Surriscaldamento Globale

[Ursus Canadiensis]

Un'altra serie de foto che me ga mandado mio fio dal'oceano e la costa artici, orsi bianchi. Per la magior parte I orsi bianchi vivi dela cacia ale foche, fata dai banchi de jazo che galegia vizin le coste del'oceano artico. Visto che oramai gavemo perso un'enorme quantità del jazo permanente (ice cap), i orsi bianchi i xe forzadi a pescar nudando, una situazion che rendi la pesca ala foca sai dificile. Tante familie de lori le incontra enormi dificoltà de nutrirse e i xe in pericolo de estinzion. Una rara oportunità de fotografarli in pien giorno vizin la costa de Hudson Bay.



Orso

[AdlerTS]

Bele foto, anche se pesanti !!
go visto per TV che tanti de 'sti poveri orsi mori negandose per colpa del ghiaccio che se ritira, povere bestie

[Piereto]

Xe stadi vari incontri internazionali in sti ani, e l'ultimo sarà a Marakesc, per zercar de trovar i rimedi al riscaldamento globale, e anche per capir quali che xe le cause. Tuti a darghe le colpe all'aumento della Co2 antropica, pochi a dir che xe un fenomeno ricorrente del nostro pianeta e che l'omo sapiens gà solo dado una man a accelerar un fenomeno che xe sempre esistido. El problema nel problema xe che no semo afato sicuri che calando l'emission de la Co2 cali el riscaldamento, e....... che no gavemo un governo unico globale per cui tutte le nazioni che xe in corsa per aumentar la Co2 le se fermi. El calo de le emissioni provocaria recession e mancati guadagni in una parte de la casta delle BIC (banchieri industriali e capitalisti). Una altra parte da la casta inveze ghe guadagnasi dall'uso delle nove tecnologie. Quindi ? .... promesse de marinaio e tiremo a campà. Molto probabilmente ghe sarà el problema dell'inalzamento dei mari co intere pianure che vinisi alagade, città che spariria soto aqua, zone una volte fertili che secassi e viceversa zone aride che riaquistasi la fertilità. E sora de tutto una marea de omini che cominciasi a morir, e dopo a emigrar e no trovando de magnar copasi per un toco de pan. Quindi guerre de conquista e guerre de difesa e con lore un calo de la popolazion planetaria. La speranza xe l'ultima a morir, ma la stupidità no ga limiti.

[babatriestina]

inutile che noi stemo con un grado d e meno in casa fin che milioni de cinesi iqnuina col carbon o i americani no firma el protocollo de Tokyo. Po mutamenti climatici xe stai nelle ere geologiche anche se el omo no iera gnanca apparso...
mi credo che se sentimo assai prometeici se pensemo de rivar a cambiar el clima global con qualche cambiamento nele nostre abitudini.

[Piereto]

La speranza xe l'ultima a morir, ma la stupidità no ga limiti.

[Ciancele]

Inutile che noi stemo con un grado de meno in casa fin che milioni de cinesi inquina col carbon o i americani no firma el protocollo de Tokyo. Po mutamenti climatici xe stai nelle ere geologiche anche se el omo no iera gnanca apparso...
mi credo che se sentimo assai prometeici se pensemo de rivar a cambiar el clima global con qualche cambiamento nele nostre abitudini.

Anca qui za dai ani setanta i fa storie par via del buso de l'ozono e i aerosol. Più o meno xe però tuti de l'opinion de Baba Triestina.

[babatriestina]

no Kyoto e no Tokyo... ben sempre quel e sempre giaponesi.
El buso de ozono i tasi perchè par che el se staghi serando. O no x e più d e moda

[sono piccolo ma crescero]

El buso del ozono che se sera xe la prima vitoria dei ecologisti che xe rivadi a far abolir el freon nele bombolete e nei frigoriferi.

Quanto al riscaldamento global, mi no son per gnente contento dei inverni miti che gavemo vu nei ultimi anni. Se no metemo la testa a posto, ognidun la sua, tra qualche anno la pagheremo.

[Elisa]

El buso del ozono che se sera xe la prima vitoria dei ecologisti che xe rivadi a far abolir el freon nele bombolete e nei frigoriferi.

Quanto al riscaldamento global, mi no son per gnente contento dei inverni miti che gavemo vu nei ultimi anni. Se no metemo la testa a posto, ognidun la sua, tra qualche anno la pagheremo.

Questi me par seri e concreti problemi, sotolineo l' ultima frase citada desóra come predizión, altro che quel del trump che....sicuro "passa, finisce e si scorda"!