El 26 giungno 2007 go messo sta serie de statue sui monumenti (per inciso go visto che image-maledeto-shack ghe ne ga magnade una bona percentual) e finalmente, come promesso, me son deciso a inserir l'argomento: Statue sule casesum culex ha scritto: Go ciolto in considerazion staue e monumenti che xè in vie, piaze e giardini, escludendo tute quele che xè sule case, come per esempio el tribumal o casa Smolars (me riservo de far in seguito una serie su sto argomento) Logicamente tante foto xè o sarà ripetude nele serie dedicade ai posti dove che le se trova, ma go pensà (forsi sbagliando: diseme voi) de riunirle in un'unica omogenea serie su sto argomento, per chi che lo vol consultar.
Go diviso el tuto su piaze, vie, palazi., indicando solo dove che le se trova.
Se qualchedun vol far qualche comento (in particolar babaTS) el xè e benvignù.
Xè una roba longa (151 foto) racolte in diversi ani: bisogna guardarla con calma, avendo bastanza tempo davanti.
Ringrazio fin de adesso er la pasienza chi che riverà a guardar tuta la serie.
Prima giremo per le piaze e dopo faremo una carelada per le varie vie e palazi dela cità. No sarà al completo tute le imagini relative al argomento: go fato el possibile, ma se pol sempre zontar quacossa che me xè sfugi e che manca.
Foro Ulpiano: el tribunal