”.
Me ricordo che mi pianzevo, no volevo restar là, e mio papà pianzeva con mi, ma comunque ala fine el gà dovudo zeder, parché né lù, né mia mama i gaveva un posto de ciamar “casa”, indove tegnirne.
Jera pena pasada l’ora de pranzo, quando che i gà definido tute le “pratiche” e, dopo gaver saludà mio fradel, che l’andava de la parte dei mas’ci, i me gà compagnado in guardaroba e i me gà “spojada” dei miei vestidi “civili” i me gà dado la “divisa de casa” (‘na spece de traverson) del’Istituto, oltre ala biancheria e tuto el resto e po' i me gà asegnado al "2° Gruppo" (ghe jera tre "Gruppi": el 1°, quel dele più pice; el 2°, par quele che no jera “né carne, né pese” e e l 3° par le più grandi).
El "2° Gruppo", gaveva come “Assistenti” (ciamade in gergo ECA “sine” al posto de “signorine”) la “sina Schwarz” e la “sina Grego”.
Giuro che no me ricordo chi jera de turno el zorno che son entrada all’E.C.A., comunque, dopo la “vestizion” e dopo gaverme fato veder quel che sarìa stado el mio leto nela camerata e el “bagno" asegnado al grupo, (che el consisteva in un lavandin de fero longo, longo con ‘na ventina de rubinetti, o meio, de spine de oton), i me ga menado zò, al pian tera. Dove che a un zerto punto del coridoio (pasada la deviazion che portava al sozorno dei veceti) se trovava un picio cortileto interno e ‘ndove ghe jera tante mulete che zogava, la magior parte a saltar la corda: cioè, do mulete tegniva ‘na corda pitosto longa e la fazeva zirar in una zerta maniera e altre, a turno, le entrava con la corda che za la girava e le doveva saltar in maniera ogni volta più complicada. Tipo far pasar la corda do volte soto i pìe prima de tocar partera, opur, saltar prima con un pìe e po con l’altro e cusì via.
Sto qua xe quel che me ricordo del primo zorno de “colegio”, ma ghe jera ‘na roba che proprio no podevo soportar: par curar i veceti del’Ospizio aneso e par l’Infermeria dei fioi, ghe jera le monighe: tuto ben co se finiva in Infermeria, mejo ancora se in isolamento par qualche malatia infetiva de fioi, parché se magnava ‘sai mejo, ma cari mii, savesi vù che suplizio co’ i te ficava nel coro dela Cesa con tute le prove de canti sacri con l’organo, par no parlar de co’ jera festa, spece a Pasqua, con la via Crucis e tuto el resto: ore e ore in pìe, pareva che ste zerimonie sacre no le gavesi dovudo finir più e, più de 'na volta, qualchduna de nualtre la finiva par indormenzarse in pìe, co'l relativo, suseguente ribalton partera e gran fracaso e con tute le monighe che le vardava par sora con quel far de dir “Deso Dio te castigherà!” .
Ciau, a fra poco, cò metarò la seconda puntata, Lela.
Il vero "giusto" è colui che si sente sempre per metà colpevole dei misfatti altrui!
E ecome tornada, come promeso!
"El Paeseto de Via Pascoli"
(seconda parte)
Gò zà contà cosa che jera par mi el "Paeseto" in quistion e, stavolta, vojo contarve de quando son scampada de quela "prison".
Alora, ai mii tempi (soto Marco Caco) ghe jera tre tipi de scole secondarie, sia par mas'ci che par femine. La magior parte dele mulete del'E.C.A. le 'ndava ale industriali e le jera compagnade dela "sina" de turno, una la fazeva le medie e mi e altre do mulete che fazevimo "l'Avviamento Commerciale" parchè dale elementari jerimo uside con boni voti nele materie che serviva par frequentar quel tipo de "secondarie", 'ndavimo a scola sole, senza 'compagnamento. Le "l'Avviamento Commerciale" a quel tempo el jera in Via Ruggero Manna, proprio 'ndove che gavevo frequentado le elementari visto che la via in question la xe 'na traversa dela Via Udine, 'ndove che son nata. Bon, mia mama - co'l suo omo e mio fradel che nel fratempo el gaveva finido le industriali (l'andava ala "Bergamas") e, alora, el gavesi dovudo eser trasferì ala "Casa del Giovane" o, apunto, tornar a casa - la abitava in Salita de Greta n° 15, che no jera tanto lontan.
Me ricordo che el giorno che son scampada dal'E.C.A. jero 'ndada a trovarla parchè la gaveva la broncopolmonite e la jera casa de'l lavor. Dovè saver che gavevo 30 minuti par tornar a pìe in "colegio" dal orario del termine dele lezioni, se no jera caligo. Naturalmente, 'ndando a trovar mia mama e anche se ela la me dava le zinquanta lire per ciapar la filovia (la 5) ala fermada sul canton di fronte ai "Volti" de Rojan e smontavo proprio davanti l'E.C.A., rivavo comunque in ritardo sula tabela de marcia fisada: e cusì xe stà anca quela volta e, come al solito son stada castigada del permeso (oramai gavesi dovudo star 3 mesi senza 'ndar a casa e 2 senza "visite") e, 'sta qua xe stada la "gocia che gà fato trabocar el vaso"!
Iera un lunedì (me lo ricordo parchè par television i fazeva "TV 7", l'unico programa che i ne lasava vardar, le altre volte: in leto dopo el "Carosello" come da manual) e jera la note tra l'ultimo de novembre e el primo de dicembre del '64 e i stava butando i fondamenti par el novo edificio del "Educandato femminile" in Via Conti.
