L'OPERA a la moda del 21mo Secolo.

[Ursus Canadiensis]

Come prima opera dela stagion del Metropolitan de New york trasmesa a vivo in alta definizipn per i cinema de tuto el mondo, el Met ne ga presentado la Tosca con Marcelo Alvarez nela parte de Cavaradossi e Karita Matilla la Tosca, e George Gagnidze nel ruolo de Scarpia. Cantanti asolutamente superbi, l'orchestra del Met che no la ocori presentazioni, insoma musica maestrosamente eseguida isoto tuti i punti....

Una sola mosca nel brodo, però. Secondo mi, e forsi son l'arcitipo del vecio bacheton, el fascino del'opera xe quel de sentarse in una sala teatrale nel ventunesimo secolo, e, pena che la luce xe calada e che el maestro ga condoto l'ultima nota del ouverture, de imergerse int' un tempo ilusorio - un'alta epoca - un'altra vita; pur savendo in anticipo de che epoca se trati, conosendo magari memoria el libreto, la storia, la musica ecc., l'esperienca resta mistica, al punto che no importa quante volte che se la gabi vista, se vol vederla ancora una volta, magari eseguida da quel o quel'altro grupo de cantanti, orchestra e condutor.

Al caso dela Tosca presentada dal Met ghe ga asolutamente mancado quel fascino. La Tosca xe stada scenegiada nel'epoca de Roma soto el fascismo...una putanadela; un altro esempio: stagion pasada, Salomè presentada con guardie armade no de spade e lancie ma con c'ciopi spianadi...e cusivìa disendo, ogni opera che el Met ne ga presentado nela stagion pasada, dal punto de vista produzion de scenegiatura, una, putanada, fior de putize de vaca e fritole de caval sul prà, doppo l'altra – ma opera sicuramente no!

La scusa? I vol atrar la gioventù ala musica lirica. El Met, che el trasmeti l'opera ala una de dopopranzo ora de NY, o le dieci de matina de noi, co se ghe da un'ociada ai spetatori, el taso de percentuale veci vs. adulti vs. giovani no ga cambià de un figo seco in sti ultimi quaranta ani, infati questa "fad" de modernizar la scenegiatura dele opere, secondo mi no solo no la ga minimamente otenudo l'obietivo de atrar gente giovine ma la ga fato el giro completo de falida, nel senso che tanti anziani spetadori fanatici del'opera no i ghe va più.

Adeso basta, se no coro el ris'cio de dir brute parole, che come che voi tuti savè, xe el contrario dela mia personalità ahem!!! rafinada, afabile e paziente, tanto prone a perdonar.

Arnie

[Nona Picia]

Qualche anno fa go visto una registrazione dela Traviata che mia sorela gaveva ciolto dela emittente tedesca Sat3. La traviata iera stada dada se no sbaglio a Venezia, dei cantanti adesso no me ricordo el nome, comunque iera famosi e anche bravi,ma la sceneggiatura la iera....tuta moderna e ala fine la povera Violeta la mori in una stanza dove che in primo pian iera un'impalcadura tipo rhem safin (no so se se scrivi cussì).

per quel che riguarda el sondagio, no saveria cossa dir, a volte go visto fioi ale opere, ma gente giovane no tanta però mi andavo de pomeriggio..... Per quel che me riguarda mi personalmente, sarò antiquada, certi estremismi no me piasi.Posso ameter che il fazi in epoca un poco più recente , ma no cambiando anche el logo dove che la se svolgi, come che i fa tante volte.

[sono piccolo ma crescero]

El paron dela tipografia dove lavorava mia mama, nel 39, andava a l'opera in logion, el se sentava drio de una colona, co le spale ala balaustra, perché el "scoltava" l'opera. A lui, evidentemente, se i gavesi cantà la Traviata coi vestiti de l'otocento o vestidi de extrateresti no ghe gaveria importà niente.

Perché che la gente continui a 'ndar a teatro, sopratuto adeso che coi stereo e la suoer alta fedeltà se pol aver una riproduzion ecelente a casa (anche se niente xe come la musica del vivo), i devi far strabuzar i oci e alora eco che la traviata xe coi rheem safim, la Tosca i la canta in jeans e, chesò, l'Elisir d'Amore tra i muli che parti militari per l'Iraq (digo per dir, no credo che i lo gabi fato).

Però xe tuto aparenza, el punto fondamental xe che mi doveria serar i oci e scoltar la musica. E, se me domandè l'opinion, mi ve dirò che secondo mi l'opera come spetacolo popolar de intratenimento xe morta. Resta la musica.

