Modi de dir triestini

[babatriestina]

xe due sfumature diferenti de come che li go sentidi doprar mi, el tuo xe un darse arie, pretender de esser quel che no se xe, el mio xe più che altro un " tropa grazia sant'Antonio" senza sfumadura de critica

[sono piccolo ma crescero]

Sul primo significato de BT (far fora del bucal) son d'acordo. Per el secondo (far el paso più longo dela gamba) per mi xe giusto quel che trovo sul grande dizionario della lingua italiana del Battaglia (massma autorità in materia):

Fare il passo più lungo della gamba: mirare, in un’iniziativa, a risultati superiori alle reali possibilità; non tener conto, in una spesa, delle effettive disponibilità finanziarie; agire impru­dentemente.

[Ciancele]

Mi forsi no frequentavo gente finota, ma in triestin al posto de un che fa el "paso più longo dela gamba", go sempre sentì dir che un la "c__a fora del bucàl"...

Mi no frequentavo gente finota e par quel disevo anca mi cusì, ma nel senso de spararla grosse, esagerare in modo esagerato, mettendo in giro scientemente anche notizie non vere. Par gnoco i finoti disi: Die Kirche im Dorf lassen = Lasciare la chiesa entro i confini del paese.
Far el paso più longo dela gamba disevo quando che fazevo qualcosa superiore alle mie forze, spesso - come che disi SPMC - per imprudenza, cioè per non avere valutato tutte le conseguenze.

[Blues Briso]

el tuo xe un darse arie, pretender de esser quel che no se xe...

Boh mi go sempre inteso per chi che ga fato un eror de valutazion. Po, certo, lo go inteso doprar anche per chi la "spara grosa"...

[Piereto]

In sti giorni go inteso una parola che no gavevo mai inteso : scrauzo e da quel che go capido i voleva dir che una roba iera scadente. No la gavemo sul vocabolario, ma su la 3cani in italian esisti el termine scrauso col stesso significado . Cosa femo?.

[sono piccolo ma crescero]

Se me disè de zontarlo nel vocabolario, mi lo zonto. Comunque el Battaglia, Grande Dizionario della Lingua Italiana (GDLI) ed. Utet nel supplemento del 2004 riporta

Scràuso, agg. Nel linguaggio giovanile, brutto, squallido; sca­dente, di pessima qualità.
G. L. Beccaria [«La Stampa», 24-II-2001]: Accontento per ultimo il condirettore, Gianni Riotta, che nell’ultimo Specchio si chiede (e mi chiede) da che verrà mai un’espressione ora in voga come ‘scrauso’, in uso nel gergo giovanile. Ho appurato, grazie anche alla cortesia di Gepi Patata, che ‘scrausa’, nel senso di ‘di poco conto’, ‘di cattiva qualità’, è un aggettivo che in principio cominciò ad essere usato dai ‘coatti’ della periferia romana (‘A Roma gira solo robba scrausa’, cioè droga di cat­tiva qualità, è detto nel film di Claudio Caligari, ‘Amore tossico’, 1983, interpretato da giovani eroinomani di Ostia). Ma non si tratta di neo­logismo di questi ultimi decenni. Un mio collega, Pietro Trifone, ha trovato una sorprendente anticipazione di ‘scrausa’ nel senso di ‘scioc­ca’ nel primo Cinquecento, negli atti di un processo per stregoneria.
= Voce di origine espressiva.

Personalmente son d'acordo de no meter solo le parole vece, e qualche anno fa me iero informà de parole tipiche del gergo dei muli (vardè asedo, spuro, canon; no le dopro mi nela vita de ogni giorno, le me xe stade dade da un che lavora nel setor dela tossicodipndenza). Quindi se pensemo che sta parola la fa parte del gergo giovanil de Trieste, me pareria giusto meterla. Comunque speto che me lo disè voi. E me dovè dir se scrauzo o scrauzo, se la zeta xe quela de "azione" o quela de "zanzara",
In italian go trovà come che se lo pronuncia, ma con la s no co la z: https://www.google.com/search?channel=fs&q=scrauso

[Piereto]

Mi la go intesa con la zeta de azione.

