Haiti

[Ursus Canadiensis]

Go leto altrove un post che condana Obama per reazion a riguardo del disastro de Haiti.

In difesa al sforzo dei Stati Uniti, quel che ga fato Obama e el governo in ste ultime 36 ore xe straordinario – infati fora dei limiti de normalità. Xe stada mobilitada tuta una brigada militare, due porta-aerei con ospedali mobili i xe in rota. Due mila marines, ingegneri, specialisti e via disendo per ristabilir contato col resto del mondo, rimeter le strade almeno a posto al punto che le diventi caregiabili, ristabilir el controlo nel aereoporto de Port-au -Prince. A sto punto, ristabilir almeno i servizi base xe asolutamente critico, se no tuto l'ajuto che riva a Haiti no'l farà altro che imbunir i due porti dove che se pol ancora atracar le navi e la gente continuerà a morir. I ga mandado anche due navi de trasporto (freighters) anche quele piene de medicine, cibo, vestiario, tende e via disendo. Dotori, infermiere e altro personal medico in piena forza xe a bordo dela Mohawk, che doveria far porto probabilmente tra qualche ora. I americani, cioè i citadini privati i se sta dimonstrando più che generosi con donazioni ai NGO e varie altre agenzie de ajuto, e el governo el ga za mandà no so quanit limioni de dolari qualche ora dopo el disastro.

El Canadà ga mandado za 4 Hercules pieni de rifornimenti medici, cibo e e tuto quel che concerni atrezatura de emergenza.. Un C17, el mostro de trasporto aereo, con quatro elicoteri a bordo, anche quel pien de rifornimenti de emergenza xe za partido. I elicoteri i xe esenziali, perchè come che le robe esisti adeso, un camion pien de rifornimenti el devi viagiar oto ore per far quarantasete kilometri, da Port-au-Prince ala prosima cità, sede del'epicentro del teremoto.

El Canada ga anche spedido due frigate piene de rifornimenti de emergenza, oltre al personal medico, che xe la roba più critica in sto momento. Oltra a quel in partenza xe anche la brigada Canadese de socorso de disastri. I xe boni de procurar miliaja de litri de aqua potabile filtrando l'aqua marina con el proceso de osmosi. El sistema xe in pie e in piena funzion in meno de quache ora. I xe specialisti nel ricupero de gente sepelida in casi de teremoti e frane. In oltre, I citadini privati, za venti ore fa gaveva racolto cinque milioni de dolari, che probabilmente presentemente sarà tre volte tanto e el governo Canadese, oltre ai suoi fondi za mandadi el paregierà dolaro per dolaro el setor privato.

Ancora più dei Stati Unidi, el Canada ga legami sai streti con el popolo haitian. No bisogna dimenticar che 104,000 Haitiani vivi in Canada e che el Governador Generale, Michaelle Jean xe nativa de Haiti e che la ga sorele e genitori a Haiti.

No vojo pronunciarme sul tratamento de Cuba da parte del Governo American perchè de quel xe stado za tropo dito, e dito giustamente. Xe una vergogna che un gigante se senti giustificado de punir un isoleta come Cuba e la sua gente, ma dito tuto, quel tratamento sfortunado no detrai dal enormes forzo ativado dal'aministrazion americana per iutar Haiti.

Perquanto riguarda i sucesivi governi Haitiani, xe sai facile puntar el dedo verso i Stati Unidi. Xe un tantin più dificile esaminar la situazion più de vizin per acorzerse che un bon grado de colpa bisogna darghela ai Haitiani stesi.

Arnie

[Coce]

Perquanto riguarda i sucesivi governi Haitiani, xe sai facile puntar el dedo verso i Stati Unidi. Xe un tantin più dificile esaminar la situazion più de vizin per acorzerse che un bon grado de colpa bisogna darghela ai Haitiani stesi.

Arnie

La situazion de vicin xe semplice: Haiti xe una ex colonia francese dove i abitanti xe quasi tuti neri importai dal' Africa come Schiavi, i ghe ga da li' indipendenza tanti ani fa' pero' i ghe ga da''un'economia da schiavi e cussi' la xe restada fino al giorno de oggi. Obama no ga gnente de far con tuto questo e gnanche el governo francese odierno, ma quei che ga governa' prima i iera consapevoli che el paese iera el piu povero d' America ma nissun ga fato gnente per ani , anorum. Mi no penso che la vera democrazia no pol esister nela piu abbietta poverta'. Coce

[AdlerTS]

Per chi vivi in Italia, ve ricordo el "SMS solidale" al 48541 da TIM e Vodafone, al 48540 da Wind ed H3G.