Eiswein.
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
-
- ixolan
- Messaggi: 371
- Iscritto il: ven 16 gen 2009, 19:04
- Località: BC, Canada
Eiswein.
Nei tempi pasadi, un dei re dela Svevia, (Schwaben) in Germania, epoca durante la quale asoluatamente tuto e completamente dipendeva dal re, quando che, per esempio, nisun se gavesi mai gnanche sognado de far la racolta del fien o gran senza che el re gavesi comandado per decreto reale che jera ora de farla la racolta, sto re, un tantin tocà dal Alzheimer o una simile condizion de dimenticanza, el se gaveva dimenticado de comandar che se fazesi le ventdemie. I poveri contadini i andava in cesa a pregar che el se ricordasi perchè l'uva gelava sule vide, ma tuto invano. Jera za Dicembre quando che finalmente, i suoi ministri i ga osado darghe presente che forsi, "Euere Majestät, saria ora de comandar che se fazi la vendemia."
Imediatamente la vendemia jera comandada per decreto, e cusì i containi, guanti, barete e capoti de pelicia de agnel, i se gaveva meso a farla, con le temperature che se agirava sui -10º.
El vin fato jera poco, in termini de litri, ma de un profumo e forza de netare. E cusì per una svista reale jera nata la tradizion del Eiswein o vin de jazo.
In British Columbia, specialmente nela vale del'Okanagan dove che ne uva ne fredo invernale no manca per quei che i sa spetarlo con pazienza, sta tradizion xe diventada un industria sai profitabile. L'Eiswein del BC ga vinto concorsi internazionali, infati.
Jeri la temperatura noturna xe rivda fin squasi 20º. Jeri e sta matina tute le vigne le jera infarmigolade de vendemiadori, anche lori guanti e giube de pele, jazoli soto el naso e torno i oci, i ingrumava graspi geladi solidi a-tuta-alè. Sto ano xe una situazion asolutamente ecezionale perchè normalmente no se vndemia prima dela fine Dicembre.
PROSIT
Arnie
Imediatamente la vendemia jera comandada per decreto, e cusì i containi, guanti, barete e capoti de pelicia de agnel, i se gaveva meso a farla, con le temperature che se agirava sui -10º.
El vin fato jera poco, in termini de litri, ma de un profumo e forza de netare. E cusì per una svista reale jera nata la tradizion del Eiswein o vin de jazo.
In British Columbia, specialmente nela vale del'Okanagan dove che ne uva ne fredo invernale no manca per quei che i sa spetarlo con pazienza, sta tradizion xe diventada un industria sai profitabile. L'Eiswein del BC ga vinto concorsi internazionali, infati.
Jeri la temperatura noturna xe rivda fin squasi 20º. Jeri e sta matina tute le vigne le jera infarmigolade de vendemiadori, anche lori guanti e giube de pele, jazoli soto el naso e torno i oci, i ingrumava graspi geladi solidi a-tuta-alè. Sto ano xe una situazion asolutamente ecezionale perchè normalmente no se vndemia prima dela fine Dicembre.
PROSIT
Arnie
If at first you don't succeed, try reading the instruction manual.
- babatriestina
- senator
- Messaggi: 41366
- Iscritto il: dom 25 dic 2005, 19:29
- Località: Trieste, Borgo Teresiano
Re: Eiswein.
e mi che pensavo che fussi un gelato al gusto de vin!
"mi credo che i scrivi sta roba per insempiar la gente" ( La Cittadella)
-
- ixolan
- Messaggi: 371
- Iscritto il: ven 16 gen 2009, 19:04
- Località: BC, Canada
Re: Eiswein.
El ga un gusto simile al vin de uva apasida ma senza quela sensazion che el vin xe siropo. Xe sempre vin. El xe dolce ma seco e de un profumo de copar. El prezo xe anche de copar, dai $ 40.00 ai $ 60 ala botilia de 330 mml.
If at first you don't succeed, try reading the instruction manual.
Re: Eiswein.
ostr....Arnie Coburg ha scritto:$ 40.00 ai $ 60 ala botilia de 330 mml
come guarir da l'alcolismo..
grazie saluti
- sono piccolo ma crescero
- cavalier del forum
- Messaggi: 8717
- Iscritto il: ven 11 mag 2007, 14:08
- Località: Trieste
Re: Eiswein.
Go controllà: 40$ canadesi xe circa 30 €.
Xe de meno, ma ... sempre cura per l'alcoolismo.
Xe de meno, ma ... sempre cura per l'alcoolismo.
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
- babatriestina
- senator
- Messaggi: 41366
- Iscritto il: dom 25 dic 2005, 19:29
- Località: Trieste, Borgo Teresiano
Re: Eiswein.
come un bon Picolit, insomma...sono piccolo ma crescero ha scritto:Go controllà: 40$ canadesi xe circa 30 €.
Xe de meno, ma ... sempre cura per l'alcoolismo.
"mi credo che i scrivi sta roba per insempiar la gente" ( La Cittadella)
-
- ixolan
- Messaggi: 371
- Iscritto il: ven 16 gen 2009, 19:04
- Località: BC, Canada
Re: Eiswein.
Infati se vedi ben raramente un barbon che el ciuci Eiswein de una botilia voltizada nel tradizionale scatozo maronsono piccolo ma crescero ha scritto:Go controllà: 40$ canadesi xe circa 30 €.
Xe de meno, ma ... sempre cura per l'alcoolismo.
Arnie
If at first you don't succeed, try reading the instruction manual.