Ciapada la decision de scampar, me gò preparado de indosar (pulito, pulito) i mejo vestiti che gavevimo a partir dala bianaria e finindo col mejo capoto e le più bele scarpe. A quel tempo jero nel "3° Gruppo" - quel dele più grandi - dormivimo al 2° pian e in te la camerada ghe jera 'na bona trentina de leti - se no de più - e due "celle" - praticamente se tratava de do cantoni: un de la parte più lontana de la porta e quel'altro di fronte, de la parte più vizina al'usida, riparadi da do speze de linzioi tacadi su tubi de metal, co dentro un leto e un comodin indove che dormiva le "sine" de turno; el mio leto el jera tacà ala seconda "cella" e, quela note jera de turno la "sina Bianzani" (che la vigniva, oramai, solo a far sostituzioni parchè la jera zà in pension) e la dormiva de quel'altra parte dela camerata per cui xe sta zà 'na impresa ardua 'ndar a cior le ciave del "canceleto" (che jera la porta che dava sule scale) tignude dentro el caseto del comodin: gò dovudo pasar da un leto a l'altro dele mie compagne (che, naturalmente, le saveva zà cosa che gavevo intenzion de far) parchè el pavimento fato de asi de legno el scrichiolava, comunque xe stà più fazile de quel che pensavo parchè la "sina Bianzani" la rusava de bruto e cusì la prima parte jera fata. Gò verto el "canceleto" e son 'ndada fino al piano tera e là ghe jera 'naltra parte difizile de superar, parchè par entrar nel "salon" indove che solito stava i veceti del'ospizio. dovevo pasar davanti a un punto indove che el guardian de note - sistemado vizin l'entrata de Via Pascoli - el me podeva catàr. Gò superado anca questo e son rivada in t'el cortil indove che ghe jera la cusina e, vizin el cantier pe'l novo edifizio. Sto quà el jera tuto un plòch e zircondado de traverse de legno, cusì gò dovudo rampigarme su ste traverse. Jera al'inzirca mesanote e ogni tanto pasava qualche machina e chi la menava cucava fora, verso de mi, ma nisun no se gà fermado. Rivada sul marciapìe de Via Conti, me go incaminado verso casa: ghe gò impiegado do bone ore, parchè ogni volta che intravedevo qualchedun sul marciapìe traversavo la strada (gavevo paura, non esendo mai stada prima in giro a quel'ora de note de sola) radopiando, cusì, el percorso. Finalmente son rivada in Salita de Greta n° 15 e, dopo un fià che batevo la porta e che nisun me vegniva a verzer, me gò sentado sul scalin, fin che l'omo de mia mama, dovendo 'ndar in ceso (che el jera in corte) no'l me gà trovado.
L'indomani matina mia mama, naturalmente dopo gaverme zigado e imbiavado par quel che gavevo combinà, la xe 'ndada dal beker vizin de casa a telefonar al'E.C.A. disendoghe che jero a casa.
Xe rivada, a sto punto, 'na "Assistente Sociale" che la ghe gà dito a mia mama che, se gavesi promeso de no scampar più, i me gavesi riciolto, ma mi che savevo che prometendo 'na roba del genere sarìa stada confinada (a parte la scola e anca là compagnada) in colegio fino a quando no sarìa vegnudo el momento de tornar a casa par sempre, ghe go dito che sarìa scampada de novo e cusì no'i me gà voludo più!
Bon, fra un fiàtin torno par contarve la terza parte; ciau Lela.
"El Paeseto de Via Pascoli"
(seconda parte)
Gò zà contà cosa che jera par mi el "Paeseto" in quistion e, stavolta, vojo contarve de quando son scampada de quela "prison".
Alora, ai mii tempi (soto Marco Caco) ghe jera tre tipi de scole secondarie, sia par mas'ci che par femine. La magior parte dele mulete del'E.C.A. le 'ndava ale industriali e le jera compagnade dela "sina" de turno, una la fazeva le medie e mi e altre do mulete che fazevimo "l'Avviamento Commerciale" parchè dale elementari jerimo uside con boni voti nele materie che serviva par frequentar quel tipo de "secondarie", 'ndavimo a scola sole, senza 'compagnamento. Le "l'Avviamento Commerciale" a quel tempo el jera in Via Ruggero Manna, proprio 'ndove che gavevo frequentado le elementari visto che la via in question la xe 'na traversa dela Via Udine, 'ndove che son nata. Bon, mia mama - co'l suo omo e mio fradel che nel fratempo el gaveva finido le industriali (l'andava ala "Bergamas") e, alora, el gavesi dovudo eser trasferì ala "Casa del Giovane" o, apunto, tornar a casa - la abitava in Salita de Greta n° 15, che no jera tanto lontan.
Me ricordo che el giorno che son scampada dal'E.C.A. jero 'ndada a trovarla parchè la gaveva la broncopolmonite e la jera casa de'l lavor. Dovè saver che gavevo 30 minuti par tornar a pìe in "colegio" dal orario del termine dele lezioni, se no jera caligo. Naturalmente, 'ndando a trovar mia mama e anche se ela la me dava le zinquanta lire per ciapar la filovia (la 5) ala fermada sul canton di fronte ai "Volti" de Rojan e smontavo proprio davanti l'E.C.A., rivavo comunque in ritardo sula tabela de marcia fisada: e cusì xe stà anca quela volta e, come al solito son stada castigada del permeso (oramai gavesi dovudo star 3 mesi senza 'ndar a casa e 2 senza "visite") e, 'sta qua xe stada la "gocia che gà fato trabocar el vaso"!
Iera un lunedì (me lo ricordo parchè par television i fazeva "TV 7", l'unico programa che i ne lasava vardar, le altre volte: in leto dopo el "Carosello" come da manual) e jera la note tra l'ultimo de novembre e el primo de dicembre del '64 e i stava butando i fondamenti par el novo edificio del "Educandato femminile" in Via Conti.
Ciapada la decision de scampar, me gò preparado de indosar (pulito, pulito) i mejo vestiti che gavevimo a partir dala bianaria e finindo col mejo capoto e le più bele scarpe. A quel tempo jero nel "3° Gruppo" - quel dele più grandi - dormivimo al 2° pian e in te la camerada ghe jera 'na bona trentina de leti - se no de più - e due "celle" - praticamente se tratava de do cantoni: un de la parte più lontana de la porta e quel'altro di fronte, de la parte più vizina al'usida, riparadi da do speze de linzioi tacadi su tubi de metal, co dentro un leto e un comodin indove che dormiva le "sine" de turno; el mio leto el jera tacà ala seconda "cella" e, quela note jera de turno la "sina Bianzani" (che la vigniva, oramai, solo a far sostituzioni parchè la jera zà in pension) e la dormiva de quel'altra parte dela camerata per cui xe sta zà 'na impresa ardua 'ndar a cior le ciave del "canceleto" (che jera la porta che dava sule scale) tignude dentro el caseto del comodin: gò dovudo pasar da un leto a l'altro dele mie compagne (che, naturalmente, le saveva zà cosa che gavevo intenzion de far) parchè el pavimento fato de asi de legno el scrichiolava, comunque xe stà più fazile de quel che pensavo parchè la "sina Bianzani" la rusava de bruto e cusì la prima parte jera fata. Gò verto el "canceleto" e son 'ndada fino al piano tera e là ghe jera 'naltra parte difizile de superar, parchè par entrar nel "salon" indove che solito stava i veceti del'ospizio. dovevo pasar davanti a un punto indove che el guardian de note - sistemado vizin l'entrata de Via Pascoli - el me podeva catàr. Gò superado anca questo e son rivada in t'el cortil indove che ghe jera la cusina e, vizin el cantier pe'l novo edifizio. Sto quà el jera tuto un plòch e zircondado de traverse de legno, cusì gò dovudo rampigarme su ste traverse. Jera al'inzirca mesanote e ogni tanto pasava qualche machina e chi la menava cucava fora, verso de mi, ma nisun no se gà fermado. Rivada sul marciapìe de Via Conti, me go incaminado verso casa: ghe gò impiegado do bone ore, parchè ogni volta che intravedevo qualchedun sul marciapìe traversavo la strada (gavevo paura, non esendo mai stada prima in giro a quel'ora de note de sola) radopiando, cusì, el percorso. Finalmente son rivada in Salita de Greta n° 15 e, dopo un fià che batevo la porta e che nisun me vegniva a verzer, me gò sentado sul scalin, fin che l'omo de mia mama, dovendo 'ndar in ceso (che el jera in corte) no'l me gà trovado.