Ah sì, per coreteza devo dir che non son un apasionà de l'opera lirica e preferiso el concerto e quindi el mio giudizio pederia eser de parte.

[Nona Picia]

Personalmente mi le opere e i concerto preferisso scoltarli senza vederli, però el teatro xe anche una bela esperienza, magari costosetta se te vol veder tuto... e no sempre se pol permettersela!

[serlilian]

El stesso discorso val per l'opereta. Una volta go visto una che, inveze de esser ambientada nel Otocento, la iera finida nei anni Cinquanta. Cocola, ma niente a che far con la vera opereta, che dovessi portar in un mondo che ormai esisti solo nela fantasia.

Concludendo: no! No me piasi quando che i stravolgi la logica dela storia, solo per dir che i ga fato qualcossa de novo, che nissun gaveva mai pensado. Spero che no i se pensi un giorno de ambientar la Vedova Alegra in una baracopoli o de trasformar el Cavalino Bianco in un albergo a ore.

[serlilian]

No so come risponder al sondagio perchè:
- no credo che l'opera modernizada possi atirar gente giovine, ma pitosto far scampar quela vecia.
- qualche volta xe divertente cantar in osmiza, ma no la considero de sicuro "musica".

[babatriestina]

Se un de l'opera ghe interessa solo che la musica, esisti edizioni in disco e CD , te se le scolti casa, e te pol imaginar quel che te par.
L'opera no xe un concerto, dove che xe musica e basta, prevedi un palcoscenico, delle scene, dei costumi.. e se xe vero che el musicista ga fato el grosso, el ga spesso e e volentieri lavorado col librettista: gavè mai letto i libretti? xe certi che xe solo che le parole, ma altri descrivi propio come che se se dovessi imaginar la scena...
po xe opere e opere, certe propio la messa in scena le la domanda, penso al Aida.. esisti anche le cosiddette opere in forma de concerto, che i fazeva qualche volta per sparagnar sule scene: orchestra, i cantanti in abito de sera su l palcoscenico col spartido in man.. una volta ghe go domandando al Maestro de Banfield cossa che el pensava, e el me ga risposto : Birds, useletti che canta, ma no l'opera.
Per mi, l'opera va fatta e va fato veder in scena quel che xe scritto, se xe ambientado in un periodo, quel ga de esser: resta el caso dela Traviata, che semo abituai a vederla ( ovviamente) in abito ottocenteschi, ma allora i iera in abiti contemporanei, e anche per quel ala prima xe stado un insuccesso.
I registi che vol far le loro, motiva in diverse maniere:
1 che ormai xe sempre quel, se vol far novo, per no esser ripetitivi
2 perchè lori cussì mostra la vera essenza de l'opera ( gavè presente Ronconi, che le opere de Verdi ambientade nel Medioevo o Rinascimento el li vestiva tutti de risorgimentali per far capir el epoca de verdi..
3 perchè i li paga assai e i vol far una roba nova e i vol che se parli de lori
4 perchè i credi che i giovini se li vedi cussì ghe piaserà de più...
5 regie strane fa sparagnar scene e costumi, e i me disi che no xe più scenografi che sa far scene cola prospettiva.


ma se xe per quel, anche cola prosa, più d e una volta al Rossetti no i scherzava: me ricordo un spettacolo ( no so gnanca cossa che iera..) che i attori entrava in scena tutti atraverso i mobili..

per le cantade in osmiza, sempre bel, ma una volta i cantava anche là " la vergine degli angeli"
e , come che diseva el Campanon ala fin dele opere de de Dolcetti:

Ciò, Pepi, ti che te ga vose pal porco, pètighe la Pira!

[Ursus Canadiensis]

Me dispiasi de gaver mal postado el quiz del sondagio, ma gavevo fracaà el boton "Submit" per salio, e qua no so pol coreer una volta che el post xe stado publicado. Mea culpa, mea culpa, mea maxima culpa!

Arnie

[babatriestina]

se te vol, lassemo questa discussion e prova a rifar a parte el sondaggio in version più completa.

[AdlerTS]

Me dispiasi de gaver mal postado el quiz del sondagio, ma gavevo fracaà el boton "Submit" per salio, e qua no so pol coreer una volta che el post xe stado publicado. Mea culpa, mea culpa, mea maxima culpa!

Arnie

Se te ne disi le altre vosi de zontar penso che dovessimo rivar a farlo.

