Tempo fa, quando me ga becà l'uzzolo (nova parola dialettal) dele targhe e lapidi, passando per via Besenghi (andavo a darghe un'ociada al retro de l'astronomico) me son ricordà che, ancora co andavo al'Oberdan, gavevo visto una targa e, no gavendo la machina fotografica, ma un poca de più boni oci, me iero scrito su un toco de carta la scrita: "Questa casa / che accoglie fanciulle che casa non hanno / perchè / Maria / Stella del Mare / indichi loro la rotta sicura nel mare della vita / è dovuta alla generosità sapiente / della missione estera di soccorso / degli Stati Uniti d'America / 1948.refolo ha scritto:Be! poderia esser sta' in via Tigor come che te disi ti!....ma siccome tuto xe stado cambia, mi te posso dir che fazevo la scala in via Bramante e dopo a pochi passi iera le Suore. So' che le iera missiade de razze, dalle Belghe-Tedesche- Francesi, Dio solo sa' cossa, quasi tutte Principesse decadute........
I Tedeschi noi iera lontani dal logo, le ga' avuto tante ripercussioni, sul fatto che le ne dava de magnar.
Sia che in via Besenghi- in fondo dell Lazaretto Veccio- e dintorni xe sempre sta' soldai, sia che Tedeschi- Americani! non go' mai capido el perche'? veccie dimore? Case tipo caserme? ampiezza per stabilir una zona Militare? Tutto xe sta'trasforma' come un centro bellico.
Maria aka Refolo
Son passado qualche settimana fa per fotografar, iera lavori in corso (come che se vedi dalla foto de google maps), ma della targa nisba. Là adesso xe una scuola materna o asilo nido. Go visto vegnir fora una maestrina -cussì me pareva - e ghe go domandà dove che iera andada a finir la targa (me ricordo che la go ciamada "Stella Maris"). Risposta: boh!
Comunque, vizin, al n° 23 (me par) xe una villetta de le Suore francescane elisabettiane; La cesa xe difronte.
E za che parlo de quela zona dirò che me ricordo benissimo le baracche che ospitava la scola d'arte e che prima iera adibide ad uso militare alleato. Qualcheduna iera in legno a tetto a due spioventi ed altre col tetto a volta in bandon ondulato. Me par che el Da Vinci iera anche sta usà come ospedal militar. L'Oberdan no gaveva ancora la palestra nova (circa 56-57) e tante volte fazevimo ginastica nel cortil dove incontravimo anche la muleria dell'istituto d'arte.
No go leto tutto el topic "I alleati" ma penso de aver dado qualche risposta a qualche ricordo svampido.
- besenghi.JPG (135.28 KiB) Visto 565 volte