L'indomani matina mia mama, naturalmente dopo gaverme zigado e imbiavado par quel che gavevo combinà, la xe 'ndada dal beker vizin de casa a telefonar al'E.C.A. disendoghe che jero a casa.
Xe rivada, a sto punto, 'na "Assistente Sociale" che la ghe gà dito a mia mama che, se gavesi promeso de no scampar più, i me gavesi riciolto, ma mi che savevo che prometendo 'na roba del genere sarìa stada confinada (a parte la scola e anca là compagnada) in colegio fino a quando no sarìa vegnudo el momento de tornar a casa par sempre, ghe go dito che sarìa scampada de novo e cusì no'i me gà voludo più!
Bon, fra un fiàtin torno par contarve la terza parte; ciau Lela.
Il vero "giusto" è colui che si sente sempre per metà colpevole dei misfatti altrui!
Son quà de novo par contarve, come gò dito, la terza parte.
"El Paeseto de Via Pascoli"
(terza parte)
Dunque, 'ndove jero rivada? Ah si, a quando che "l'Assistente Sociale" la ghe gà dito a mia mama che no i me gavesi più ciolto in quela speze de preson.
El zorno drio mia mama la me gà portado al'E.C.A. per sbrigar le varie formalità del caso. Intanto che ela la fazeva stà roba quà, mi gò parlado con le mie "compagne de sventura" e, lore, le me gà contado cosa che jera suceso la matina quando che la "sina Bianzani" la se gaveva inacorto che jero scampada. Prima de tuto - le me gà contà - la gà scoverto el leto, gnanca che gavesi podudo eser sconta soto dele coverte (va ben ch'el magnar el fazeva pitosto... par farve un esempio: ogi se magnava pastasuta - rigatoni, pene o altra pasta curta - e l'indomani el "menù" consisteva, a pranzo, in "pasta al forno". Bon volè saver come che vigniva fata sta "pasta al forno"? Lo gò visto co'i mii oci 'na setimana che jero de turno par 'ndar a cior el carel dela boba in cusina: ghe jera enormi pignatoni e là drento i pestava par ben la pastasuta vanzada el giorno prima e pò, co la jera ben ben deventada un maton tuto coloso, i lo tajava in retangoli; ma comunque qualcosa se jera costreti a magnar se no se voleva morir de fame e podarè imaginarve la fame che se podedeva gaver a quel'età), anca se el leto el jera piato e, metendose la man sui fianchi la gà dito "Mi volarìa saver con che permeso la xe scampada!" e, sta qua xe 'na granda dimostrazion del'inteligenza de qualcheduna dele "sine" che gavevimo là!
Nel fratempo mia mama gaveva finido de far quel che la doveva e, a sto punto, xe vegnuda fora la "pocheza" de zerte "Istituzioni Benefiche": i me gà fato spojar de tuti i vestidi (ve ricordè che ve gò contado che mi, par scampar, gavevo sielto i più novi e bei) e i me gà mandado fora al 2 de dezembre con indoso solo che un par de mudande, 'na sotoveste de coton, un par de scarpe tute scalcagnade, senza calze e con quel brutisimo "capoto griso" (che se riconoseva tre ore lontan de 'ndove ch'el rivava), tanto che mia mama la gà dovudo "postegiarme" in un bar difronte al'Istituto par poder 'ndar a comprar qualcosa de meterme indoso - roba che gò podudo far in tel c...o del bar. E no xe miga finida quà, machè, no i gà voludo darme gnanca i libri de scola parchè, naturalmente, i li gaveva compradi lori; cusì (visto che mia mama no la gaveva i schei per rimpiazarli) gò dovudo far - se pol dir tuta, visto che jera 'pena dezembre - la terza "Avviamento Commerciale", senza libri e meno mal che i profesori xe stadi boni con mi, lasandome studiar la lezion dela materia del momento par almeno un vinti minuti prima de scuminziar co' la nova e, intanto, le mie compagne de scola le se fazeva un "ripasin".
Par stanote basta co'i "paeseti", se risentimo ogi dopopranzo, ciau a tuti con simpatia, Lela.
"El Paeseto de Via Pascoli"
(terza parte)
Dunque, 'ndove jero rivada? Ah si, a quando che "l'Assistente Sociale" la ghe gà dito a mia mama che no i me gavesi più ciolto in quela speze de preson.
El zorno drio mia mama la me gà portado al'E.C.A. per sbrigar le varie formalità del caso. Intanto che ela la fazeva stà roba quà, mi gò parlado con le mie "compagne de sventura" e, lore, le me gà contado cosa che jera suceso la matina quando che la "sina Bianzani" la se gaveva inacorto che jero scampada. Prima de tuto - le me gà contà - la gà scoverto el leto, gnanca che gavesi podudo eser sconta soto dele coverte (va ben ch'el magnar el fazeva pitosto... par farve un esempio: ogi se magnava pastasuta - rigatoni, pene o altra pasta curta - e l'indomani el "menù" consisteva, a pranzo, in "pasta al forno". Bon volè saver come che vigniva fata sta "pasta al forno"? Lo gò visto co'i mii oci 'na setimana che jero de turno par 'ndar a cior el carel dela boba in cusina: ghe jera enormi pignatoni e là drento i pestava par ben la pastasuta vanzada el giorno prima e pò, co la jera ben ben deventada un maton tuto coloso, i lo tajava in retangoli; ma comunque qualcosa se jera costreti a magnar se no se voleva morir de fame e podarè imaginarve la fame che se podedeva gaver a quel'età), anca se el leto el jera piato e, metendose la man sui fianchi la gà dito "Mi volarìa saver con che permeso la xe scampada!" e, sta qua xe 'na granda dimostrazion del'inteligenza de qualcheduna dele "sine" che gavevimo là!
Nel fratempo mia mama gaveva finido de far quel che la doveva e, a sto punto, xe vegnuda fora la "pocheza" de zerte "Istituzioni Benefiche": i me gà fato spojar de tuti i vestidi (ve ricordè che ve gò contado che mi, par scampar, gavevo sielto i più novi e bei) e i me gà mandado fora al 2 de dezembre con indoso solo che un par de mudande, 'na sotoveste de coton, un par de scarpe tute scalcagnade, senza calze e con quel brutisimo "capoto griso" (che se riconoseva tre ore lontan de 'ndove ch'el rivava), tanto che mia mama la gà dovudo "postegiarme" in un bar difronte al'Istituto par poder 'ndar a comprar qualcosa de meterme indoso - roba che gò podudo far in tel c...o del bar. E no xe miga finida quà, machè, no i gà voludo darme gnanca i libri de scola parchè, naturalmente, i li gaveva compradi lori; cusì (visto che mia mama no la gaveva i schei per rimpiazarli) gò dovudo far - se pol dir tuta, visto che jera 'pena dezembre - la terza "Avviamento Commerciale", senza libri e meno mal che i profesori xe stadi boni con mi, lasandome studiar la lezion dela materia del momento par almeno un vinti minuti prima de scuminziar co' la nova e, intanto, le mie compagne de scola le se fazeva un "ripasin".
