Mi credo che el punto che pol (podeva) eser importante xe questo: ghe iera previste escursioni facoltative a Trieste?babatriestina ha scritto:e co se riva in un porto escursioni e visite facoltativi a pagamento
Questo ne pol interesar, che i visiti la nostra cità, che i fazo foto, che i ghe ne parli in giro a amici e parenti che dopo magari i podesi vignir qua a visitarla.
Scordeve negozi e ristoranti, come gavè dito i magna e se diverti a bordo (e ben, molti va per quel) e dificilmente i va in giro per negozi, se non per curiosar. Probabilmente no i ga nianca la machina per portar via la roba.
Se manca le escursioni, Trieste diventa come un porto de servizio, disemo tipo Calais o Dover. Se se stadi in Inghiltera ghe sarè pasadi, magari ve ga tocado anche spetar dele ore, ma chi ga mai visitado qualcosa? E sicuramente speso niente o quasi.
No go mai fato crociere, go solo esperienza de tragheti, e l'unico che me vien in mente dove che me son fermado a visitar veramente el logo (e per più giorni), xe quel che portava da Helsinki a Kopenhagen, ma ierò là per visitarle e el tragheto iera solo la comodità de far un toco de strada via mar, no certo lo scopo del viagio.