Per l'opera .... no ocori che digo che son tradizionalista

[ernesto93]

No capisso perchè tanta gente la ga co' le osmize e le osterie, fin a qualche anno fa, iera là che i muli i conosseva qualche toco de opera e i fazeva le prove de canto corale. "Sorge l'alba notte orrenda..." a qualchidùn ghe disi qualcossa? Penso a 'ssai pochi; co iero mulo iera uno dei tochi forti de qualsiasi compagnia de cantanti de osteria. E no sòn fradèl de Marco Caco, parlo dei anni '80 e qualcossa nei '90.

Xe stà proprio in un'osteria, che un cantante triestìn recentemente scomparso, el me gaveva insegnà a cantàr col diaframma. Iera l'ABC dela tecnica, che me gà iutà a stonàr de meno e dopo un poco, a meterme a sonàr i strumenti a fiato.

Musica xe musica; tempo fa iero in auto in Ungheria e iera tre stazioni che trasmeteva lirica. I ciolèva un toco de opera, i fazeva sentìr le varie versioni dei vari artisti, i ripeteva in studio col piano e con vari cantanti per farghe capìr al prossimo. In Italia dopo i ga fato uguale, ma pochi minuti e per brevi periodi, inveze in Ungheria i andava avanti per ore.

E mi scoltàvo perchè me interessa la musica e perchè imparàvo, anche se no go la passiòn de la lirica che me xe complicata sopratutto per i libreti che no conosso.

Preferisso el jazz, a proposito del quale go visto Thompson e Franco mato, svisàr in modo incredibile fora del barèto della fermata del 6 in occasiòn de una Barcolana, completamente ignoradi da la gente che passàva, no iera nianche 1 càn. E me domandavo come xe possibile e che orecia musicale ga la gente, che mi me fermo sempre quando qualchidùn sona qualsiasi roba, caso mai vado via dopo un poco se no me piasi.

Morale, che i canti vestidi o nudi, a mi no me interessa, basta che i canti e possibilmente, che i ghe insegni al prossimo.

Riguardo alla gente che critica la musica no so cossa rispondèr, mi preferisso cantàr piutosto che criticàr. Ma canto solo in auto co' mio fio, che ghe insegno le vecie canzoni, perchè in osteria e in osmiza, no se canta e no vado più.

[babatriestina]

"Sorge l'alba notte orrenda..." a qualchidùn ghe disi qualcossa? Penso a 'ssai pochi;.

Mi no frequentavo osterie e osmizze, e inveze assai la musica lirica, ma devo confessar che legendo sti versi no i me riciama alla mente gnente: te sa dirme de dove che i vien?
per la radio, per anni scoltavo Incontro con l'opera, tegnudo de Franco Soprano, che dedicava un'oretta alla settimana alle opere, alle nove edizioni, ala cronaca.. anche se me par Celletti ( l'autor dei magnifici e fondamemtal libro Il tetatro d'opera in disco) lo remenava come " Radio Osanna" perchè per lu tuto iera bel. La radio trasmetteva anche tute le inaugurazioni delle stagioni liriche in diretta, cossa no me go registrado quela volta!
Me ricordo anche un bellissimo ciclo Il mito del tenore, che analizzava interpretazioni diferenti e stili diferenti. Po una ltro ciclo forsi propio de Celletti che presentava diverse versioni de opera presentando frammenti, xe là che go imparado le differenze fra el Wagner diretto de Furtwaengler e de Karajan, tanto per dir una.
Per i libretti, invece, iero soprattutto de mula cussì appassionada che no solo li collezionavo, ma anche leggevo e andavo a zercar l'opera d'arte de cui xe stado ciolto el libretto: xe cussì che go letto verso i 15 anni la Signora delle Camelie, Il re si diverte, el Don Carlos de Schiller, el Macbeth de Shakespeare, el Hernani de Hugo.. tanto per dir un pochi.
E invece per osteria.. ben ghe iera un canto goliardico che parodiava el terzetto d'opera, con tre parti de cantar insieme che simulava soprano, baritono e basso:
el soprano cantava
E punta già l'auroraa
*****( censura)
censuro anceh i bassi e inveze ve zonto el passo dei baritoni

Davver terribile
Momento critico
Per uno stitico
Dover cag**


Ps per el sondaggio, un'esperienza precedente ne ga fato veder che sucedi pupoli e cambiamenti imprevedibili se se tenta de modificarlo una volta che qualchedun ga za risposto.

[ernesto93]

che el iera dopio perchè ogni tanto fazo la capela col tasto F5, ma adesso no xe più nissun dei due.

ala salute
del post defonto
alziamo i calici
alla salute

go deciso, fazzo siopero che me farà solo che ben

+ cabernet
- internet

[babatriestina]

meo lassar doppio, che se resta due un se pol cavar.. lassa perder el F5 e cussì me resta el dubbio de dove che xe i versetti che te ne ga citado..
( za un dopion de quel de sora lo gavevo cancellado mi.