Par stanote basta co'i "paeseti", se risentimo ogi dopopranzo, ciau a tuti con simpatia, Lela.
Il vero "giusto" è colui che si sente sempre per metà colpevole dei misfatti altrui!
Sto quà lo gaverìa dovudo inserir prime dei tre de Via Pascoli, parchè in via Udine ghe son stada - ma lo gò zà dito de qualche altra parte - fin che nò gò finido la V elementare.
EL "PAESETO DE VIA UDINE"
(L'ignobile fine de un mongomeri)
In t'un post ve gavevo dito che ve gaverìa contado qualcosa de "quando che 'ndavimo a cior la boba" in Via G.Gozzi.
La "Scala dei Lauri" che da "Campo Belvedere" la ne portava là, la gà visto diversi episodi (divertenti o meno).
Gò dito la "ne portava" parchè de solito, de dopopranzo e ala domenica andavo sempre a cior sta "boba" co' mio fradel Jure.
Partivimo de casa con la "famosa cartela spuzolente" e se metevimo in marcia par far sto lavor. 'Na domenica de matina (la domenica i ne dava pranzo e zena tut'insema), me ricordo, che jera vignudo co' noi anca un amico de mio fradel. Mi gavevo indoso un "Montgomery" maron, co'l suo bel capucio e i sui alamari; tornando indrio, mjo fradel e sto suo amico i gà scuminziado a zogar co'i fiamiferi "controvento" che, me ricordo, i li vendeva in quele bele scatolete rotonde e i gaveva le "teste" de tuti i colori.
Bon, zoga che te zoga, impiza che te impiza, un de sti fiamiferi el xe finido nel capucio del mio "Montgomery" e i mii cavei (che jera longhi) i gà ciapado fogo!
Intanto che mi zigavo come 'na còfe, mio fradel e sto altro muleto - spaventai anca lori - i zercava de distudar i mii cavei tirandome scopeloti, prima co' le man (forsi xe stà in alora che son deventada cusì m**a) e po' co' un par de frasche (jera pezo el tacon ch'el buso) che i gaveva ciolto dai cespui che ghe jera de fianco dela scala; no rivando a studar sto fogo i nisuna maniera, i gà pensado ben de svodarme in testa la minestra che i ne gaveva dado par zena e meno mal che nel fratempo la jera deventada pena, pena tiepeda. Ve laso imaginar la siena: mi che zigavo prima pa'l fogo e i scopeloti ciapai e po' parchè i me gaveva slavazado tuta co sta minestra, intanto - fra un zigo e l'altro - zercavo de darghe piàde in te'i stinchi a tuti do e tuti quei che pasava de soto che i ne vardava co'i oci fora dela testa.
E no la jera finida, parchè dovevimo 'ncora 'ndar a casa e contarghe a mama oltra a parchè mi gavevo i cavei mezi brusai e jero tuta sporca de minestra (compreso el Montgomery, che 'sai el me piaseva) ma anca che jerimo restadi senza zena: e là xe sta dolori! Mama che zigava "Ma cosa, ogni zorno più sempi deventè" e zò un scapeloto; "Ve gò dito mile volte che no se zoga co'i fiamiferi" e zò 'n'altro scapeloto; "E po': indove gavè trovado i schei par comprarli" e "spatapam" 'na sc'iafa; "E 'deso: cosa magnaremo par zena?" e 'naltra sc'iafa che partiva e vanti de sto paso (meno mal che ogni tanto rivavimo a schivar qualche scopeloto e qualche sc'iafa) fino a chè no gavemo rivado a sconderse soto el "leton" in camera: là no la rivava guantarne parchè par ela el spazio tra el bordo e el pavimento el jera tropo baso e no la ghe pasava.
Cusì inveze de pranzar (ma quel no me gà dispiasudo più che tanto, parchè par pranzo i ne gaveva conzado "pastasciutta con le sarde" che la fazeva pitosto schifo, più o meno come tuto quel che i ne dava de magnar; penseve che mi jero convinta che le verze no le me piasesi fin a quando no me le gò cusinade de sola) e de zenar, dopo gaver frignado par un fià, se gavemo meso a vardar vece foto che la tegniva i t'un par de scatole de legno proprio soto el leto e là se gavemo indormenzà!
Aaaah, benedeti fioi, quante che ghe ne combinavimo!!!
Ciau a tuti, par el momento, ma torno.
EL "PAESETO DE VIA UDINE"
(L'ignobile fine de un mongomeri)
In t'un post ve gavevo dito che ve gaverìa contado qualcosa de "quando che 'ndavimo a cior la boba" in Via G.Gozzi.
La "Scala dei Lauri" che da "Campo Belvedere" la ne portava là, la gà visto diversi episodi (divertenti o meno).
Gò dito la "ne portava" parchè de solito, de dopopranzo e ala domenica andavo sempre a cior sta "boba" co' mio fradel Jure.
Partivimo de casa con la "famosa cartela spuzolente" e se metevimo in marcia par far sto lavor. 'Na domenica de matina (la domenica i ne dava pranzo e zena tut'insema), me ricordo, che jera vignudo co' noi anca un amico de mio fradel. Mi gavevo indoso un "Montgomery" maron, co'l suo bel capucio e i sui alamari; tornando indrio, mjo fradel e sto suo amico i gà scuminziado a zogar co'i fiamiferi "controvento" che, me ricordo, i li vendeva in quele bele scatolete rotonde e i gaveva le "teste" de tuti i colori.
Bon, zoga che te zoga, impiza che te impiza, un de sti fiamiferi el xe finido nel capucio del mio "Montgomery" e i mii cavei (che jera longhi) i gà ciapado fogo!
Intanto che mi zigavo come 'na còfe, mio fradel e sto altro muleto - spaventai anca lori - i zercava de distudar i mii cavei tirandome scopeloti, prima co' le man (forsi xe stà in alora che son deventada cusì m**a) e po' co' un par de frasche (jera pezo el tacon ch'el buso) che i gaveva ciolto dai cespui che ghe jera de fianco dela scala; no rivando a studar sto fogo i nisuna maniera, i gà pensado ben de svodarme in testa la minestra che i ne gaveva dado par zena e meno mal che nel fratempo la jera deventada pena, pena tiepeda. Ve laso imaginar la siena: mi che zigavo prima pa'l fogo e i scopeloti ciapai e po' parchè i me gaveva slavazado tuta co sta minestra, intanto - fra un zigo e l'altro - zercavo de darghe piàde in te'i stinchi a tuti do e tuti quei che pasava de soto che i ne vardava co'i oci fora dela testa.
