El xe stado anche mio professor de latin e grego al Dante e posso confermar quanto raccontado nei articoli.
Un appassionado dela sua materia, della classicità, ma non , come altri insegnanti altrettanto validi che go avudo, ancorado a sto passato, no, una persone che nella classicità vedeva una bussola per l'omo de oggi, perchè i valori dei classici per lui iera i valori de omo de sempre. Difatti el la gaveva col storicismo, che tendi a inquadrar le persone nel epoca: per lui l'essere umano xe sempre quel, e i classici ga avudo la gran capacità de presentarlo e descriverlo in modo insuperabile.
Ciò premesso, el iera una persona piena de fogo, le sue lezioni vivaci, la disciplina indiscussa ( no per gnente el iera stado alpin..). Co el iera soddisfatto, el te dava anche dieci ( dopo averte assai tamisado prima per veder se te meritavi la sua fiducia), o el iera pronto a discuter el voto con la classe per tirarlo suso, ma se el nasava che te ieri un spuzafadighe, arrivava un "Questo per me è quattro" sul quale nissun podeva azzardarse a fiatar. E un 4 de Duilio ( come che lo ciamavimo tutti affettuosamente) mi credo che no gavessi osado modificarlo gnanca el Ministro della Pubblica Istruzion..
Famosi, come che conta i articoli sul Piccolo, i cosiddetti Compiti senza vocabolario, che nella prima variante, che go conossudo mi, voleva dir: due ore de tema, la prima ora tutti i vocabolari pozai vizin dela cattedra, po el primo anno vocabolario al inizio della seconda ora, el secondo anno dopo un'ora e un quarto, e l'ultimo anno solo l'ultima mezz'ora. Obiettivo: far rifletter sul testo, la sua costruzion, el senso , la logica del discorso, provar a far ipotesi sui vocaboli sconosciuti sula base dele radici verbali che se conosseva... al momento del permesso del vocabolario la version iera quasi za fatta, solo con qualche puntin al posto del termine ignoto.. anche se devo dir che mi sia de latin alle medie che de greco al ginnasio go avudo due straordinarie professoresse che me gaveva dado una base per affrontar Duilio senza alcuna paura.
Me aspetto un articolo de Rumiz, o meo me meravigliasi molto se Rumiz no lo scrivessi.
Eccove Duilio ai tempi del liceo, in cui se vedi i famosi calzini curti a cui fa riferimento un dei articoli
e in una immagine più confusa, ai 25 anni dela nostra maturità
