Raffaello

[tucci]

Forsi la gaverè zà vista ma per mi val la pena darghe un'ociada

ciau

[babatriestina]

La foto no, ma la nave me la ricordo ben..

[Canada]

Nel lontano '73, la Raffaello me ga portà per la prima volta a Trieste e quà la me ga lassa...per sempre! Bei ricordi del viaggio, specialmente del barman nativo de S. Croce che me ofriva i cocktail...a gratis!

[tucci]

xè specificà "Pranzo di Gala " quindi no sò come iera la norma ,ma spero che te gabbi rivà a sbecolar qualcossa de stò ben de Dio !

[Canada]

Grazie per i ricordi. Quel menu che te ga mostra xe del '69. Quei che go gusta mi iera un poco meno elaboradi ma sempre assai bon. Nei giorni de mar grosso nell'attraversata, iero une delle poche in sala colazioni e i coghi e camerieri me cocolava assai (i altri iera tuti in cabina a dar de stomaco!)

[muiesan]

Savè che el Queen Elizabeth II, dela Cunard, che iera anche a Trieste pochi ani fa, podessi esser considerada una gemela de Michelangelo e Raffaello?
Aparte el camin, che le nostre gaveva due e l'inglese un, el scafo, e le sovrastrutture xe preticamente uguali; verdele ben, una e l'altra.
No so che chi ga fato el progeto, ma le nostre me par che le xe nate prima.

[Rawa Ruska]

Mi stavo a San Giovani (fuori da le mura, capimose) de muleto e anche de mulo. E cosa che me piaseva che rivava fin la el fiscio del vapor col riva, co el parti... Mi con quel fiscio giravo ell mondo. Deso me fiscia i tubi...

Rawa Ruska

[AdlerTS]

E cosa che me piaseva che rivava fin la el fiscio del vapor col riva, co el parti... Mi con quel fiscio giravo ell mondo.

Pirandelliano