E no la jera finida, parchè dovevimo 'ncora 'ndar a casa e contarghe a mama oltra a parchè mi gavevo i cavei mezi brusai e jero tuta sporca de minestra (compreso el Montgomery, che 'sai el me piaseva) ma anca che jerimo restadi senza zena: e là xe sta dolori! Mama che zigava "Ma cosa, ogni zorno più sempi deventè" e zò un scapeloto; "Ve gò dito mile volte che no se zoga co'i fiamiferi" e zò 'n'altro scapeloto; "E po': indove gavè trovado i schei par comprarli" e "spatapam" 'na sc'iafa; "E 'deso: cosa magnaremo par zena?" e 'naltra sc'iafa che partiva e vanti de sto paso (meno mal che ogni tanto rivavimo a schivar qualche scopeloto e qualche sc'iafa) fino a chè no gavemo rivado a sconderse soto el "leton" in camera: là no la rivava guantarne parchè par ela el spazio tra el bordo e el pavimento el jera tropo baso e no la ghe pasava.
Cusì inveze de pranzar (ma quel no me gà dispiasudo più che tanto, parchè par pranzo i ne gaveva conzado "pastasciutta con le sarde" che la fazeva pitosto schifo, più o meno come tuto quel che i ne dava de magnar; penseve che mi jero convinta che le verze no le me piasesi fin a quando no me le gò cusinade de sola) e de zenar, dopo gaver frignado par un fià, se gavemo meso a vardar vece foto che la tegniva i t'un par de scatole de legno proprio soto el leto e là se gavemo indormenzà!
Aaaah, benedeti fioi, quante che ghe ne combinavimo!!!
Ciau a tuti, par el momento, ma torno.
Il vero "giusto" è colui che si sente sempre per metà colpevole dei misfatti altrui!
Anca sto anedoto quà - come quel che gò pena postado - el gavesi dovudo eser meso prima de quei de Via Pascoli, e cusì sarà anca par el prosimo.
"EL PAESETO DE VIA UDINE"
Mia mama e mio papà el dopopranzo, de solito, i 'ndava a farse un pisoco e, se jerimo castigai par qualcosa, mi e Jure - no podendo 'ndar in Ricreatorio - dovevimo in qualche magnera far pasar el tempo, speze d'istà co no' jera scola.
Ve gò zà contado che abitavimo in t'un sototeto de un condominio indove che ghe jera anca le sofite dei altri inquilini. Bon, in mezo al posto - 'ndove, torno torno, ghe jera le cantine - jera piazada 'na speze de divisorio in matoni de forma retangolare e, dela parte 'ndove che ghe jera l'abain, mia mama ghe gaveva piazado 'na vecia credenza de legno, piturada de bianco (parchè in casa no la ghe stava per via del teto in piover) e, là la tigniva - oltre che piati e altre robe de cusina - sul pian che divideva el toco de soto da quel de sora dela credenza, un vaso de vetro 'ndove (quando che la li gaveva) la meteva i fiori.
Un dopopranzo, mi e Jure, intanto che mama e papà pisocava, gavemo pensado ben de zogar co 'na vecia carozela de fioi (me ricordo che la jera 'sai più basa de quele moderne) e, 'na volta mi e 'na volta lù a turno, un se sentava drento e l'altro lo sburtava intorno a sto divisorio; solo che Jure a un zerto punto el se gà lasado ciapar la man e ogni volta che ghe tocava a lù sburtar la carozela (con mi de drento) el coreva sempre un fià più forte, fin quando no'l se ga proprio meso a corer! Mi go scuminziado a gaver paura e ghe zigavo (no tanto forte, se no i mii se svejava) de 'ndar più pian: ma lù gnente: sempre più forte l'andava, fino a che, in t'un de sti ziri a tuto spian, el xe 'ndado a sbater proprio contro la credenza e, quel zorno, ghe jera anca i fiori in tel vaso de vetro.
Spatatrachete: e la credenza co' tuto el vaso de fiori se gà ribaltado 'doso de mi! Mi urlavo coma 'na mata, el vaso de fiori se gaveva roto e jera fiori e aqua de tute le parti (oltre che doso de mi) e la credenza no la jera più proprio tuta intiera.
Co' tuto quel bacan, xe ovio che mia mama e mio papà i se gà svejado e cò mia mama gà visto cos'che gavevimo combinado, la se gà meso a zigar 'ncora più forte de quanto zà zigavo mi e: "Ecoli sti do m**e n'altra volta, gnanca dormir no se pol!" e, intanto scuminziava "spatapim, spatapam" a svolar manriversi! "E po, vara Pubi (mio papà se ciamava Giuseppe, ma i lo ciamava cusì) cos'che i gà combinado: anca el vaso de fiori i me gà roto!" e sbam, un scopeloto! El bruto jera che li ciapavo squasi tuti mi, parchè jero 'ncora partera, co un fior de qua e un de là, tochi de zeramica dei piati torno de mi, oltre che tochi de credenza e un lago de aqua! Mio fradel el jera zà rivado a scampar soto del leto e, mia mama, imbestialida 'ncora de più parchè no la rivava a guantarlo, la me dava a mi anca le sberle che ghe spetava a lù (ma l'indoman me sarìa vendicada e gavevo zà inamente come, ma stà quà xe n'altra storia); "Ma, cosa Pubi, te son deventado m..a anca ti che no te ghe dixi gnente?", mio papà, ch' el gaveva squasi più paura de noi, el stava zito zito in t'un canton "Mejo starghe lontan in sti momenti - credo ch'el gavarà pensado - se no xe ris'cio che me beco qualca tiro anca mi" e, de tanto incavolada che la jera, no poso darghe torto. Intanto mama la 'ndava vanti a zigar e a menar sc'iafe a tuto spian, quando par fortuna gò rivado a ingrumarme anca mi e a filar soto el leto:
Conclusion: el povaro papaci el se gà dovudo subiar tuta la rabia che la gaveva indoso (par eser sinzera no poso darghe torto gnanca a ela) e mi e Jure n'altra volta se gavemo indormenzado soto el leto, saltando la zena!
Se "sentimo" fra un momentin, ciau Lela.
"EL PAESETO DE VIA UDINE"
Mia mama e mio papà el dopopranzo, de solito, i 'ndava a farse un pisoco e, se jerimo castigai par qualcosa, mi e Jure - no podendo 'ndar in Ricreatorio - dovevimo in qualche magnera far pasar el tempo, speze d'istà co no' jera scola.