[Piereto]

Ghe rispondo a ernesto,sai in ritardo,ma go visto solo adeso, circa : "Sorge l'alba notte orrenda..." a qualchidùn ghe disi qualcossa? Penso a 'ssai pochi; co iero mulo iera uno dei tochi forti de qualsiasi compagnia de cantanti de osteria.
In prima batuda go dito sto coro qua xe opera del duo Verdi-Piave. Go pensà a tute le prime opere corali.Vien in mente el trovatore,ma no xe lu. Noti orende e albe pol eser in forza del destino,nei do foscari,forsi in Ballo in maschera .Nel don carlos no. Me restava el Machbet,ma podeva anche eser l'atila ,o una de quel arie che no se senti dei Lombardi ,ma po go avù conferma da un altro sito Forum. Le parole dovesi eser del Macbeth atto II scena III .Ma po legendo el libreto me son inacorto che le parole no xe propio quele.
Sparve il sol!... La notte or regni
scellerata ~ insanguinata.
Cieca notte, affretta e spegni.
Ogni lume in terra e ciel.
L'ora è presso!... Or ci occultiamo,
nel silenzio lo aspettiamo.
Trema, o Banco! ~ nel tuo fianco
sta la punta del coltel!

Per cui ,forsi ernesto ga cità a memoria,o forse el testo xe sta rivoltà. E zercando tra i libreti me son imbatù in sti versi del Marin Faliero de Donizetti,che no centra un boro,ma che dimostra come venezia e i suoi dogi ga tentà de conquistar tuto in adriatico,e go pensà a come noi triestini inveze semo riusidi a tenirghe testa.

Zara audace, Zara infida!
Quattro assalti invan ti diero.
Pugna ancor, benché affamata,
e San Marco ancor disfida.
Oh pro' Faliero!
Già la fossa è superata,
non v'è muro che sia intero;
Zara, trema; trema, o Zara,
ché l'estremo si prepara.
Oh pro' Faliero!
Ma dall'Ostro ecco che un nero
polverio s'alza, e ognor cresce:
delle picche appar la vetta,
grida all'arme la vedetta.
Oh pro' Faliero!
Gli Ungheresi! Gli Ungheresi!
Da ogni lato ecco siam presi.
Guai se Zara... guai se esce!
Sta dubbiando ogni guerriero.
Oh pro' Faliero!
Ma Falier sorge, e il periglio
misurato ha d'uno sguardo;
dal gran cuor prende consiglio,
e assalisce egli primiero.
Oh pro' Faliero!
Egli primo esce dai valli,
egli guida l'antiguardo,
sostan gli ungheri cavalli
allo scontro del guerriero.
Oh pro' Faliero!

[babatriestina]

. Le parole dovesi eser del Macbeth atto II scena III .Ma po legendo el libreto me son inacorto che le parole no xe propio quele.
Sparve il sol!... La notte or regni
scellerata ~ insanguinata.

go presente quel coro, xe co i sicari speta Banco per farlo fora, e poco dopo el riva col fio e el canta quela bellissima aria de basso
"Come dal ciel precipita"
Ma no lo go mai sentido cantar in osteria..e fra l'altro nol me par gnanca tanto orecchiabile, come inveze presempio el coro del trovatore "Squilli, echeggi la tromba guerriera" che ogni volta che lo sentivimo in teatro po lo cantavimo per strada tornando a casa.

sti versi del Marin Faliero de Donizetti,che no centra un boro,ma che dimostra come venezia e i suoi dogi ga tentà de conquistar tuto in adriatico,e go pensà a come noi triestini inveze semo riusidi a tenirghe testa.

Zara audace, Zara infida!
Quattro assalti invan ti diero.
Pugna ancor, benché affamata,
e San Marco ancor disfida.
Oh pro' Faliero!

go presente l'opera, ma al povero Marin Faliero no ghe ga portado ben:
"Marin Faliero dall'infida moglie".. e nel opera el ghe fa la figura del eroe che difendi el popolin dela arroganza dei nobili " Trema o Steno, tremate superbi" (cabaletta, cito a memoria) e el finissi decapitado per tradimento.
Semo rivai a scapolarla, ma fin che no Venezia no ga declinado semo restai imbottigliai in sto canton de Adriatico..

[sono piccolo ma crescero]

go presente quel coro, xe co i sicari speta Banco per farlo fora

Nella version de osteria lo canta(va) el coro Illerberg.