Vizin ala citadina de Mugia, nel golfo de Trieste, dove che el Mediteraneo o meio l'Adriatico finisi e se insinua in Europa, dove che el clima suto rendi la cità limpida e e l'aria traspartente, se trova Porto San Rocco, l'aprodo ideal per la nautica de diporto: logo ideal per la partenza de crocere longo la costa istriana e dalmata, ma anche per rilassanti gite in mar de un giorno. Una marina unica in Adriatico, con fondai profondi, 525 posti barca per scafi fin a 60 metri. Xè porsti fissi in banchina per le barche più grandi e pontili galegianti per le barche che ga meno de 15 metri. Se ghe trova servizi ecezionai e atmosfera acogliente. Al 'marina' se afianca un complesso turistico-residenzial inserido in maniera perfeta nel paesagio che ghe xè atorno, realzado su progeto de Luigi Vietti.
Colori caldi e piera arenaria per ricrear l'atmosfera de un pitoresco vilagio de pescadori (???) (i punti interigativi li go messi mi). Pice strade, volti (cussì se ciama a Mugia i sotopassi dei veci borghi), portici, giardini e la passegiata rente al mar.
Le aree interne xè tute pedonali perchè xè sta fato un garage interà con 570 posti machina.
Se ghe trova de tuto (???): sevizi de altissimo livel, un distibutor marino de carburante (unico a Trieste), yacht club, albergo con 64 camere, ristorante con 150 posti, solarium in legno de teak, negozi, sala congressi per 150 de lori, piscina scoperta con vasche idromassagio, centro fitness con piscina coverta, sorveglianza 24 su 24 ore: logo ideal per trasocorer le vacanze o far una tapa durantre una crocera.
Go fato là le foto a fine marzo e in giorno de lavor, go scielto sto periodo per no gaver tropa gente in giro: difati no ghe iera quasi nissun.
Queste xè le tante (trope) foto del servizio:
El Delfino Verde sta rivando per andar a atracar al molo de Mugia
El panorama verso el golfo: porto novo, molo VI, in alto sul ciglion del Carso Monte Grisa
El valon de Mugia; sula sponda oposta la ferriera: se vedi i depositi de carbon