Ve gò zà contado che abitavimo in t'un sototeto de un condominio indove che ghe jera anca le sofite dei altri inquilini. Bon, in mezo al posto - 'ndove, torno torno, ghe jera le cantine - jera piazada 'na speze de divisorio in matoni de forma retangolare e, dela parte 'ndove che ghe jera l'abain, mia mama ghe gaveva piazado 'na vecia credenza de legno, piturada de bianco (parchè in casa no la ghe stava per via del teto in piover) e, là la tigniva - oltre che piati e altre robe de cusina - sul pian che divideva el toco de soto da quel de sora dela credenza, un vaso de vetro 'ndove (quando che la li gaveva) la meteva i fiori.
Un dopopranzo, mi e Jure, intanto che mama e papà pisocava, gavemo pensado ben de zogar co 'na vecia carozela de fioi (me ricordo che la jera 'sai più basa de quele moderne) e, 'na volta mi e 'na volta lù a turno, un se sentava drento e l'altro lo sburtava intorno a sto divisorio; solo che Jure a un zerto punto el se gà lasado ciapar la man e ogni volta che ghe tocava a lù sburtar la carozela (con mi de drento) el coreva sempre un fià più forte, fin quando no'l se ga proprio meso a corer! Mi go scuminziado a gaver paura e ghe zigavo (no tanto forte, se no i mii se svejava) de 'ndar più pian: ma lù gnente: sempre più forte l'andava, fino a che, in t'un de sti ziri a tuto spian, el xe 'ndado a sbater proprio contro la credenza e, quel zorno, ghe jera anca i fiori in tel vaso de vetro.
Spatatrachete: e la credenza co' tuto el vaso de fiori se gà ribaltado 'doso de mi! Mi urlavo coma 'na mata, el vaso de fiori se gaveva roto e jera fiori e aqua de tute le parti (oltre che doso de mi) e la credenza no la jera più proprio tuta intiera.
Co' tuto quel bacan, xe ovio che mia mama e mio papà i se gà svejado e cò mia mama gà visto cos'che gavevimo combinado, la se gà meso a zigar 'ncora più forte de quanto zà zigavo mi e: "Ecoli sti do m**e n'altra volta, gnanca dormir no se pol!" e, intanto scuminziava "spatapim, spatapam" a svolar manriversi! "E po, vara Pubi (mio papà se ciamava Giuseppe, ma i lo ciamava cusì) cos'che i gà combinado: anca el vaso de fiori i me gà roto!" e sbam, un scopeloto! El bruto jera che li ciapavo squasi tuti mi, parchè jero 'ncora partera, co un fior de qua e un de là, tochi de zeramica dei piati torno de mi, oltre che tochi de credenza e un lago de aqua! Mio fradel el jera zà rivado a scampar soto del leto e, mia mama, imbestialida 'ncora de più parchè no la rivava a guantarlo, la me dava a mi anca le sberle che ghe spetava a lù (ma l'indoman me sarìa vendicada e gavevo zà inamente come, ma stà quà xe n'altra storia); "Ma, cosa Pubi, te son deventado m..a anca ti che no te ghe dixi gnente?", mio papà, ch' el gaveva squasi più paura de noi, el stava zito zito in t'un canton "Mejo starghe lontan in sti momenti - credo ch'el gavarà pensado - se no xe ris'cio che me beco qualca tiro anca mi" e, de tanto incavolada che la jera, no poso darghe torto. Intanto mama la 'ndava vanti a zigar e a menar sc'iafe a tuto spian, quando par fortuna gò rivado a ingrumarme anca mi e a filar soto el leto:
Conclusion: el povaro papaci el se gà dovudo subiar tuta la rabia che la gaveva indoso (par eser sinzera no poso darghe torto gnanca a ela) e mi e Jure n'altra volta se gavemo indormenzado soto el leto, saltando la zena!
Se "sentimo" fra un momentin, ciau Lela.
Il vero "giusto" è colui che si sente sempre per metà colpevole dei misfatti altrui!
Ve gò zà dito in t'un post prezedente, che par un periodo (pena scampada del'E.C.A. e prima de 'ndar a star a Rojan fin quando a 17, squasi 18 ani me gò sposà) gò abitado in "Salita de Greta al n° 15 con mia mama, el suo novo compagno e mio fradel ch'el jera zà tornado casa del "colegio" e, questo anedo riguada quela parte dela mia vita.
SALITA DE GRETA, 15
Scampada del colegio, gò par qualche ano visudo in "Salita de Greta", come che gò za gavudo ocasion de contarve e, sempre come che gò zà dito, abitavo insema a mia mama, el suo omo e mio fradel Giorgio (deto "Jure" l'Indian - Indian par via del "tajo de cavei" ch'el gaveva) che el jera 'sai pasionà de biciclete e el se sentiva un "campion".
Bon, un zorno - jera d'istà - co l'ultimo suo "aquisto" ('na bici tuta nera con tacade sia la pompa par gonfiar le riode che 'na boracia) el parti - tuto imborezà - verso le oto e meza de matina, par 'ndar a farse un zireto.
Ale zinque e meza de dopopranzo, co' mia mama la tornava del lavor, la voleva che (asolutamente, se no jera biava) fusimo a casa tuti e do!
Jera le zinque e ancora no'l jera tornado, ale sìe gnente ancora: mama gaveza zà scuminziado co la sua tiritera: "Speta, speta ch'el rivi! Te vederà ti quante che le ciapa!!!" e via 'ndare.
Speta che te speta, sarà stade le sete e meza, te lo vedi vegnir su per la salida a pìe, mogio mogio, tegnindo in t'una man la pompa dela bici e in quel'altra la boracia.
Co'l riva a casa mia mama la scuminzia a sbraitar: "Ma cosa xe questa l'ora de tornar?" e zò na sc'iafa "E la bici: indove la xe?" e zò n'altro scapeloto!
Finalmente, co la se gà calmado un fiàtin e mio fradel el gà rivà verzer boca el ghe conta che, 'nando zò par 'na discesa rente l'Ospedal, el xe 'ndà a sgnacarse contro la portiera verta de n'auto. Mia mama la ghe gà dito: "Ma cosa, te son m**a? Indove te gavevi i oci?" e mio fradel: "Te sa mama, in quel momento no stavo vardando davanti de mi (el parchè no se gà mai savudo parche in t'el fratempo ch'el ghe contava jera partida 'naltra papina) e cusì xe nato el patatrac! El gà terminà de dir co'l gà rivado de novo verzer boca".
E là, mama, zò altre bote sia parchè el gaveva roto la bici, sia parchè el ghe gaveva scardinà la portiera del'auto indove che'l jera 'ndado a sbater, ma sopratuto par el spavento che el ghe gaveva fato ciapar: prima parchè el jera tornado tardi e po' par quel ch'el ghe gaveva contado!