[sono piccolo ma crescero]

In sti giorni go inteso una parola che no gavevo mai inteso : scrauzo e da quel che go capido i voleva dir che una roba iera scadente. No la gavemo sul vocabolario, ma su la 3cani in italian esisti el termine scrauso col stesso significado . Cosa femo?.

Go 'vu conferma anche de altre parti, quindi lo meteria.

E i me ga contà de un'altra parola che va de moda adesso: gostar, o meio, ghostar: no risponder a una domanda o a un messaggio, sopratuto sui social network. Pareria che la sia sai comune.

[babatriestina]

Questo no xe propriamente triestin, me lo citava mama che diseva una fiumana, per dir che un se lamentava sempre " Ti xe come la ciuca del pentolaio, che gaveva 99 piaghe soto la coda". Anche ala tedesca ti xe un "Jamer-Pepi" un Giuseppe lamentoso diria

[Ciancele]

Questo no xe propriamente triestin, me lo citava mama che diseva una fiumana, per dir che un se lamentava sempre " Ti xe come la ciuca del pentolaio, che gaveva 99 piaghe soto la coda". Anche ala tedesca ti xe un "Jamer-Pepi" un Giuseppe lamentoso diria.

Un che se lamenta sempre qua i lo ciama Jammerlappen.

[Blues Briso]

No xe proprio la stesa roba, ma no go visto sule wiki "pianzoto" per un che frigna sempre.

A proposito de gnochi, me ricordo de gaver conosù un austriaco e parlando (in lingua) de modi de dir, el me ga dito che lori per dir "cosa succede?" i diseva "cosa nasce?"... come el triestìn "cossa nassi?"

[babatriestina]

e go anche sentido el verbo "pianzotar"! " No stame vegnir a pianzotar, dopo" E po xe el noto " pianzota pestapevere - col oio e bacalà"

[Blues Briso]

...che miscia la polenta pel povero soldà

[babatriestina]

un'espression che doprava mia mama - e che dopro anche mi- co la voleva criticar qualche ecclesiastico. la iera assai de cesa ( altra espression " esser de cesa" per "essere devoto") e quindi la voleva dir " senza mancar de rispetto ala funzion " ma criticando qualcossa dela persona la premetteva un " cavandoghe el sacro"

[babatriestina]

sempre mia mama alla domanda " Son bela? rispondeva " sì, come el roverso dela padela" che ovviamente iera la version purgada de " come el cul dela padela"

[Piereto]

Forsi no xe un modo de dir triestin, ma de dove vien, quando in un "incontro ravvicinato" se disi : ivonne, te spusa el fia. ? Un avanzo de testo teatral?

[babatriestina]

Non lo trovo sotto " scovar"
Scovar le sale per attardarsi- spesso a una festa- rimanendo fra gli ultimi. Secondo mia madre non era il massimo dell'educazione, bisognava ritirarsi in tempo

[babatriestina]

e già che c'ero " scoio" è anche una gemma - di solito diamante " el ghe ga dado un anel de fidanzamento che iera un scoio"

[sono piccolo ma crescero]

e già che c'ero " scoio" è anche una gemma - di solito diamante " el ghe ga dado un anel de fidanzamento che iera un scoio"

Per me più che il diamante o altra pietra, il termine scoio fa riferimento o alla dimensione esagerata della pietra grande come un sasso, o alla qualità scadente: non era un diamante, ma un sasso, Non avendola mai sentita non saprei interpretarla.

[sono piccolo ma crescero]

Non lo trovo sotto " scovar"
Scovar le sale per attardarsi- spesso a una festa- rimanendo fra gli ultimi. Secondo mia madre non era il massimo dell'educazione, bisognava ritirarsi in tempo

Varda se va ben come che go scrito nel vocabolario.