Mi, inveze, "ridevo soto i bafi": no' parchè mama lo gaveva imbiavà (anca se me sucedeva 'sai più speso a mi), no son cusì cativa! Ma parchè el se sentiva un "grande campion" e inveze par 'na volta el gà dovudo sbasar le rece e el gà fato la figura del "grande c***n"!!!
Bon, par stanote basta parché me se stà incrosando i oci!
Ciau a tuti con simpatia, Lela.
SALITA DE GRETA, 15
Scampada del colegio, gò par qualche ano visudo in "Salita de Greta", come che gò za gavudo ocasion de contarve e, sempre come che gò zà dito, abitavo insema a mia mama, el suo omo e mio fradel Giorgio (deto "Jure" l'Indian - Indian par via del "tajo de cavei" ch'el gaveva) che el jera 'sai pasionà de biciclete e el se sentiva un "campion".
Bon, un zorno - jera d'istà - co l'ultimo suo "aquisto" ('na bici tuta nera con tacade sia la pompa par gonfiar le riode che 'na boracia) el parti - tuto imborezà - verso le oto e meza de matina, par 'ndar a farse un zireto.
Ale zinque e meza de dopopranzo, co' mia mama la tornava del lavor, la voleva che (asolutamente, se no jera biava) fusimo a casa tuti e do!
Jera le zinque e ancora no'l jera tornado, ale sìe gnente ancora: mama gaveza zà scuminziado co la sua tiritera: "Speta, speta ch'el rivi! Te vederà ti quante che le ciapa!!!" e via 'ndare.
Speta che te speta, sarà stade le sete e meza, te lo vedi vegnir su per la salida a pìe, mogio mogio, tegnindo in t'una man la pompa dela bici e in quel'altra la boracia.
Co'l riva a casa mia mama la scuminzia a sbraitar: "Ma cosa xe questa l'ora de tornar?" e zò na sc'iafa "E la bici: indove la xe?" e zò n'altro scapeloto!
Finalmente, co la se gà calmado un fiàtin e mio fradel el gà rivà verzer boca el ghe conta che, 'nando zò par 'na discesa rente l'Ospedal, el xe 'ndà a sgnacarse contro la portiera verta de n'auto. Mia mama la ghe gà dito: "Ma cosa, te son m**a? Indove te gavevi i oci?" e mio fradel: "Te sa mama, in quel momento no stavo vardando davanti de mi (el parchè no se gà mai savudo parche in t'el fratempo ch'el ghe contava jera partida 'naltra papina) e cusì xe nato el patatrac! El gà terminà de dir co'l gà rivado de novo verzer boca".
E là, mama, zò altre bote sia parchè el gaveva roto la bici, sia parchè el ghe gaveva scardinà la portiera del'auto indove che'l jera 'ndado a sbater, ma sopratuto par el spavento che el ghe gaveva fato ciapar: prima parchè el jera tornado tardi e po' par quel ch'el ghe gaveva contado!
Mi, inveze, "ridevo soto i bafi": no' parchè mama lo gaveva imbiavà (anca se me sucedeva 'sai più speso a mi), no son cusì cativa! Ma parchè el se sentiva un "grande campion" e inveze par 'na volta el gà dovudo sbasar le rece e el gà fato la figura del "grande c***n"!!!
Bon, par stanote basta parché me se stà incrosando i oci!
Ciau a tuti con simpatia, Lela.
Il vero "giusto" è colui che si sente sempre per metà colpevole dei misfatti altrui!
Sto quà, tra un "paeseto"e l'altro xe un intervalo, se trata de un'istà pasada in Friul a casa del mio nono materno, dovevo far i 11 ani a setembre e, finide le Elementari, in autuno - nà volta, la scola la scuminziava el 2 de otobre, par tuti; po' el 4 xe San Francesco d'Assisi e jera zà un zorno de festa parchè a quei tempi nò i la gaveva ancora abolida, come gnanca la festa de San Nicolò - gaverìa scuminziado "l'Avviamento Commerciale" e nò savevo 'ncora che mama e papà i stava par lasarse e che mi e mio fradel Jure saremo 'ndadi a finir al'E.C.A., jera solo un'istà come 'n'altra.
VACANZE IN FRIULI
Miia mama la jera nativa dele "Valli del Natisone" e, prezisamente, de un paesin - che se ciamava "Cernizza", ogi penso completamente disabitado: fina a 18 ani fà ghe jera ancora la fameja più benestante e pratriarcale, ma el fìo del paron el fazeva el "Cerin" a Zividal - abitado de poche anime, su par un monte; vizin (proprio tanto vizin, no! Ghe voleva almeno un'ora de coriera e po 'na meza ora a pìe su pa'l monte) a "Cividale del Friuli".
D'istà, ogni tanto la ne portava in vacanza dai sui zenitori che i gaveva 'na speze de "fatoria" con vache, cavai de tiro, porchi, galine e oche olter adiversi tochi de teen sparsi quà e là, indove che i 'ndava a far el fien, oi coltivava patate o granturco: bianco e zaalo. Quel bianco i lo doprava par la polenta - el pan i lo fazeva 'nà volta par setimana e el bastava proprio parché i magnava tanta polenta con tuto: zà la matina se scuminziava co' le fete de polenta fata el zorno prima e mese a scardar sora dela piastra del fogoler a legni (quel co'i cerci de sora che se podeva cavar a seconda dela grandeza dela pignata che i gaveva de doprar) e se le magnava drento al late 'pena smonto e con un pizighin de sal (me ricordo 'ncora, parché mia mama la gaveva mantignudo sta abitudine anca co' la se rivada a Trieste, el tajer de lego che i doprava par svodarghe de sora la polenta e, co' un fil bianco, rodolado intorno al manigo de sto tajer, par tajar la polenta con un metodo tuto de lori: li cioleva sto doco de fil bastanza longo - che i doprava par diverso tempo - e, dopo averghe fat de sora (in aria) el segno dela crose, i scuminziava tajar la polenta a fete, partindo dal de soto (per farghe vignir fora el vapor) prima par un verso e, finido quel, i scuminziava del'altro verso im magnera de otignir dele porzioni quadrate; mente la farina zala i la doprava par fraghe el "paston" ai porchi .
Bon, anca là mi e Jure ghe ne combinavimo qualcheduna dele nostre.
A mi (che pur tanto amo i animai) e a lù ne piaseva 'sai corerghe drio a 'na oca bianca zota, che no la jera dei nostri noni, ma dela fameja più benestante (quela che gaveva più bestie e più teren) de tuti quei che i abitava in stò paeseto. Ne piaseva corerghe drio parchè jera l'unica che - se gavevimo fortuna - rivavimo a ciapar.
Un zorno se gavemo meso, come el solito, a corerghe drio a sta oca povareta, che, insema ale sue compagne, la stava razolando su e zò par el paese; dopo verghe corso drio par un bel fià, intanto che la starnazava come 'na mata, sta bruta..., la gà pensado ben de rampigarse su par el recinto del cortil dei sui paroni e, noi, drìo.
Al de quà de sta recinzion (cioè fora dela casa de sti siori) ghe jera l'unica fontana del paese, co' l'aqua che coreva sempre e formada a dò vasche tacade insema: la più picia la jera un fìa più in baso dela principale e l'aqua, trabocando da questa la 'ndava a finir là. I abitanti i 'ndava a cior aqua e i beverava lle bestie in quela più granda, mentre in quela più picia le babe le andava a lavar le straze.
Par corerghe drio, mi son montada su sta fontana e, visto che la jera piena de licheni "spataplùnfete" son sbrisada drento. Co son rivada a tornar suso ghe gò dito a Jure che, sul fondo, gavevo visto el tapo de conserva a forma de dital (de quei de plastica rosi, che 'na volta i doprava par serar el conzentrà de pomidoro in tubeto - jera de poco che el conzentrà el vigniva vendudo in tubeti o in scatolete de lata tipo quele dei pelati de ogi zorno - prima i lo vendeva a "deca" drento un scartozeto fato co' la carta oleada) e sto m**a: "s'ciunfete" el se gà butado drento anca lù par vardar de rivar a ricuperarlo.
Naturalmente semo tornai a casa tuti slavazadi e nostra mama, dopo 'ver starnazado drio pezo che l'oca bianca e zota in quistion e gaverne - come al solito - imbiavadi ben ben (là no ghe jera gnanca el leton par scondarse soto) là ne gà spoiadi nudi e la né gà conzado in leto e iera zirca, le undise de matina: la gaveva dovudo far cusì parchè no la gaveva più gnanca un cambio de vestidi neto de meterne indoso!
No la li gaveva parchè, tra le altre marachele che combinavimo, ghe jera anca quela de 'ndar rubar fruti nei fruteti dei altri e de portarli a casa sconti drento dela camisa, con l'efeto che podè imaginarve!
Ri-ciau, sempre con simpatia, Lela.
VACANZE IN FRIULI
Miia mama la jera nativa dele "Valli del Natisone" e, prezisamente, de un paesin - che se ciamava "Cernizza", ogi penso completamente disabitado: fina a 18 ani fà ghe jera ancora la fameja più benestante e pratriarcale, ma el fìo del paron el fazeva el "Cerin" a Zividal - abitado de poche anime, su par un monte; vizin (proprio tanto vizin, no! Ghe voleva almeno un'ora de coriera e po 'na meza ora a pìe su pa'l monte) a "Cividale del Friuli".
D'istà, ogni tanto la ne portava in vacanza dai sui zenitori che i gaveva 'na speze de "fatoria" con vache, cavai de tiro, porchi, galine e oche olter adiversi tochi de teen sparsi quà e là, indove che i 'ndava a far el fien, oi coltivava patate o granturco: bianco e zaalo. Quel bianco i lo doprava par la polenta - el pan i lo fazeva 'nà volta par setimana e el bastava proprio parché i magnava tanta polenta con tuto: zà la matina se scuminziava co' le fete de polenta fata el zorno prima e mese a scardar sora dela piastra del fogoler a legni (quel co'i cerci de sora che se podeva cavar a seconda dela grandeza dela pignata che i gaveva de doprar) e se le magnava drento al late 'pena smonto e con un pizighin de sal (me ricordo 'ncora, parché mia mama la gaveva mantignudo sta abitudine anca co' la se rivada a Trieste, el tajer de lego che i doprava par svodarghe de sora la polenta e, co' un fil bianco, rodolado intorno al manigo de sto tajer, par tajar la polenta con un metodo tuto de lori: li cioleva sto doco de fil bastanza longo - che i doprava par diverso tempo - e, dopo averghe fat de sora (in aria) el segno dela crose, i scuminziava tajar la polenta a fete, partindo dal de soto (per farghe vignir fora el vapor) prima par un verso e, finido quel, i scuminziava del'altro verso im magnera de otignir dele porzioni quadrate; mente la farina zala i la doprava par fraghe el "paston" ai porchi .
Bon, anca là mi e Jure ghe ne combinavimo qualcheduna dele nostre.
A mi (che pur tanto amo i animai) e a lù ne piaseva 'sai corerghe drio a 'na oca bianca zota, che no la jera dei nostri noni, ma dela fameja più benestante (quela che gaveva più bestie e più teren) de tuti quei che i abitava in stò paeseto. Ne piaseva corerghe drio parchè jera l'unica che - se gavevimo fortuna - rivavimo a ciapar.
Un zorno se gavemo meso, come el solito, a corerghe drio a sta oca povareta, che, insema ale sue compagne, la stava razolando su e zò par el paese; dopo verghe corso drio par un bel fià, intanto che la starnazava come 'na mata, sta bruta..., la gà pensado ben de rampigarse su par el recinto del cortil dei sui paroni e, noi, drìo.
Al de quà de sta recinzion (cioè fora dela casa de sti siori) ghe jera l'unica fontana del paese, co' l'aqua che coreva sempre e formada a dò vasche tacade insema: la più picia la jera un fìa più in baso dela principale e l'aqua, trabocando da questa la 'ndava a finir là. I abitanti i 'ndava a cior aqua e i beverava lle bestie in quela più granda, mentre in quela più picia le babe le andava a lavar le straze.
Par corerghe drio, mi son montada su sta fontana e, visto che la jera piena de licheni "spataplùnfete" son sbrisada drento. Co son rivada a tornar suso ghe gò dito a Jure che, sul fondo, gavevo visto el tapo de conserva a forma de dital (de quei de plastica rosi, che 'na volta i doprava par serar el conzentrà de pomidoro in tubeto - jera de poco che el conzentrà el vigniva vendudo in tubeti o in scatolete de lata tipo quele dei pelati de ogi zorno - prima i lo vendeva a "deca" drento un scartozeto fato co' la carta oleada) e sto m**a: "s'ciunfete" el se gà butado drento anca lù par vardar de rivar a ricuperarlo.
Naturalmente semo tornai a casa tuti slavazadi e nostra mama, dopo 'ver starnazado drio pezo che l'oca bianca e zota in quistion e gaverne - come al solito - imbiavadi ben ben (là no ghe jera gnanca el leton par scondarse soto) là ne gà spoiadi nudi e la né gà conzado in leto e iera zirca, le undise de matina: la gaveva dovudo far cusì parchè no la gaveva più gnanca un cambio de vestidi neto de meterne indoso!
No la li gaveva parchè, tra le altre marachele che combinavimo, ghe jera anca quela de 'ndar rubar fruti nei fruteti dei altri e de portarli a casa sconti drento dela camisa, con l'efeto che podè imaginarve!
Ri-ciau, sempre con simpatia, Lela.
Il vero "giusto" è colui che si sente sempre per metà colpevole dei misfatti altrui!
